27 მაისს, თბილისში, საქართველოს პარალიმპიური კომიტეტის, საქართველოს კულტურის, სპორტის და ახალგაზრდობის სამინისტროს და საქართველოს ბოჩას ფედერაციის ორგანიზებით ჩატარდა საქართველოს პირველი ჩემპიონატი ბოჩაში, სადაც მონაწილეობა მიიღეს პარასპორტსმენებმა თბილისის, გორის, ქუთაისის და ბაღდათის კლუბებიდან.
ჩემპიონატზე წარმატებით იასპარეზეს ქუთაისის ბოჩას კლუბის წევრებმა, რომლებმაც სამ სხვადასხვა კატეგორიაში ოთხი მედალი მოიპოვეს:
BC1 კატეგორია: - მარიამ კლდიაშვილი.
- ნათია ჩიხლაძე.
BC2 კატეგორია: - თამარ ქარქაშაძე.
BC4 კატეგორია: - მარიამ ენდელაძე.
ბოჩა არის სპორტის სახეობა, რომელიც შეიქმნა ცერებრული დამბლის მქონე პირებისათვის, მოგვიანებით მასში ჩაერთნენ სხვადასხვა შეზღუდული შესაძლებლობის მქონე პირებიც .
ბოჩას თამაში შესაძლებელია როგორც გუნდურად, ისე ინდივიდუალურად. მოთამაშის მთავარი მიზანია „ლიდერ“ (თეთრ) ბურთთან ახლოს მოათავსოს თავის ფერის წითელი ან ლურჯი ბურთი, თამაში გრძელდება მანამ, სანამ არ ამოწურავენ მოთამაშეები მათთვის განკუთვნილი ბურთების რაოდენობას.
თამაშის ბოლოს მსაჯი ზომავს ბურთების (წითელი და ლურჯი) დისტანციას თეთრ ბურთთან, რომელიც უფრო ახლოსაა, ის ფერია გამარჯვებული. ბოჩას თამაში შესაძლებელია როგორც დახურულ დარბაზში ასევე ღია სივრცეში.
1984 წელს ბოჩა გახდა პარაომპიური სპორტის სახეობა. ეს სპორტი ექვემდებარება ბოჩას საერთაშორისო სპორტის ფედერაციას.