ქუთაისის საფეხბურთო სკოლების აღსაზრდელები დღეს საქართველოს ეროვნული ნაკრების მატჩს დაესწრებიან.

შეხვედრა UEFA-ს სადისციპლინო გადაწყვეტილების გამო ოფიციალურად მაყურებლის გარეშე ტარდება.თუმცა , გამონაკლისის სახით სტადიონზე იქნებიან  საქართველოს რეგიონების საფეხბურთო სკოლების ბავშვები — 10-14 წლის გოგონები და ბიჭები.

ასევე, UEFA-ს ცალკე გადაწყვეტილებით, ჩრდილოეთ ირლანდიელი გულშემატკივრების ნაწილი დაიშვება — ისინი, ვისაც მატჩზე ბილეთი და სასტუმრო უკვე დაჯავშნილი ჰქონდა მანამდე, სანამ უმაყურებლო მატჩის გადაწყვეტილება გამოცხადდებოდა.

საქართველოს ეროვნული ნაკრები ერთა ლიგის პირველ მატჩს ჩრდილოეთ ირლანდიის წინააღმდეგ 20:00 საათზე, „დინამო არენაზე“ დღეს  გამართავს.

ფოტო-ქუთაისის საფეხბურთო კლუბი ,,სერვალი,,