ტყვიის მსროლელთა  ვაჟთა ნაკრებმა ევროპის ახალგაზრდული ჩემპიონატი მოიგო. გიორგი მუმლაძის, შოთა სუმბაძისა და იოანე ხვარეშიას სამეულმა ფინალში 16:6 დაამარცხა უკრაინა და დამსახურებულად გახდა ჩემპიონი.

მეტოქე საკმაოდ ძლიერი იყო - შემადგენლობაში  ევროპის ვიცე-ჩემპიონი მაქსიმ შიმონი ჰყავდათ, თუმცა ქართველებმა წარმატებით და სტაბილურად,უშეცდომოდ იასპარეზეს. 

ბრინჯაოს მედალი პოლონეთმა მოიპოვა.პოლონელმა სპორტსმენებმა  დასკვნით შეხვედრაში ასევე 16:6 დაამარცხეს ბულგარეთი.      

ხორვატიაში, ტყვიის მსროლელთა ევროპის ახალგაზრდული ჩემპიონატი 10-მეტრიან დისტანციაზე პნევმატური პისტოლეტიდან სროლაში დღეს გაიმართა.

საქართველოს გუნდის შემადგენლობაში 2 ქუთაისელი-იოანე ხვარეშია და გიორგი მუმლაძე ირიცხებიან.მესამე წევრი , შოთა სუმბაძე თელავიდან არის. 

ქუთაისის რამაზ შენგელიას სახელობის სტადიონს ახალი დირექტორი ჰყავს - ,,შენგელია არენას" ნიკოლოზ ჩეჩელაშვილი უხელმძღვანელებს.

ნიკოლოზ ჩეჩელაშვილი 2017-2021 წლებში იყო ქუთაისის საკრებულოში ძელქვიანის ადმინისტრაციული ერთეულის მაჟორიტარი დეპუტატი, ფრაქცია ,,ძლიერი ქუთაისის თავმჯდომარე", 2021 წლიდან დღემდე- ქუთაისის საკრებულოს თავმჯდომარის მრჩეველი.

 სტადიონის ყოფილი დირექტორი თეიმურაზ კიკვაძე პირველი მოადგილის რანგში გააგრძელებს მუშაობას.

17-21 თებერვალს, ქუთაისი  რაგბში საქართველოსა და უკრაინის 7-კაცა ნაკრები გუნდების ერთობლივ ვარჯიშებსა და სპარინგ-მატჩებს უმასპინძლებს.

ბესიკ ხამაშურიძისა და გია ლაბაძის შეგირდები დასკვნით მოსამზადებელ ეტაპს 17-21 თებერვალს ქუთაისში გაივლიან. ამ პერიოდში საქართველოს უკრაინის 7-კაცა ეწვევა და ერთობლივ ვარჯიშებთან ერთად, სპარინგ-მატჩებიც გაიმართება.

დასკვნითი მოსამზადებელი ეტაპის შემდეგ 7-კაცა მსოფლიო რაგბის ჩელენჯერის სერიაზე, სამხრეთ აფრიკაში იასპარეზებს, სადაც 4 საუკეთესო მსოფლიო სერიების პლეი-ოფის საგზურს მოიპოვებს.

ქეიფთაუნში პირველი ეტაპი 1-2, ხოლო მეორე 7-8 მარტს გაიმართება.

ჩელენჯერის სერია წელს განსხვავებული ფორმატით იმართება. პირველ ორ ეტაპზე 12-12 გუნდი ითამაშებს, რომელთაგან 8 საუკეთესო მესამე, კრაკოვის (პოლონეთი, 11-12 აპრილი) ეტაპზე გავა. პოლონეთის ეტაპის ოთხი საუკეთესო გუნდი მსოფლიო რაგბის 7-კაცა სერიის შესარჩევი ტურნირის საგზურს მიიღებს, რომელსაც 3-4 მაისს ლოს ანჯელესი უმასპინძლებს.

ქეიფთაუნში 12 ქვეყანა ოთხ სამგუნდა ჯგუფში გადანაწილდება. საქართველო ა ჯგუფში იაპონიასთან და გერმანიასთან ითამაშებს.

ჯგუფში ორ-ორი თამაშის შემდეგ, პირველადგილოსნები თასის ნახევარფინალში გადიან; მეორეადგილოსნები მე-5-მე-8 ადგილებისთვის აგრძელებენ ბრძოლას; მესამეადგილოსნები კი მე-9 ადგილისთვის ითამაშებენ.

მთლიანობაში, შარშანდელისგან განსხვავებით თითოეულ ეტაპზე გუნდებს უწინდელი ექვსის ნაცვლად 4-4 თამაშის გამართვა მოუწევთ.

ქუთაისში, მაია ჩიბურდანიძის სახელობის საჭადრაკო სკოლაში, საქართველოს ჭადრაკის ფედერაციის ორგანიზებით 4 ასაკობრივ კატეგორიაში ( U9, U11, U13, U15)  გოგონათა და ჭაბუკთა საქართველოს ჩემპიონატი გაიმართა.

ასპარეზობა შვეიცარიული სისტემით ,9 ტურად ჩატარდა  და მასში ქვეყნის თითქმის ყველა რეგიონის 300-მდე მოჭადრაკე მონაწილეობდა.

I-II ადგილზე გასულმა მოჭადრაკეებმა ევროპის და მსოფლიოს სასკოლო ჩემპიონატების საგზურები მოიპოვეს.

9 წლამდე გოგონებიში 9 ქულით I ადგილი - ქუთაისელმა ლილე სვანაძემ (მწვრთნელი ხათუნა გუბელაძე) მოიპოვა.

9 წლამდე ჭაბუკებიში მეორე ადგილი 7 ქულით ქუთაისელმა ანდრია ყუბანეიშვილმა( მწვრთნელი რამაზ ერაძე)  დაიკავა.

11 წლამდე გოგონებში I ადგილის ფლობელი ქუთაისელი  მართა დოგრაშვილი გახდა 7,5 ქულით. ( მწვრთნელი გიორგი ტყეშელაშვილი)

13 წლამდე გოგონებიში ქუთაისელმა გოგონებმა პირველი და მესამე ადგილები დაისაკუთრეს.  

I ადგილზე ანასტასია ჭიჭინაძე გავიდა  ( მწვრთნელი გიორგი მენაბდე) 6,5 ქულით.

III ადგილი კი ანასტასია ქუთათელაძემ დაიკავა ( მწვრთნელი ინგა კიკვიძე) -6,5 ქულით.

13 წლამდე ჭაბუკებში პირველი ადგილის მფლობელი დავით თათვიძე  გახდა 7 ქულით.(მწვრთნელი ირაკლი ახვლედიანი) 

III ადგილი  კი 7 ქულით ლუკა გოგავამ დაიკავა.(მწვრთნელი გიორგი ტყეშელაშვილი) 

15 წლამდე გოგონებში I ადგილზე 8,5 ქულით ქუთაისელი ბარბარე აშოთია  გავიდა.(მწვრთნელი დავით ჯოჯუა) 

II ადგილი  კი ქუთაისელმა თეკლა კოღუაშვილი დაიკავა 7,5 ქულით. (მწვრთნელი ხათუნა გუბელაძე) 

15 წლამდე ჭაბუკები ქუთაისელმა გაბრიელ გაბადაძემ 6 ქულით მესამე ადგილი მოიპოვა. (მწვრთნელი ხვიჩა სუპატაშვილი) 

ჩემპიონატის მთავარი ორგანიზატორი და ტურნირის დირექტორი, ალექსანდრე არსენიძე გახლდათ, ხოლო მთვარი მსაჯი, საერთაშორისო კატეგორიის არბიტრი, ინგა კიკვიძე.

“ტორპედოს” ახალი სეზონიდან 3 წლის ვადით გერმანელი სპეციალისტები გაწვრთნიან.

ქუთაისელი ლილე სვანაძე საქართველოს ჩემპიონი ერთი ტურით ადრე გახდა.მან 

რვიდან რვა გამარჯვებით, საქართველოს ჩემპიონის ტიტული მესამედ მოიპოვა.

ლილე სვანაძე ევროპის 2024 წლის ვიცე-ჩემპიონია.

ის ქუთაისის საჭადრაკო სკოლის წარმომადგენელია და მისი მწვრთნელი ხათუნა გუბელაძეა.