დღეს, 30 ოქტომბერს, საქართველოში ადგილობრივი თვითმმართველობის არჩევნების მეორე ტური მიმდინარეობს.

საარჩევნო უბნები 07:00 საათზე გაიხსნა, ხმის მიცემის პროცედურა კი 08:00 საათზე დაიწყო. მეორე ტურში 5 თვითმმართველ ქალაქსა და 15 მუნიციპალიტეტში მერებს აირჩევენ. 24 საარჩევნო ოლქში კი, საკრებულოების 42 მაჟორიტარი წევრია ასარჩევი.

როგორც ცნობილია, მუნიციპალიტეტების მერების ასარჩევად - 50%-იანი საარჩევნო ბარიერი, ხოლო საკრებულოების მაჟორიტარი წევრებისთვის 40%-იანი ბარიერი იყო დადგენილი.

 ქუთაისში მერის თანამდებობის დასაკავებლად ორი კანდიდატი იბრძვის- “ერთიანი ნაციონალური მოძრაობა“ ხატია დეკანოიძე, “ქართული ოცნება ‒ დემოკრატიული საქართველო“ იოსებ ხახალეიშვილი.

ქუთაისში  სულ 153 726 ამომრჩეველია რეგისტრირებული, გახსნილია 124 საარჩევნო უბანი.

ჩვენ დარწმუნებულები ვართ ,რომ გავიმარჯვებთ- ეს განცხადება "ერთიანი ნაციონალური მოძრაობის"ქუთაისის მერობის კანდიდატმა არჩევნებამდე ერთი დღით ადრე გააკეთა.ხატია დეკანოიძემ საარჩევნო შტაბში ბრიფინგი გამართა. ოპოზიციონერმა პოლიტიკოსმა მოსახლეობას არჩევნებზე მისვლისკენ მოუწოდა.

"ყველა,ვინც ხართ ჩაწერილი ადგილზე,ვინც ხმას აძლევთ ქუთაისში,აუცილებლად ჩამობრძანდით იმისთვის ,რომ ქუთაისში, წყალტუბოში, ბაღდათში, ადგილზე დააფიქსიროთ თქვენი ნება,რომელსაც ვერ აღუდგება წინ ის გაყალბების მანქანა,რომელიც ამუშავებული აქვს ხელისუფლებას.დიახ,ქუთაისში ჩვენ,მათ შორის ჟურნალისტებმა აღკვეთეს ფაქტი,რომელიც გულისხმობდა პირადობის მოწმობების ჩაბარებას და ამ ადამიანებისთვის ფულის დარიგებას.მე პირობას გაძლევთ,რომ თითოეულ ხმას გავუფრთხილდები,თოთოეული ხმა იქნება დაცული.თავისუფლება გადის ხვალინდელ დღეზე,ხვალიდან უნდა დასრულდეს ზიზღი და აგრესია".-განაცხადა ხატია დეკანოიძემ.

ხვალ 5 თვითმმართველ ქალაქსა და 15 მუნიციპალიტეტში არჩევნების მეორე ტური გაიმართება,სადაც მერებს აირჩევენ.მოქალაქეები ხვალვე 24 საარჩევნო ოლქში საკრებულოების  42 წევრს აირჩევენ.უბნები ამომრჩევლისთვის დილის 8 საათზე გაიხსნება.არჩევნებამდე ერთი დღით ადრე ცესკოს თავმჯდომარემ შემაჯამებელი ბრიფინგი გამართა.გიორგი კალანდარიშვილის თქმით,გახსნილია 1830 საარჩევნო უბანი და 29 სპეცუბანი,რომელიც მოემსახურება სამკურნალო დაწესებულებებსა და იზოლაციაში მყოფ ამომრჩეველს.მეორე ტურისთვის ამომრჩეველთა საერთო რაოდენობა 2  მილიონ ოთხმოცდარვა ათასს შვიდას ოცდაორს შეადგენს.

ხვალ საარჩევნო უბნებზე მისულ მოქალაქეებს ახალი დიზაინის კაბინები დახვდებათ.ქვეყნის მასშტაბით 1750 უბანზე ბიულეტინების დათვლის აუდიო და ვიდეო გადაღება განხორციელდება. სადამკვირველო ორგანიზაციები და მედია პროცესზე დაკვირვებას პირველი ტურის აკრედიტაციის დამადასტურებელი დოკუმენტით შეძლებენ.ჯამში არჩევნების მეორე ტურს 119 მედია ორგანიზაციის 3 711 წარმომადგენელი გააშუქებს.

პარტია "თეთრების" ლიდერმა მსოფლიო ბანს,პაატა ბურჭულაძეს ქუთაისიდან მიმართა.თეიმურაზ შაშიაშვილის თქმით,მას სურვილი აქვს პაატა ბურჭულაძეს და იმ გუნდს,რომელსაც ის მხარს უჭერს, შეხვდეს და "კაცურად ესაუბროს".შაშიაშვილი მსოფლიო დონის საოპერო მომღერლის იმ განცხადებას გამოეხმაურა,რომლის მიხედვითაც ის ოპერის თეატრში არ შეუშვეს.

"ინტელიგენტი,რომელიც დღეს პოლიტიკურ მხარედ იქცევა,მე არ ვთვლი , რომ ეს სწორია.მიმაჩნია,რომ როდესაც პარტიებმა დაანაწევრეს ქვეყანა,ასეთ სიტუაციაში სჯობს მეცნიერები და ინტელიგენციის წარმომადგენლები აერთიანებდნენ.მე მინდოდა ბურჭულაძეს შევხვედროდი.ქუთაისმა მას აჩუქა ტერიტორია,რომ შეექმნა აქ კულტურულ-მუსიკალური კომპლექსი.ეს იყო1994-95 წელი .აქ რეალურად არაფერი აშენდა,პირიქით,ეს ადგილი მას გაუყიდია, კიდევ აქეთ ილანძღება და ტყუილს ამბობს , რომ ოპერაში არ შეუშვეს."-განაცხადა შაშიაშვილმა.

იმერეთის ყოფილი გუბერნატორი ამბობს,რომ ქუთაისის განვითარება უკან იმ პარტიამ დახია,რომელთანაც თანამშრომლობს პაატა ბურჭულაძე.

"ქუთაისს ნუ  ებრძვით,რატომ აპატარავებენ საკუთარ თავს ხელოვნების მოღვაწეები, რომ გაეგონ ფეხქვეშ პოლიტიკოსებს,ეს მე სირცხვილად მიმაჩნია"-მიმართა საოპერო ბანს  პოლიტიკოსმა.

 პარტია "ახალი ქრისტიან დემოკრატების" თავმჯდომარემ ქუთაისის მერიასთან მორიგი პერფორმანსი მოაწყო.

გოგი წულაია  ადგილობრივი თვითმმართველობის შენობის წინ  სიმბოლურად ბოქლომით ხელში მივიდა.  წულაიას თქმით,აღნიშნული პერფორმანსით გამოხატავს  პროტესტს  საჯარო მოხელეების ხელისუფლების კონტრაქციაზე წაყვანასთან დაკავშირებით. მისი განცხადებით, ცარიელი მერია უნდა ჩაიკეტოს.ის ამბობს, რომ ხალხის ფული აქციების მოწყობაში არ უნდა  იხარჯებოდეს.

საარჩევნო ადმინისტრაცია მზად არის, არჩევნების მეორე ტურის პროფესიულ, ყველასთვის ხელმისაწვდომ და ჯანმრთელობისთვის უსაფრთხო გარემოში ჩასატარებლად, - ამის შესახებ ცენტრალური საარჩევნო კომისიის თავმჯდომარე, გიორგი კალანდარიშვილმა ბრიფინგზე განაცხადა.

,,საარჩევნო ადმინისტრაცია, 40 საოლქო-საარჩევნო კომისია და დაახლოებით 1870 საუბნო-საარჩევნო კომისია აგრძელებს მუშაობას, რომ არჩევნების მეორე ტური მაღალი სტანდარტებით ჩატარდეს. კარგად ჩატარებული არჩევნები ეს არის დემოკრატიის ხარისხის მაჩვენებელი ქვეყანაში,,-აღნიშნა ცესკოს თავმჯდომარემ.

კალანდარიშვილმა 2 ოქტომბრის არჩევნებიც შეაფასა.

„მინდა მოკლედ შევაფასო 2 ოქტომბრის არჩევნები. არჩევნები იყო კარგად და პროფესიონალურ დონეზე ორგანიზებული, დაცული იყო კოვიდრეგულაციები და კენჭისყრის დღემ მშვიდ, კონკურენტულ და გამჭვირვალე გარემოში ჩაიარა. ეს ის შეფასებებია, რაც არჩევნების დასრულებისთანავე გამოითქვა საერთაშორისო სადამკვირვებლო ორგანიზაციების მიერ. მინდა დიდი მადლობა გადავუხადო მათ პროცესში ჩართულობისა და დაკვირვებისთვის. მათი როლი და შეფასება საარჩევნო ადმინისტრაციისთვის და საარჩევნო პროცესისთვის განსაკუთრებით მნიშვნელოვანია. საარჩევნო ადმინისტრაციამ ასევე პროფესიულ დონეზე დაასრულა არჩევნების შეჯამების პროცესი. შესაბამისად,, დღეს კიდევ ერთხელ მადლობა მინდა გადავუხადო საარჩევნო ადმინისტრაციის ყველა თანამშრომელს, საოლქო საარჩევნო კომისიებს, საუბნო საარჩევნო კომისიების 63 ათასზე მეტ წევრს. მათ თავდაუზოგავად იშრომეს 2 ოქტომბრის არჩევნების მაღალ დონეზე ორგანიზებისთვის“, - განაცხადა კალანდარიშვილმა.