საქართველოს სუპერლიგის ფინალური სერიის მეხუთე მატჩი დღეს ქუთაისის სპორტის სასახლეში გაიმართა.

"ქუთაისი 2010" ა - ჩემპიონის ტიტული არ დათმო და წელს ზედიზედ მეორედ, ხოლო ჯამში მეოთხედ - ჩემპიონი გახდა 

გადამწყვეტი ბრძოლა "თსუს" წინააღმდეგ დღეს "ქუთაისი 2010-ის" დამაჯერებელი გამარჯვებით დასრულდა. 

გუნდებს შორის სეზონის ყველაზე დაძაბული ბრძოლა დღეს შედგა, თუმცა ქუთაისმა კიდევ ერთხელ დაამტკიცა მისი სიძლიერე, ლიდერობა, გუნდურობა და თამაში საბოლოო ანგარიშით 93-82 -11 ქულიანი სხვაობით დაასრულა.

შეგახსენებთ საქართველოს საკალათბურთო სუპერლიგის ფინალი ქუთაისში დაიწყო ,სადაც 2 ჯერ "თსუ" დაწინაურდა, შემდეგ 2 მატჩში კი ქუთაისურმა კლუბმა ანგარიში შემოაბრუნა .

 ქუთაისის მაია ჩიბურდანიძის სახელობის საჭადრაკო სკოლაში საქართველოს ჩემპიონატში გამარჯვებული ქუთაისელი მოსწავლეები დააჯილდოვეს. საქართველოს ჩემპიონატი ბათუმში ჩატარდა , 8, 10, 12, 14, 16 და 18 წლამდე ასაკობრივ კატეგორიებში.

ქუთაისელ მოჭადრაკეები მარიამ გიორგაძე, ბარბარე აშოთია და გაბრიელ გაბადაძე ქვეყნის ჩემპიონები გახდნენ, მეორე ადგილზე გავიდა ლილე სვანიძე, მესამე ადგილი კი მარიამ მიქაძემ, ანასტასია ჭიჭინაძემ, თეკლა კოღუაშვილმა და ანდრია ყუბანეიშვილმა მოიპოვეს.

ახალგაზრდა მოჭადრაკეებს და მათ მწვრთნელებს ადგილობრივი ხელისუფლების წარმომადგენლებმა  სიმბოლური საჩუქრები გადასცეს. 

საკალათბურთო კლუბი ,,ქუთაისი 2010” სუპერლიგის ფინალში ითამაშებს.

იმერული დერბის მეოთხე შეხვედრაში, მოქმედმა ჩემპიონმა, ზესტაფონის ,,მარგვეთი” ზესტაფონის სპორტის სასახლეში 85:83 დაამარცხა, სერიაში 3:1 მოიგო და ფინალში თამაშის უფლება მოიპოვა. 

ფინალური სერია სტარტს 20 მაისს ქუთაისში აიღებს. ფინალში „ქუთაისი 2010" ,,თსუ”-ს დაუპირისპირდება. ჩემპიონობისთვის გუნდებმა კვლავ სამი შეხვედრა უნდა მოიგონ.

ქუთაისის სპორტის სასახლეში მოსწავლე მოკრივეთა შორის საქართველოს ჩემპიონატი გაიხსნა. მასში საქართველოს სხვადასხვა რეგიონიდან, 2011-2012 წლებში დაბადებული 190 სპორტსმენი მონაწილეობს. 

დღეს ქუთაისმა ,,დიდ ფინალს,, უმასპინძლა.

რაგბში საქართველოს ჩემპიონის სტატუსის მოსაპოვებლად  ერთმანეთს ქუთაისის ,,აია,, და ბათუმის  ,,ბათუმი,, დაუპირისპირდნენ .შეხვედრა ,აია არენაზე,, გაიმართა. 

დაძაბული შეხვედრა სტუმრების გამარჯვებით  დასრულდა ანგარიშით 10:14.შესაბამისად,საქართველოს ჩემპიონი ,,ბათუმი,, გახდა.

ამ მოგებით ,,ბათუმი,,საქართველოს თასს უკვე მეხუთედ დაეუფლა.

აღსანიშნავია, რომ სტუმრები მე-17 წუთიდან 14 კაცით თამაშობდნენ.

2021 წლის მსგავსად, საქართველოს ჩემპიონი წელსაც ქუთაისში, ადგილობრივი ‘აიასა’ და ‘ბათუმის’ დაპირისპირებით გაირკვევა.

წლევანდელი crocobet დიდი 10-ის წინასწარ ფინალში, ‘ბათუმმა’ რუსთავის ‘ხარებს’ 33:21 სძლია და 11 მაისს „აია არენაზე“ ორი კვირის თავზე დაბრუნდება.

‘აიამ’ და ‘ბათუმმა’ რეგულარული სეზონი პირველ-მეორე ადგილზე დაასრულეს და 27 აპრილს შესარჩევ ფინალში ერთმანეთს დაუპირისპირდნენ. დაძაბულ შეხვედრაში ქუთაისელებმა 11:10 მოიგეს და გადამწყვეტ მატჩში თამაში ნაადრევად დაიბევეს, ზღვისპირელებმა რუსთავის  კი ეს უფლება ‘ხარების’ დამარცხებით მოიპოვეს.

საგულისხმოა, რომ 2017 წლის შემდეგ ‘აია’ ან ‘ბათუმი’ ფინალში აუცილებლად თამაშობდა, თუმცა მათი გზები მხოლოდ ერთხელ, 2021 წელს გადაიკვეთა. ამ პერიოდში ‘ბათუმმა’ ფინალი 5-ჯერ ითამაშა და თასი ორჯერ მოიპოვა, ‘აიამ’ კი სატიტულო შეხვედრაში სამჯერ მიიღო მონაწილეობა და ორჯერ გამარჯვებული დარჩა. შეგახსენებთ, ქუთაისელები 2024 წლის საქართველოს ჩემპიონები არიან და საკუთარ მოედანზე ტიტულის დაცვას ეცდებიან.

 11 მაისს , 16 საათზე, ქუთაისის „აია არენაზე“ მასპინძელი ‘აია’ და ‘ბათუმი’ ტიტულის მოსაპოვებლად იბრძოლებენ. აქამდე ჩემპიონის თასს ‘აია’ 5-ჯერ, ხოლო ‘ბათუმი’ 4-ჯერ ფლობდა.