ეს არის ჩვენი პირდაპირი ვალდებულება და პასუხისმგებლობა, რომ ეს ადამიანები არ მოვუშვათ ხელისუფლებაში მეორედ და ის უბედურება, რომელიც მათ დააწიეს ქვეყანას, აღარ განმეორდეს, დაწყებული ტერიტორიების დაკარგვით, ოკუპაციით და დამთავრებული ხალხის ჩაგვრით და წამებით, – ამის შესახებ საქართველოს პრემიერ-მინისტრმა ირაკლი ღარიბაშვილმა  განაცხადა.

,,  ეს არის ჩვენი პირდაპირი ვალდებულება და პასუხისმგებლობა, რომ ეს ადამიანები არ მოვუშვათ ხელისუფლებაში მეორედ და ის უბედურება, რომელიც მათ დააწიეს ქვეყანას, აღარ განმეორდეს, დაწყებული ტერიტორიების დაკარგვით, ოკუპაციით და დამთავრებული ხალხის ჩაგვრით და წამებით. ეს არის ჩვენი პასუხისმგებლობა და არა უხერხულობა. 
ბუნებრივია, ჩვენ ძალიან მშვიდ, თავისუფალ არჩევნებს ჩავატარებთ. ასეთი მოწოდება, მოტივაცია გვაქვს ჩვენ ყველას და არც ერთ პროვოკატორს არ მივცემთ რაიმე პროვოკაციის მოწყობის საშუალებას.
საბოლოო ჯამში, მინდა ჩვენს მოსახლეობას ვუთხრა, რომ „ნაციონალურ მოძრაობას“ და სააკაშვილს, ამ მჩაგვრელ და მოძალადე კაცს, არავითარი პერსპექტივა არ აქვს. სააკაშვილი იჯდება დიდხანს ციხეში, იმდენ ხანს, რამდენიც არის განსაზღვრული მისი სასჯელის მიხედვით. ეს უნდა იცოდეს ყველამ და არავითარი ზედმეტი სპეკულაციები აღარ არის საჭირო ამასთან დაკავშირებით“, – აღნიშნა პრემიერ-მინისტრმა.

,,ერთიანი ნაციონალური მოძრაობის,, წევრი გიგა შუშანია "ქართული ოცნების" მორიგი ცრუ დაპირებაზე საუბრობს.მან დეტალები მედიას დღეს ადილობრივი თვითმმართველობის შენობის წინ გამართულ ბრიფინგზე გააცნო. შუშანია  ამბობს, რომ ხელისუფლებამ ქუთაისის კანალიზაციის სისტემის სრულად რეაბილიტაცია გადაიფიქრა. მისი თქმით,დაპირება,რომ ქუთაისში კანალიზაცია მოწესრიგდებოდა,ღარობაშვილმა ჯერ კიდევ პირველი პრემიერობისას საჯაროდ გასცა და შესაბამისად,2015 წელს ევროპის საინვესტიციო ბანკთან 100 მილიონი ევროს სესხის აღებას მოეწერა ხელი.  წელს კი პარლამენტის 2021 წლის 25 მაისის დადგენილებით, "ქართულმა ოცნებამ" უარი თქვა ამ ფულზე და შესაბამისად ეს პროექტი ვეღარ განხორციელდება. შუშანიამ ჟურნალისტებს დოკუმენტი - პარლამენტის დადგენილება სესხზე მთავარობის უარის რატიფიცირებაზე წაეუდგინა.

"მე ხელთ მაქვს დადგენილება,რომელსაც ხელს აწერს კახა კუჭავა, სადაც წერია,რომ მთავრობამ უარი განაცხადა ამ სესხის აღებაზე,ამ ფულის ქუთაისელთა ინტერესებისათვის გამოყენებაზე და ამ უარს რატიფიცირება გაუკეთა საქართველოს პარლამენტმა"-განაცხადა გიგა შუშანიამ.

გამომძიებელ ჟურნალისტთა გაერთიანება (აი,ფაქტი-ifact.ge) აუდიტის სამსახურის დასკვნაზე დაყრდნობით ზესტაფონის მერიის 9 თანამშრომლის მივლინების შესახებ ინფორმაციას აქვეყნებს.როგორც ჟურნალისტი წერს, რა ცოდნა და გამოცდილება მიიღეს საზღვარგარეთ ყოფნისას მერიის 9 თანამშრომელმა, უცნობია. დაბრუნებულებს ეს მერიისთვის წერილობით უნდა აეხსნათ, მაგრამ თავი არავის შეუწუხებია. მერიაში ჟურნალისტს უთხრეს, რომ წერილობითი მოხსენებები არ აქვთ, მივლინების შედეგებზე მხოლოდ ზეპირად მოისმინეს და ამ შეხვედრის ამსახველი მასალებიც აქვთ. სოციალურ ქსელში ფოტოები აი,ფაქტის ჟურნალისტმა ვერ იპოვა და  და არც თვითონ გამოაგზავნეს. 

"ქართული ოცნების" ქუთაისის მერობის კანდიდატმა დღეს ბრიფინგი გამართა და ტელეკომპანია " მთავარის" წინააღმდეგ სარჩელის შეტანის შესახებ განაცხადა.იოსებ ხახალეიშვილის თქმით,სარჩელი პატივისა და ღირსების შემლახველი ინფორმაციის გავრცელების გამო მოამზადა.

„იურისტებთან ერთად მოვამზადე და შემაქვს სარჩელი ტელეკომპანია „მთავარის“, ტელეკომპანია „მთავარის“ გენერალური დირექტორის,  ნიკა გვარამიას და ტელეკომპანია „მთავარის“ ჟურნალისტის, ეკა გაგუას წინააღმდეგ პატივისა და ღირსების შემლახველი ინფორმაციის გავრცელებისთვის. 

"ქართული ოცნების"ქუთაისის მერობის კანდიდატთან,  იოსებ ხახალეიშვილთან  აღმოსავლეთ ევროპის ცენტრი მრავალპარტიული დემოკრატიისთვის  (EECMD) პროექტების “DRIVE DEMOCRACY”  ორგანიზებით შეხვედრა გაიმართა. შეხვედრაზე სხვადასხვა საკითხთან ერთად იოსებ ხახალეიშვილმა  არაკორექტული კამპანიის დეტალებზე გაამახვილა ყურადღება, რომელიც მისი თქმით, „ნაციონალურმა მოძრაობამ“  მის  სადისკრედიტაციოდ დაიწყო.  იოსებ ხახალეიშვილის თქმით, ის აპირებს  მედიით  ტირაჟირებული ცილისწამებებისგან საკუთარი სიმართლის დაცვას.

მინდა ჩვენს ამომრჩეველს მივმართო, რომ არცერთი არ დარჩეს არჩევნების დღეს სახლში. ყველანი მივიდეთ და ხმა მივცეთ ქვეყნის მშვიდობიან განვითარებას, - ამის შესახებ ქვეყნის პრემიერ-მინისტრმა განაცხადა.

მისივე თქმით, დესტრუქციულ ოპოზიციას არ უნდა მიეცეს პროვოკაციის მოწყობის არცერთი საბაბი.

„ჩვენ, რა თქმა უნდა, ყველა მუნიციპალიტეტში ვიმარჯვებთ და გავიმარჯვებთ. ჩვენ მშვიდი, თავისუფალი არჩევნები უნდა ჩავატაროთ. უნდა იყოს სანიმუშო და სამაგალითო, ისე როგორიც იყო პირველ ტურში, რომ დესტრუქციულ ოპოზიციას არ მივცეთ რაიმე პროვოკაციის მოწყობის არცერთი საბაბი. ბუნებრივია, სრული მობილიზება გვაქვს გამოცხადებული იმისთვის, რომ მაქსიმალურად მშვიდ, სამართლიან და კონკურენტულ გარემოში ჩატარდეს არჩევნები და ქვეყანამ და მოსახლეობამ ერთხელ და სამუდამოდ დაისვენოს იმ საბოტაჟისგან, რომელიც მჩაგვრელი, მოძალადე სააკაშვილის პარტიისგან მომდინარეობს.

სრული მობილიზება კი ნიშნავს იმას, რომ ჩვენი არცერთი ამომრჩეველი არ დარჩეს არჩევნების დღეს სახლში. ბევრ მუნიციპალიტეტში, ჩვენი ძალიან ბევრი ამომრჩეველი არ მივიდა არჩევნებზე იქიდან გამომდინარე, რომ მათ სჯეროდათ და ჩვენს გამარჯვებაში იყვნენ დარწმუნებულები. მინდა ჩვენს ამომრჩეველს მივმართო, რომ არცერთი არ დარჩეს არჩევნების დღეს სახლში. ყველანი მივიდეთ და ხმა მივცეთ ქვეყნის მშვიდობიან განვითარებას“, - განაცხადა ღარიბაშვილმა.