ხვალ, 16 ნოემბერს, 21:00 სთ-ზე, ერთა ლიგის ჯგუფურ ეტაპზე, საქართველოსა და უკრაინის ეროვნული ნაკრებების თამაშის პირდაპირი ტრანსლირება მ ქუთაისის მიხეილ ქორქიასა და ზურაბ საკანდელიძის სახელობის სპორტის სასახლეში განხორციელდება.

 დასწრება თავისუფალია.

ინფორმაციას ქუთაისის მუნიციპალიტეტის მერია ავრცელებს. 

აკაკი წერეთლის სახელმწიფო უნივერსიტეტის სტუდენტი გინესის რეკორდსმენია.  

რატი გრძელიშვილმა, რომელიც ჰუმანიტარულ მეცნიერებათა ფაკულტეტზე, არქეოლოგიის სპეციალობაზე სწავლობს, ჰოკეის შაიბის კენწვლით მსოფლიო რეკორდი დაამყარა. 

მან 1 წუთის განმავლობაში ჰოკეის შაიბის 91-ჯერ აკენწლა შეძლო (აქამდე არსებული რეკორდი 41 იყო)

,ყინულის ჰოკეის ბავშვობიდან ვთამაშობ, მაგრამ სანამ ჰოკეისტი გავხდებოდი 2 წელი ფიგურულ სრიალზე ვიარე. ჰოკეი მიყვარს, რადგან დედამიწაზე ყველაზე სწრაფი სპორტია. მოითხოვს დიდ ფიზიკურ და მენტალურ მზადყოფნას. რაც შეეხება რეკორდსა და სამომავლო გეგმებს, ერთ წარმატებას უკვე მივაღწიე, სამომავლოდ კი ვაპირებ უცხოეთში თამაშს.“ -რატი გრძელიშვილი. 

6-9 ნოემბერს ალბანეთის დედაქალაქ ტირანაში ჩატარდა ევროპის ჩემპიონატი ტაეკვონდოში, სადაც ქუთაისელი სპორტსმენი ალექსანდრე გურაბანიძე, კადეტებში ევროპის ჩემპიონი გახდა.

ალექსანდრე გურაბანიძემ (მწვრთნელი, რომეო გურეშიძე) ევროპის ჩემპიონატზე ჩატარებული 5 ბრძოლა აშკარა უპირატესობით მოიგო.

ქუთაისის სპორტის სასახლეში კალათბურთის ღია პირველობა „ქუთაისის თასი“ გაიმართა . 

1–3 ნოემბერს ქუთაისის 29–ე საჯარო სკოლის დარბაზში ჩატრადა ქალაქის პირველობა კრივში კადეტებსა და ახალგაზრდებს შორის. ტურნირზე დაფიქსირებული შედეგების მიხედვით დაკომპლექტდება ქუთაისის ნაკრები გუნდი, რომელიც საქართველოს ჩემპიონატში მიიღებს მონაწილეობას. 

ქალაქის პირველობაზე გამარჯვებულ სპორტსმენებს თასები, მედლები და დიპლომები გადაეცათ. 

,,18 ნოემბერს მივემგზავრებით ლატვიის დედაქალაქ რიგაში, სადაც ჩვენი გუნდი (2007–2008 წწ.) საერთაშორისო ტურნირში მიიღებს მონაწილეობას. ლატვიაში წამსვლელი გუნდი უკვე დაკომპლექტებულია, ტურნირზე 10 სპორტსმენით მივდივართ. დღევანდელ შეჯიბრებაში კი მოკრივეები საქართველოს ჩემპიონატისთვის შეირჩევიან“.-ირაკლი გვენეტაძე, იმერეთის კრივის ფედერაციის პრეზიდენტი.

ქუთაისის განახალებულ საჩოგბურთო კორტებზე, მუნიციპალიტეტის მერიისა და საქართველოს ჩოგბურთის ფედერაციის ორგანიზებით, სამოყვარულო ტურნირი "ქუთაისის თასი" გაიმართა.

ტურნირი სამი დღის განმავლობაში, ერთეულებსა და წყვილებს შორის მიმდინარეობდა. მასში მონაწილეობდნენ თბილისის, ბათუმის, წყალტუბოს, ზუგდიდის, ფოთისა და ქუთაისის წარმომადგენლები.

ერთეულებში პირველი ადგილის მფლობელი ქუთაისის წარმომადგენელი გიორგი მარგველაშვილი გახდა, ხოლო მეორე ადგილი ასევე ქუთაისელმა ზურა პაქსაძემ დაიკავა. წყვილებში გამარჯვებაც მასპინძელი ქალაქის წარმომადგენლებმა თამაზ არეშიძემ და ზურა პაქსაძემ მოიპოვეს, მეორე ადგილზე კი, ბათუმის წარმომადგენლები ვალერ მელიქიძე და დენის კოვალოვი გავიდნენ.

საპრიზო ადგილზე გასულ მონაწილეებს ფულადი ჯილდოები, მედლები და სერთიფიკატები გადაეცათ.