წყალტუბოს არანაკლებ 6 000 მაყურებელზე გათვლილი, უეფას III კატეგორიის სტადიონის პროექტირებაზე მუნიციპალური განვითარების ფონდის მიერ ჩატარებულ კონკურსში გამარჯვებული კომპანია „სტუდია 9“ მუშაობს.

 საერთაშორისო სტანდარტების შესაბამისი სპორტული კომპლექსი გათვალისწინებული იქნება როგორც საფეხბურთო, ისე სარაგბო თამაშებისთვის.

 არსებული ამორტიზებული სტადიონის დემონტაჟის შემდეგ, წყალტუბოს ახალ სტადიონზე დაგეგმილია გასახდელების, საშხაპეების, სამედიცინო და ფიზიოთერაპიის ოთახების, დოპინგ-კონტროლის სივრცის, საკონფერენციო დარბაზისა და მედიაცენტრის მოწყობა.

 ასევე, პროექტის მიხედვით, მოეწყობა უსაფრთხოების, განათების, გახმოვანებისა და ვიდეო-სამეთვალყურეო თანამედროვე სისტემები.

 საქართველოს ინფრასტრუქტურის სამინისტროს მუნიციპალური განვითარების ფონდი იმერეთის რეგიონში თანამედროვე სპორტული ინფრასტრუქტურის განვითარების მიმართულებით რამდენიმე  პროექტს ახორციელებს.

საფეხბურთო ტექნიკური ცენტრების მშენებლობა აქტიურად მიმდინარეობს ჭიათურაში, ზესტაფონსა და ვანში.

პროექტის ფარგლებში ჭიათურაში მოეწყობა ხელოვნურსაფარიანი სავარჯიშო სტადიონი, 300 მაყურებელზე გათვლილი ტრიბუნა, გასახდელები, სველი წერტილები, სამედიცინო ოთახი და დამატებითი სათავსოები.

მიმდინარე მშენებლობა ინფრასტრუქტურის მინისტრმა რევაზ სოხაძემ, მუნიციპალური განვითარების ფონდის აღმასრულებელმა დირექტორმა გიორგი შონიამ, ფეხბურთის ფედერაციის პრეზიდენტმა ლევან კობიაშვილმა, იმერეთის მხარეში სახელმწიფო რწმუნებულმა ლევან ზალკალიანმა და ადგილობრივი ხელისუფლების წარმომადგენლებმა ერთად მოინახულეს.

ქუთაისის "ტორპედო" განცხადებას აქვეყნებს  და გმობს სტადიონზე სიძულვილის ენის, ძალადობის, დისკრიმინაციისა და ნებისმიერი შეურაცხმყოფელი ქცევის ყოველგვარ გამოვლინებას.

,,კლუბისთვის პრინციპულად მიუღებელია ისეთი გარემო, სადაც ილახება ადამიანის ღირსება. შესაბამისად, დაუშვებლად მივიჩნევთ მატჩზე იმ პირის დასწრებას, რომლის ქცევაც შეურაცხყოფს ფეხბურთელს, მწვრთნელს, მსაჯს, კლუბის წარმომადგენელს, მოწინააღმდეგე გუნდის წევრს ან ნებისმიერ გულშემატკივარს.

ხულიგნობისა და საზოგადოებრივი წესრიგის დარღვევის თითოეულ ფაქტზე განხორციელდება დაუყოვნებლივი და უმკაცრესი რეაგირება. მსგავს ქმედებაში მონაწილე პირებს შეეზღუდებათ სტადიონზე დასწრების უფლება, ხოლო თითოეული შემთხვევა შეფასდება მოქმედი კანონმდებლობისა და სტადიონის რეგლამენტის შესაბამისად, სამართალდამცავი ორგანოების ჩართულობით.

"შენგელია არენა" ცხადდება სიძულვილის ენისგან თავისუფალ სივრცედ. ფეხბურთი აერთიანებს ადამიანებს. ჩვენი მიზანია, სტადიონზე მოსულმა თითოეულმა გულშემატკივარმა, ასაკის, ეროვნების, სქესის, რელიგიისა თუ განსხვავებული შეხედულებების მიუხედავად, თავი უსაფრთხოდ, დაცულად და პატივისცემის გარემოში იგრძნოს.

ამავე პრინციპით, ქუთაისის "ტორპედოს" ოფიციალურ სოციალურ ქსელებში მისაღებია მხოლოდ კონსტრუქციული და ჯანსაღი კრიტიკა. სიძულვილის ენის, მუქარის, შეურაცხყოფისა და ღირსების შემლახველი შინაარსის კომენტარები წაიშლება, ხოლო მათი ავტორების მიმართ კლუბი გამოიყენებს შესაბამის მოდერაციის ზომებს.

"ტორპედო" მადლობას უხდის თითოეულ გულშემატკივარს, რომელიც საკუთარი ქცევით ხელს უწყობს უსაფრთხო, ღირსეულ და პატივისცემაზე დაფუძნებული საფეხბურთო გარემოს შექმნას.,,-ქუთაისის ტორპედო.

“ვტოვებთ ტრიბუნას და ვტოვებთ იქამდე, სანამ ტორპედოს მწვრთნელი დირკ შუსტერი იქნება." - ქუთაისის ტორპედოს ფანები თამაშებზე დასწრებას აღარ აპირებნენ.

განცხადებას ტორპედოს ფანკლუბი, ჯუნგლები ავრცელებს. “1 წლის წინ ტრიბუნა დავტოვეთ, რადგან შუსტერის გაშვებას ვითხოვდით. შემდეგ ვესაუბრეთ ტორპედოს ხელმძღვანელობას და კაპიტანს.

 პატივი ვეცით მათ სიტყვას, გადავდგით ნაბიჯი უკან და დავბრუნდით ტრიბუნაზე, რადგან გვჯეროდა, რომ "ტორპედოს" ინტერესები ყველაფერზე მაღლა იდგა და სიტუაცია გამოსწორდებოდა.

1 წლის შემდეგ, ვხედავთ, რომ მხოლოდ ერთი რამ შეიცვალა - ყველაფერი უფრო უარესობისკენ წავიდა.

დღეს ტორპედო არ ჰგავს იმ გუნდს, რომელსაც ეს ქალაქი იმსახურებს. ზირასთან 0-6 მარცხი - ეს არის სირცხვილი, რომელიც თითოეულ "ტორპედოელს" გულში გვირტყამს.

ჩვენ ვტოვებთ ტრიბუნას და ვტოვებთ იქამდე, სანამ "ტორპედოს" მთავარი მწვრთნელი არ შეიცვლება და გუნდში რადიკალური ცვლილებები არ მოხდება. შარშან ბევრი რამ გავითვალისწინეთ და დავბრუნდით. დღეს კი ფაქტია, რომ ყველამ თავი მოვიტყუეთ.

ჩვენი პოზიცია საბოლოოა, რომელსაც არანაირი დაპირება და არანაირი თხოვნა აღარ შეცვლის! წესით არჩევანის გაკეთება მარტივი უნდა იყოს - ერთ მხარეს შუსტერია, მეორე მხარეს კი "ტორპედო" ფანები და ქუთაისი: და სწორედ ამ არჩევანზეა დამოკიდებული, როგორი იქნება "ტორპედოს" მომავალი." - წერია განცხადებაში. 

,,ზირასთან,, მატჩის შემდეგ ,,ტორპედოს,, მთავარმა მწვრთნელმა, დირკ შუსტერმა თქვა, რომ აგრძელებს გუნდში მუშაობას.

აზერბაიჯანის,,ზირასთან,,  ქუთაისის,,ტორპედომ,, ორი მატჩის ჯამში 0:6 წააგო.

ჩეხეთის დედაქალაქ პრაღაში ახალგაზრდებს შორის ძიუდოში ევროპის თასი გაიმართა. ტირნირზე ქუთაისელმა ლუკა თევდორაძემ წარმატებით იასპარეზა და ვერცხლის მედალი მოიპოვა.

სპორტსმენის მწვრთნელია დავით თევდორაძე.

პრაღის ახალგაზრდულ ევროპის თასზე ასპარეზობა  საქართველომ 7 მედლით დაასრულა- ერთი ოქრო,ერთი ვერცხლი, ხუთი ბრინჯაო.

 ისტორიაში მეოთხედ , ქუთაისის,, ტორპედო,, სუპერთასის გამარჯვებულია.

 ფინალურ შეხვედრაში ,, ტორპედომ ,, “იბერია 1999” დაამარცხა.

ძირითადი დრო ფრედ,2:2 დასრულდა.

გოლები ქუთაისელთა მხრიდან კომნენ ანდრიჩმა და გიორგი არაბიძემ გაიტანეს.

მიუხედავად  ,,ტორპედოს,, ორბურთიანი უპირატესობისა,  ,,იბერიას,, ფეხბურთელებმა თამაშის შემოტრიალება შეძლეს.ბედოშვილისა და დადიანის გოლების შედეგად  მათ ანგარიში გაათანაბრეს.

გამარჯვებულის ვინაობა პენლების სერიაში გაირკვა.,,იბერია 1999,,-ის ფეხბურთელებმა 5 , ხოლო ,,ტორპედოს,, ფეხბურთელებმა 6 თერთმეტმეტრიანი გაიტანეს.