ქუთაისის მე-17 სპორტული სკოლის რეაბილიტაცია დასრულდა.

,,მუნიციპალური განვითარების ფონდის დაფინანსებით სრული რეაბილიტაცია ჩაუტარდა ქალაქ ქუთაისში მე-17 სპორტულ სკოლას, რომლის ღირებულებაც შეადგენს 2 430 378 ლარს. აღნიშნულ სკოლაში სპორტის 7 სახეობაში 800-მდე სპორტსმენი ვარჯიშობს. რეგიონის მასშტაბით ამ ეტაპზე სამუშაოები სპორტული ინფრასტრუქტურის მოწყობის მიზნით 25-მდე ობიექტზე ხორციელდება” - ლევან ზალკალიანი.

პროექტის ფარგლებში სრულად განახლდა სპორტული დარბაზები, ადმინისტრაციული შენობა და სასტუმროს ნომრები, რაც სკოლას აძლევს შესაძლებლობას, უმასპინძლოს საერთაშორისო შეკრებებს.

სპორტული სკოლის რეაბილიტაცია რეგიონებში განსახორციელებელი პროექტების ფონდის დაფინანსებით განხორციელდა, რისთვისაც 2 430 378.96 ლარი დაიხარჯა. რეაბილიტაციის ფარგლებში თანამედროვე სტანდარტების შესაბამისად მოეწყო თავისუფალი ჭიდაობის, ბერძნულ-რომაული ჭიდაობის, ძიუდოს, სამბოს, ტაეკვანდოს, კრივისა და კარატეს დარბაზები.

ქუთაისის,,ტორპედო,, კონფერენს ლიგის შემდეგ ეტაპზეა.დღეს ყაზახეთში  განმეორებითი მატჩი გაიმართა.ქუთაისური გუნდისა და  მასპინძელი ,,ორდაბასის,,  შეხვედრა ფრედ,1:1 დამთავრდა,თუმცა ორი მატჩის ჯამში გამარჯვება ,,ტორპედომ,,იზეიმა საბოლოო ანგარიშით 5:4.

განმეორებითი თამაშის პირველი ტაიმი სტუმრებმა ირაკლი ბიძინაშვილის გოლით მოიგეს,თუმცა მეორე ნახევრის მიწურულს შეცვლაზე შემოსულმა  ,,ორდაბასის,, ფეხბურთელმა გათანაბრება შეძლო.აღდანიშნავია,რომ ,,ტორპედო,, 10 კაცით თამაშობდა.შეხვედრის მეორე ტაიმში კვირკველიამ მეტოქე ფეხბურთელის წაქცევის გამო მეორე ყვითელი ბარათი მიიღო და მოედანი დატოვა.

კონფერენს ლიგის საკვალიფიკაციო ეტაპის მეორე რაუნდში, ქუთაისელების მეტოქე კვიპროსის ,,ომონია,, იქნება.

 დღეს ქუთაისის ,,ტორპედო,, კონფერენს ლიგაზე ორდაბასთან საპასუხო მატჩს,ყაზახეთში გამართავს.

ქუთაისურმა გუნდმა პირველი მატჩი შინ 4:3,დაძაბულ ბრძოლაში მოიგო.

შეხვედრა  20:00 საათზე დაიწყება.

ილია თოფურია ისევ ჩემპიონია.

მან ლეგენდარული ბრაზილიელი მებრძოლი და ყოფილი ჩემპიონი, ჩარლზ ოლივერია პირველივე რაუნდში ნოკაუტით დაამარცხა.

28 წლის ქართველი მებრძოლი, ქვემსუბუწი წონის (65კგ) შემდეგ, უკვე მსუბუქი წონის (70კგ) ჩემპიონია.

თოფურია პირველი ქართველი მებრძოლია, რომელიც UFC-ის ორი წონის ქამრის მფლობელი გახდა.

შერეულ ორთაბრძოლებში ილია თოფურიას ამ დროისთვის 17-დან 17 მოგება აქვს.

ბაღდათის მუნიციპალიტეტში ოლიმპიზმის საერთაშორისო დღე, სპორტული და მუსიკალური ღონისძიებებით აღინიშნა.

ახალგაზრდობის სკვერში მთელი დღის მანძილზე ოლიმპიურ თემატიკაზე შექმნილი პერფორმანსი "მოგზაურობა ოლიმპიეთში"მოეწყო. ბაღდათის მუნიციპალიტეტის ბაგა -ბაღების გაერთიანების აღსაზრდელებმა, საბავშვო ოლიმპიური სოფელი წარადგინეს. 

მინი ტურნირები გაიმართა მძლეოსნურ გარბენში, ქართულ ჭიდაობაში, ტანვარჯიშში, ჭადრაკში, მაგიდის ჩოგბურთში, ფეხბურთსა და კალათბურთში. ასევე მოეწყო სკოლის მოსწავლეების მიერ ოლიმპიურ თემატიკაზე შესრულებული ნახატების გამოფენა. ადგილობრივმა მეწარმეებმა კი თავიანთი ხელნაკეთი ნივთები და პროდუქტები წარადგინეს.

დღესვე იმერეთის რეგიონის წარმატებული და ვეტერანი სპორტსმენების დაჯილდოების ცერემონია გაიმართა.

ოლიმპიზმის საერთაშორისო დღისადმი მიძღვნილ ღონისძიებებს , ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, იმერეთის ოლიმპიური კომიტეტის რეგიონული ორგანიზაციის ხელმძღვანელი რევაზ რობაქიძე, იმერეთში სახელმწიფო რწმუნებულის ადგილობრივი თვითმმართველობის ორგანოებთან ურთიერთობის სამსახურის უფროს დავით გორდელაძე, მერის მოადგილეები, საკრებულოს დეპუტატები, მერიის და ააიპიების წარმომადგენლები დაესწრნენ.   

ოლიმპიზმის საერთაშორისო დღეს, ბაღდათის მუნიციპალიტეტს როგორც, ვეტერანი ოლიმპიური და მსოფლიო ჩემპიონები, ასევე მოქმედი წარმატებული სპორტსმენები სტუმრობდნენ. 

ოლიმპიზმის საერთაშორისო დღისადმი მიძღვნილი ღონისძიებები, ბაღდათის მუნიციპალიტეტის მერიის კულტურის სამსახურის, ააიპიების, იმერეთის სახელმწიფო რწმუნებულის ადმინისტრაციისა და საქართველოს ოლიმპიური კომიტეტის იმერეთის რეგიონული ორგანიზაციის მხარდაჭერით განხორციელდა.