იმერეთში კორონავირუსის 65 შემთხვევა დადასტურდა. ინფიცირებულთა შორის არიან მოსწავლეები და მასწავლებლები.

,,გვქონდა ინფიცირების შემთხვევები წყალტუბოს ერთ-ერთ სოფელში, ქუთაისის რამდენიმე სკოლაში, ტყიბულში იყო შედარებით მრავალრიცხოვანი  შემთხვევა. ყველა სკოლა გადასულია ონლაინ სწავლების რეჟიმზე, ინფიცირებულთა ახლო კონტაქტები არიან კარანტინში.ჯერჯერობით ზომების გამკაცრების აუცილებლობა იმერეთში არ არის, ვინაიდან სიტუაციას ვაკონტროლებთ და უკონტროლო გავრცელება არ გვაქვს.,,-განაცხადა სახელმწიფო რწმუნებულმა იმერეთში.

ზვიად შალამბერიძის ინფორმაციით, იმერეთის მასშტაბით 450 ადამიანი მკურნალობს , 1800 ადამიანი  თვითიზოლაციაშია, 200 კი კარანტინში

წყალტუბოს მუნიციპალიტეტის მერია ,,ევროპული საქართველოს,, ბრალდებას,, განცხადებით პასუხობს.

,,წყალტუბოს მუნიციპალიტეტში სასწავლო წლის დაწყებამდე Covid-19-ის გავრცელებასთან დაკავშირებით შემუშავებული რეგულაციებისა და წესების გათვალისწინებით აუცილებელი გახდა, რომ ყველა სკოლაში მოწერიგებულიყო სველიწერტილები და საპირფარეშოები.მთავრობის №947 და №973 განკარგულებებით, წყალტუბოს მუნიციპალიტეტს გამოეყო თანხა, როგორც საპროექტო-სახარჯთაღრიცხვო დოკუმენტაციის მომზადებისთვის, ასევე სამუშაოების გახორციელებისთვის, საერთო ღირებულებით 1 011 032 ლარი.განკარგულებაშივე იყო მითითება, რომ შესყიდვის პროცედურები განხორციელებულიყო გამარტივებული შესყიდვის ფორმით, კერძოდ, გადაუდებელი აუცილებლობით და არა ელექტრონული ტენდერების საშუალებით. მომზადდა საპროექტო-სახარჯთაღრიცხვო დოკუმენტაცია.სულ გაფორმდა 10 ხელშეკრულება 33 სკოლისთვის საპირფარეშოების მოწყობის თაობაზე.პრეტენდენდენტების შერჩევა არ მომხდარა ერთპიროვნულად და თითოეული მათგანის შესრულებული სამუშაოების კონტროლი ხორციელდებოდა მერიის შესაბამისისამსახურების მიერ.,,-წერია განცხადებაში, რომელიც წყალტუბოს მუნიციპალიტეტის მერიამ გაავრცელა. 

ბოლო 24 საათის განმავლობაში ქუთაისში კორონა ვირუსის 10 ახალი შემთხვევა დაფიქსირდა.ყველა მათგანი ე.წ. 32 ე სკოლის კლასტერს უკავშირდება. თუმცა, შესაძლოა ქუთაისში კიდევ ერთი სკოლის კლასტერი გაჩნდეს. კოვიდ 19 დაუდასტურდათ 24 ე სკოლის დირექტორს, საქმეთა მმართველს და ბუღალტერს. ეპიდემიოლოგები ამ მიმართულებითაც მუშაობენ. ინფორმაცია მედიას სახელოწიფო რწმუნებულმა იმერეთში მიაწოდა

,,ბოლო 24 საათის განმავლობაში 1134 კვლევა ჩატარდა ჩვენს ლაბოტრატორიებში და დღესდღეისობით გვაქვს 10 დადასტურებული შემთხვევა . დინამიკა შემცირების გრძელდება ,რაც ძალიან სასიხარულოა. ჩვენ ვაგრძელებთ კვლევებს კონტაქრების, ვაგრძელებთ კარავში ტესტების აღება.ამ 10 შემთხვევიდან,უმეტესობა  შეიძლება ითქვას არის კარავში დადასტურებული.ესენი ყველა უკავშირდება 32-ე სკოლას.რაც შეეხება 24-ე სკოლას, ინფორმაცია გვაქვს, თუმცა ჯერ ჯერობით გარკვეული დეტალები ზუსტდება. ჩვენ 300-მდე საწოლი გვაქვს გამზადებული ქუთაისში, იმისათვის რომ მივიღოთ კოვიდ პაციენტები,, -აცხადებს ზვიად შალამბერიძე

დღეს, თბილისის დროით 11:31 საათზე, ოკუპირებულ აფხაზეთში, მიწისძვრა მოხდა.

დედამიწის შემსწავლელ მეცნიერებათა ინსტიტუტი-სეისმური მონიტორინგის ეროვნული ცენტრის ინფორმაციით, მიწისძვრა ქალაქ ტყვარჩელთან 31 კილომეტრში, სოფელ მარჯვენა პტიშში, 3.7 (ML) მაგნიტუდის სიდიდის მიწისძვრა დაფიქსირდა.

ქუთაისის ყოფილი მერი,იოსებ ხახალეიშვილი პოლონეთში საქართველოს გენერალურ საკონსულოს უხელმძღვანელებს. 

,,საქართველოს გენერალური საკონსულოს გახსნა პოლონეთში, არის ქართველი და პოლონელი ხალხის ისტორიული თანამშრომლობის შედეგი და მომავალი ურთიერთობების კიდევ უფრო გაძლიერების ძალიან კარგი შესაძლებლობა. მადლობა პოლონურ მხარეს ამ საქმის მხარდაჭერისათვის.

იწყება ჩემი, პირველი, საერთაშორისო როტაცია ჩემთვის მართლაც გამორჩეულ ქვეყანაში. 

წინ ბევრი გამომწვევებია და დარწმუნებული ვარ, რომ ერთობლივი ძალისხმევით ყველაფერს შევძლებთ.,,-იოსებ ხახალეიშვილი. 

ეროვნული ინტერესების მოღალატე, შეშინებული ე.წ. ხელისუფლება თავის გადარჩენას მშვიდობიან პროტესტზე ძალადობით ცდილობს.-ამ განცხადებას სოციალურ ქსელში პარტია ,,საქართველოსთვის,,ლიდერი,ყოფილი პრემიერი გიორგი გახარია აკეთებს. 

ის ყველას მიუკაკუნებს კარზე, მათ შორის - იმათ, ვინც დღეს ჩუმადაა, ფიქრობს, რომ მას არაფერი შეეხება და თავისი სიჩუმით ახალისებს მოძალადე რეჟიმს. ეს მხოლოდ დროის საკითხია.

შეშინებული, არაადეკვატური ხელისუფალი იმის ნიშანია, რომ ბრძოლის გადამწყვეტ ფაზაში შევედით და ჩვენი გამარჯვებაც დროის საკითხია, რომელიც ძლიერი, თანმიმდევრული, მშვიდობიანი პროტესტით გარდაუვლია.

თავისუფლება რეჟიმის მძევლებს!,,-წერს გიორგი გახარია.