ქუთაისის საკალათბურთო კლუბი "ქუთაისი 2010", საქართველოს თასის ნახევარფინალში, ვიქტორ სანიკიძის აკადემიას დაუპირისპირდება.

მატჩს 15 აპრილს, თბილისის სპორტის სასახლე “თბილისი არენა” უმასპინძლებს.

ქუთაისის მუნიციპალიტეტის მერიის ორგანიზებით, გულშემატკივრებისთვის უფასო ავტობუსია გამოყოფილი.

ავტობუსი თბილისისკენ 15 აპრილს, ქუთაისის სპორტის სასახლის მიმდებარე ტერიტორიიდან 12:30 საათზე გავა.

ქართველი მოჭადრაკეები ევროპის ჩემპიონატზე ლიდერობენ.

როდოსზე მიმდინარე ევროპის ქალთა ჩემპიონატზე ქუთაისელი  ანასტასია კირთაძე ერთპიროვნული ლიდერია 6 -იდან 5.5 ქულით.

მას ნახევარი ქულით ჩამორჩება და 5 ქულით II-V ადგილს ინაწილებს ბელა ხოტენაშვილი. 

მომდევნო ტურში კირთაძე თეთრი ფიგურებით სოფი მილეს (საფრანგეთი) დაუპირისპირდება, ხოლო ხოტენაშვილი ასევე თეთრებით ელინა დანიელიანს (სომხეთი).

დღეს ჩემპიონატზე დასვენების დღეა, მეშვიდე ტური კი ხვალ, 7 აპრილს გაიმართება.

დღეს საქართველოს ეროვნული ნაკრები ერთა ლიგის პლეი-ოფის მეორე შეხვედრას სომხეთის ნაკრების წინააღმდეგ თბილისში გამართავს.თამაშს დინამო-არენა უმასპინძლებს.  დასაწყისი 18:00საათზე.

 საქართველოს ნაკრებს დღეს ხვიჩა კვარაცხელია და კაპიტანი გურამ კაშია დაუბრუნდებიან.

სომხეთის წინააღმდეგ ქართველი ფეხბურთელები წითელი მაისურებით ითამაშებენ.

საქართველოს ნაკრებმა პირველ შეხვედრაში სომხეთს 3 უპასუხო გოლი გაუტანა.

საქართველოს ნაკრები 23 მარტს, განმეორებით შეხვედრას დიდი უპირატესობით ხვდება.ერევანში გამართულ პირველ თამაშში ქართველებმა სომხებს 3 უპასუხო ბურთი გაიტანეს.ანგარიში გიორგი ქოჩორაშვილმა გახსნა, ხოლო გიორგი მიქაუტაძემ დუბლი გაიფორმა.საბოლოო შედეგი  ტაბლოზე-სომხეთი-საქართველო-3:0.

საქართველოს ნაკრები B დივიზიონში დასარჩენად იბრძვის 

დღეს საქართველოს ეროვნული ნაკრები ერთა ლიგის პლეი-ოფის პირველ შეხვედრას სომხეთის ნაკრების წინააღმდეგ, ერევანში გამართავს.

შეხვედრა საქართველოს დროით, 21:00საათზე დაიწყება.

განმეორებითი მატჩი თბილისში,დინამო არენაზე,23 მარტს შედგება.

დისკვალიფიკაციის გამო საქართველოს ნაკრები ხვიჩა კვარაცხელიასა და გურამ კაშიას გარეშე ითამაშებს.გუნდის კაპიტანი დღევანდელ შეხვედრაში ოთარ კიტეიშვილი იქნება.

საქართველოს ნაკრები B დივიზიონში ადგილის შესანარჩუნებლად,  ხოლო სომხეთის გუნდი კი C დივიზიონის უფრო მაღალ საფეხურზე გადასასვლელად იბრძვის.

საქართველოს ფეხბურთის ფედერაციის ინფორმაციით, ქართველ მსაჯთა ბრიგადა 21-წლამდე ევროპის ჩემპიონატის ფინალურ ეტაპზე იმუშავებს .

ქუთაისელი გოგა კიკაჩეიშვილი ფიფას პირველი კატეგორიის არბიტრია.მასთან ერთად ევროპის ჩემპიონატის ფინალურ ეტაპზე კიდევ ორი ქართველი მსაჯი იმუშავებს-დავით ახვლედიანი და დავით გაბისონია.

ევროპის ჩემპიონატი 11-დან 28 ივნისის ჩათვლით სლოვაკეთში გაიმართება