ქუთაისის მუნიციპალიტეტის საკრებულომ, თავმჯდომარის წარდგინებით, სიითი შემადგენლობის უმრავლესობით საკრებულოს თავმჯდომარის მოადგილედ თეიმურაზ ნადირაძე აირჩია.
„მადლობა კოლეგებს გამოცხადებული ნდობისთვის და მხარდაჭერისთვის, ვეცდები ჩემი გამოცდილება როგორც ორგანიზაციული, ასევე პოლიტიკური მიმართულებით, მოვახმარო ჩვენი ქალაქის და ჩვენი ქვეყნის კეთილდღეობას.“ - განაცხადა თეიმურაზ ნადირაძემ
თეიმურაზ ნადირაძე აქტიურად იყო ჩართული კოვიდ ინფექციასთან ბრძოლის პროცესში. ის ასევე გახლდათ ქუთაისის მუნიციპალიტეტის მეხუთე მოწვევის საკრებულოს წევრი, ქალაქ მუზეუმის მაჟორიტარი დეპუტატი და ჯანდაცვისა და სოციალურ საკითხთა კომისიის თავმჯდომარე.
შეგახსენებთ რომ, ქალაქ ქუთაისის საკრებულოს თავმჯდომარის მოადგილის პოზიცია ვაკანტური გახდა ირაკლი შენეგელიას მიერ თავმჯდომარის პოსტის დაკავების შემდეგ
,,არ შეგარჩენთ მოპარულ არჩევნებს,,-ამ სლოგანით დღეს ქუთაისში აქცია გაიმართა. სამოქალაქო აქტივისტების ერთი ნაწილის მიერ ორგანიზებულ საპროტესტო მსვლელობას ოპოზიციის წარმომადგენლები შეუერთდნენ. ისისნი ვადამდელ არჩევნებს ითხოვენ და გრძელვადიან აქციებს აანონსებენ.
დღესვე ქუთაისის ცენტრალურ ბულვარში კარავი დადგეს.
,,ქუთაისი უერთდება სამოქალაქო პროტესტს,, -განაცხადა ერთიანი ნაციონალური მოძრაობის წევრმა გიგა შუშანიამ.
,,ვუერთდები ამ აქციას და მთლიანად სოლიდარული ვარ იმ საკითხში, რომ უნდა წავიდეს ეს ხელისუფლება და უნდა ჩატარდეს რიგგარეშე არჩევნები.უნდა მოვიდეს ის ხელისუფლება, რომელიც ამ ქვეყანას გამოიყვანს კატასტროფიდან,,- განაცხადა გოგი წულაიამ, პარტია ,,თავისუფალი საქართველოს თავმჯდომარის მოადგილემ.
ქუთაისის ცენტრში სამართალდამცველების დიდი რაოდენობა იყო მობილიზებული.