კორონავირუსის 1 824 შემთხვევიდან, იმერეთში 305 შემთხევა გამოვლინდა.

აჭარაში ბოლო 24 საათში გამოვლენილია - 545 შემთხვევა,  ქვემო ქართლში - 48, შიდა ქართლში - 56, გურიაში - 24, სამეგრელო და ზემო-სვანეთში - 63, კახეთში - 23, მცხეთა-მთიანეთში -22, სამცხე-ჯავახეთში - 22, რაჭა-ლეჩხუმსა და ქვემო სვანეთში - 4.

ამ ეტაპზე ხელოვნური სუნთქვის აპარატზე იმყოფება 105 ადამიანი.

 24 საათის განმავლობაში ქვეყანაში კორონავირუსით 23 პაციენტი გარდაიცვალა, მათგან ყველაზე მეტი, 9 ადამიანი, თბილისში გარდაიცვალა.

აჭარაში -8, იმერეთში -2, შიდა ქართლში -2, ხოლო მცხეთა -მთიანეთში 2 ადამიანი დაიღუპა. სულ 238 გარდაცვალების 238 შემთხვევა ფიქსირდება.

24 საათის განმავლობაში ქუთაისის ინფექციურ კლინიკას კორონავირუსით ინფიცირებული 12 პაციენტი დაემატა, ხოლო 10 გამოჯანმრთელდა.

კლინიკის სამედიცინო დირექტორის , ნოდარ მაღლაფერიძის განცხადებით, ამ დროისთვის კლინიკის ბოქსირებულ განყოფილებაში კოვიდ დადასტურებული 49 პაციენტი მკურნალობს. მათგან მძიმეა 9, კრიტიკულად მძიმე კი ორი პაციენტია.

“კლინიკა ბომონდი”-ს კოვიდცენტრში კორონავირუსით ინფიცირებულ 4 ორსულს საკეისრო კვეთა ჩაუტარდა.

თერჯოლაში Covid19-ით 78 წლის მამაკაცი გარდაიცვალა.

როგორც კლინიკა "თერჯოლამედის" დირექტორმა დავით სარიშვილმა განაცხადა, გარდაცვლილი ქუთაისიდან იყო.

ქუთაისის #59-ე საოლქო კომისიის თავმჯდომარე კორონავირუსით დაინფიცირდა.

საარჩევნო ადმინისტრაციის პრესსამსახურის განცხადებით, ავთანდილ ოსეფაიშვილს ვირუსი ორი დღის წინ აღმოაჩნდა, ის კლინიკაში იმყოფება. მისი ჯანმრთელობის  მდგომარეობა დამაკმაყოფილებელია.რაც შეეხება საარჩევნო პროცესს, განმარტავენ, რომ ამ დროისთვის არანაირი შეფერხება არ არსებობს და ყველა პროცედურა ჩვეულ რეჟიმში მიმდონარეობს. თავმჯდომარის მოვალეობას მოადგილე ასრულებს.

კორონავირუსის 1 928 ახალი დადასტურებული შემთხვევიდან 245 იმერეთში დაფიქსირდა.ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

ბერდია სიჭინავამ, კოვიდ 19-ის უახლეს სტატისტიკასა და ბოლო 24 საათის განმავლობაში გატარებულ ზომებთან დაკავშირებით ისაუბრა.

 24 საათში გამოჯანმრთელდა 604 ადამიანი და სულ გამოჯანმრთელებულთა რაოდენობა შეადგენს 10 767-ს.

24 საათში 8 ადამიანი გარდაიცვალა და 2020 წლის 26 თებერვლიდან დღემდე, 201 გარდაცვალების 201 შემთხვევა დაფიქსირდა.

,,დღეს გამოვლენილი 1 928 შემთხვევიდან, თბილისში არის - 788, აჭარაში - 551, იმერეთში - 245, ქვემო ქართლში - 87, შიდა ქართლში - 33, გურიაში - 35, სამეგრელოსა და ზემო სვანეთში - 93, კახეთში - 42, მცხეთა-მთიანეთში - 20, სამცხე-ჯავახეთში - 27, რაჭა-ლეჩხუმსა და ქვემო სვანეთში - 7.

დღეის მდგომარეობით, თვითიზოლაციაში იმყოფება 26 533 პირი, საიდანაც თბილისში არის 3 237 ადამიანი, აჭარაში - 10 245, იმერეთში - 3 861,,-განცხადა ბერდია სიჭინავამ.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე და იმერეთში სახელმწიფო რწმუნებული ზვიად შალამბერიძე, რეგიონში კოვიდკლინიკების წარმომადგენლებს შეხვდნენ.