ერთიანი ნაციონალური მოძრაობის წევრმა ქუთაისის მერიის წინ მორიგი აქცია- პერფორმანსი გამართა.ნიკა ნარსიამ,რომელიც საკრებულოს მაჟორიტარი დეპუტატობის კანდიდატია,ადგილობრივი თვითმმართველობის შენობის წინ "ბოცა" მიიტანა წარწერით "ხახალეიშვილი".როგორც მან აღნიშნა, სოსო  ხახალეიშვილის  ადგილი ქუთაისის მერიაში არ არის და "ისე დაიფშვნება არჩევნებზე როგორც ეს ბოცა დაიფშვნა". ნარსიას თქმით,მმართველი გუნდის მერობის კანდიდატი "სუსთან"თანამშრომლობს და უწყებაში მას კოდური სიტყვით "ბოცა"მოიხსენიებენ.

ადგილზე სამართალდამცველთა დიდი რაოდენობა იყო მობილიზებული.რაიმე სახის დაპირისპირება არ მომხდარა.

,,ქართული ოცნების,,  ბოლოდროინდელი მოქმედებები სერიოზული საფრთხის შემცველია ჩვენი ქვეყნისთვის,,-ეს განცხადება  ,,მესამე ძალა სტრატეგია აღმაშენებლის,, ლიდერმა ქუთაისში ბრიფინგზე გააკეთა. გიორგი ვაშაძემ გუშინ ,,მთავარი არხის,, გადამღებ ჯგუფთან დაკავშირებულ მომხდარ შემთხვევაზე ისაუბრა, ქარელში გადაღებაზე მყოფი ოპერატორი ,,ქართული ოცნების,, ოფისში მომხდარი დაპირისპირებისას დაშავდა.

,,ეს არის გაგრძელება 5 ივლისს ჟურნალისტებზე თავდასხმის და ეს არის გაგრძელება იმ შეტევის თავისუფალ სიტყვასა და მედიაზე, რომელსაც  სამწუხაროდ ,,ქართული ოცნება ,, ეწევა ბოლო პერიოდში.მოსმენა, დასმენა, თვალთვალი ,ძალადობა იქცა ამ წინასაარჩევნო პერიოდის ნათელ მაგალითად. ეს გზა ჩვენ მიგვიყვანს სამოქალაქო დაპირისპირებამდე, რომელიც ჩვენ არ უნდა დავუშვათ.2 ოქტ არის გადამწ არჩევნები-ან ვირჩევთ ცივილიზებულ, განვითარებულ საქართველოს, ან ვირჩევთ სამოქალაქო დაპირისპირებაში ჩახშობილ საქართველოს.ან ვირჩევთ განვითარების გზას, ან ვირჩევთ მუდმივი სიღარიბის და შიმშილის გზას.უარი უნდა ვუთხრათ საბჭოთა მოდელს ქვეყნის მართვის, როცა მოსმენები, დასმენები,  დაშინებები არის ქვეყნის მართვის მთავარი გზა.,,-განაცხადა გიორგი ვაშაძემ.

მმართველი გუნდის ქუთაისის მერობის კანდიდატი არ გეგმავს მიიღოს გახარიას პარტიის კანდიდატის შემოთავაზება და დებატებში მონაწილეობას არ აპირებს. ამის შესახებ საინფორმაციო სააგენტო ,,აქტორს,, იოსებ ხახალეიშვილის საარჩევნო შტაბის წარმომადგენელმა განუცხადა.პარტია ,,საქართველოსთვის,, ქუთაისის მერობის კანდიდატმა გიორგი გოგუაძემ კონკურეტს დებატებში მონაწილეობისკენ უკვე მეორედ მოუწოდა.როგორც ამჯერად გავრცელებულ ტექსტში წერია, ყოფილი პრემიერის პოლიტიკური მოძრაობის წარმომადგენელი დებატებში სახელისუფლებო კანდიდატს იწვევს.

,,კიდევ ერთხელ ვიწვევ სახელისუფლებო კანდიდატს დებატებში. ამჯერად საჯარო დებატებში, რაც გულისხმობს, რომ საზოგადოებრივ, ღია სივრეცეში მოეწყობა დებატებისთვის სივრცე, სადაც ყველა მედია საშუალებას და ნებისმიერ დაინტერესებულ მოქალაქეს შეეძლება მოსვლა და კითხვის დასმა.

ქუთაისის ცენტრალურ ქუჩაზე არსებული მოსაცდელი  უახლოეს პერიოდში სრულად მოწესრიგდება.აღნიშნული განცხადება ადგილობრივ თვითმმართველობაში ლეიბორისტული პარტიის წევრის დღეს გამართული ბრიფინგის საპასუხოდ გაკეთდა. ქუთაისის მერიის ინფრასტრუქტურის სამსახურის უფროსის მოადგილის ინფორმაციით,მოსაცდელი,რომელიც ჭავჭავაძის ქუჩაზე,მოსწავლე ახალგაზრდობის პარკთან მდებარეობს და მოუწესრიგებელია,სულ მალე კეთილმოეწყობა.მიმდინარეობს პროექტზე მუშაობა,რომელიც არა მხოლოდ მოსაცდელის,არამედ შუქნიშნების,გამყოფი ზოლისა და ე.წ უსაფრთხოების კუნძულების მოწყობას ითვალისწინებს.საპროექტო სამუშაოები დასრულების ეტაპზეა,რის შემდეგაც სამუშაოები დაიწყება.

ლეიბორისტული პარტიის წევრი  ქუთაისში არსებულ მოუწესრიგებელ მოსაცდელებზე საუბრობს.ირაკლი კიკვაძემ დღეს ბრიფინგი მოსწავლე-ახალგაზრდობის პარკთან არსებულ გაჩერებაზე გამართა.როგორც პოლოტიკოსი ამბობს,ქუთაისში 338 გაჩერების პუნქტი არსებობს,აქედან კი მერიის ინფორმაციით 111  კეთილმოწყობილია.როგორც ირაკლი კიკვაძე განმარტავს,ფაქტი სიმართლეს არ შეესაბამება და კომპანია,რომელსაც მოსაცდელების კეთილმოწყობა ევალება,საქმეს არაჯეროვნად ასრულებს.კიკვაძე ადგილობრივ თვითმმართველობასა და კომპანიას შორის სავარაუდო კორუფციულ გარიგებებსაც არ გამორიცხავს.ლეიბორისტული პარტიის წევრი პირობას დებს,რომ არჩევნებში  მათი გუნდის გამარჯვების შემთხვევაში,პარტია ქალაქში ჯანსაღ სატრანსპორტო პოლიტიკას აწარმოებს.

კომპანია,რომელსაც ქუთაისში  მოსაცდელების კეთილმოწყობა ევალება, "ფორტუნა მედიაა".

"მესამე ძალა სტრატეგია აღმაშენებელმა "  სამტრედიაში საკრებულოს მაჟორიტარი დეპუტატობისა და პროპორციული სიის  კანდიდატები წარადგინა. პარტიას მუნიციპალიტეტში 16 კანდიდატი ყავს. მესამე ძალის ლიდერების განცხადებით, მოსახლეობას უმუშევრობა, სიღარიბე და მოუწესრიგებელი ინფრასტრუქტურა აწუხებს. მათი თქმით, მთავრობა პრობლემების მოგვარების ნაცვლად არჩევნების მოგებას ზეწოლით და ამომრჩევლის  მოსყიდვით ცდილობს.