სანდრო ბაზაძე ალჟირის მსოფლიო თასის ჩემპიონია.

 ქართველმა მოფარიკავემ ფინალში უნგრელი კრისტიან რაბი 15 - 12 დაამარცხა.

ნახევარფინალში კი იაპონელ მაო კოკუბოს სძლია.

ბათუმის სპორტის სასახლეში ჩატარებულ საერთაშორისო ფრენბურთის ტურნირზე "ბათუმის თასი 2026", ქუთაისის გოგონათა გუნდმა მე-2 ადგილი დაიკავა. 

ტურნირი 2010-2011 და 2012-2013 წლებში დაბადებულთა შორის გაიმართა. 

შეჯიბრებაში საქართველოს სხვადასხვა ქალაქის გუნდებთან ერთად ლატვიის, თურქეთისა და სომხეთის წარმომადგენლებიც მონაწილეობენ. გოგონათა ტურნირში სულ 12-მა გუნდმა მიიღო მონაწილეობა. 

,,ქუთაისმა” (მწვრთნელი, ქეთევან ლებანიძე) ჯგუფში ყველა თამაში მოიგო და შემდეგ ეტაოზე პირველი ადგილით გავიდა. მეოთხედფინალში ,,თბილისი” დაამარცხა 2:1, ნახევარფინალში ,,თურქეთის” გუნდს მოუგო და ფინალში გავიდა. ოქროს მედლებისთვის ბრძოლაში ,,ქუთაისი” ,,ბათუმთან” დამარცხდა. 

ტურნირის საუკეთესო გამთამაშებელი ქუთაისი გუნდის წევრი ბარბარე ხვადაგიანი გახდა.

კიკბოქსინგში 2008 წლის რუსეთ-საქართველოს  ომის გმირ გიორგი ანწუხელიძის ხსოვნისადმი მიძღვნილი  რესპუბლიკური ტურნირი ჩატარდა.

შეჯიბრს ქალაქ ახმეტამ უმასპინძლა.  ტურნირში ქუთაისელმა სპორტსმენებმა წარმატებით იასპარეზეს და ჯამში 8 ოქროსა და 2 ვერცხლის მედალი მოიპოვეს.

ოქროს მედალოსნები: ზურა ყუფიანი — 63 კგ;ლუკა ხარაიშვილი — 63 კგ; საბა ჯიჯელავა — 60 კგ; დანიელ გოლეთიანი — 57 კგ; საბა მაღლაფერიძე — 35 კგ; გვანცა ხურციძე — 35 კგ;თომა მელაშვილი — 45 კგ;ლაზარე ქუთათელაძე — 30 კგ.

ვერცხლის მედალოსნები:იაკობ ქუთათელაძე — 50 კგ;გაბრიელ თევდორაძე — 53 კგ.

ილია სულამანიძის პირველი ოქრო მსოფლიო ჩემპიონატზე- ტყიბულელი ჯუდოკა უმაღლესი სინჯის მედალს დაეუფლა და კარიერაში პირველად  მსოფლიო ჩემპიონი გახდა .

ტყიბულელი ილია სულამანიძე მსოფლიო ჩემპიონატის ფინალში იაპონელ დოტა არაის შეხვდა.

7 ოქტომბერს, „ნინო სალუქვაძის ტირში“ მიმდინარე “თბილისის თასზე“ 10-მეტრზე პნევმატური პისტოლეტით სროლაში ვაჟებმა იასპარეზეს. თბილისის მერიის სპორტის სამსახურის დაფინანსებულ შეჯიბრში  21 მსროლელი მონაწილეობდა.

საუკეთესოდ ქუთაისელმა იოანე ხვარეშიამ იასპარეზა - 574 ქულა დააგროვა და ჩემპიონი გახდა. მას  ერთბაშად 2 სერიაში ჰქონდა 98-ქულიანი შედეგი.

შეგახსენებთ, რომ იოანე ხვარეშიამ აგვისტოში ევროპის ჩემპიონატზე 23-წლამდელთა შორის 2 ოქრო მოიპოვა და წარმატებულ სეზონს კვლავაც აგრძელებს. 

 მომდევნო საპრიზო ადგილები თბილისელებმა მოიპოვეს, „კლუბი ნინო სალუქვაძე“: მეორეზე კაკო მოსულიშვილი გავიდა, მესამეზე - ლევან ქადაგიძე.

 ,,თბილისის თასი“ 8 ოქტომბერს  შერეულ წყვილთა ტურნირით დასრულდება.

 საბერძნეთის ქალაქ სალონიკში  სამბოში ჭაბუკთა შორის მსოფლიო ჩემპიონატი გაიმართა.

ა(ა)იპ სპორტულ დაწესებულებათა გაერთიანების #17 სპორტული სკოლის სპორტსმენმა, დავით სანიკიძემ საპრიზო ადგილი დაიკავა და სამშობლოში ვერცხლის მედლით დაბრუნდა. მწვრთნელი, თამაზ ონიანი.