,,ერთიანი ნაციონალური მოძრაობა,, ქუთაისის 101-ე უბანთან კოორდინატორების მობილიზაციის შესახებ აცხადებს. პარტიის წარმომადგენელს უბანზე, ნინი თვალავაძეს შეკრებილები აგრესიით ესაუბრებიან. მისი ინფორმაციით,კოორდინატორთა ნაწილი შენობაში შეიკეტა.ნინი თვალავაძე საინფორმაციო სააგენტო ,,აქტორთან,,საუბრის დროს ამბობს, რომ მოსწავლე-ახალგაზრდობის პარკში, სადაც უბანია განთავსებული, შენობის მეორე მხარეს ,,ქართულ ოცნებას,, შტაბი აქვს გახსნილი, სადაც შეკრებილები შედიან და იკეტებიან.მან შეკრებილებთან გასაუბრება სცადა, თუმცა პასუხად მიიღო, რომ ამომრჩევლები იყვნენ, სეირნობდნენ, ვარჯიშობდნენ და ერთ-ერთმა ისიც განუცხადა,რომ ,, ასეთი აგრესიული კაცი ვარ დაბადებიდან და ფსიქიურად ავარ დაავადებული,ამის გულისთვის ვიბრძოდი აფხაზეთსა და ავღანეთში?,,-მიმართა მან თვალავაძეს. მათ ენმ-ს წარმომადგენელს სიტყვიერი შეურაცყოფა მიაყენეს.ნინი თვალავაძე ამბობს, რომ უბნის მიმდებარე ტერიტორიაზე შეკრებილები ,,ქართული ოცნების,, დამკვირვებლებთან კონტაქტობენ.

ქუთაისის 59-ე საოლქო-საარჩევნო კომისიის თავმჯდომარის ინფორმაციით,  124-ვე უბანი 08:00 საათზე გაიხსნა.

ლარინა ლალიაშვილის თქმით,  შეფერხება არცერთ უბანზე არ დაფიქსირებულა.

ქალაქში ორი სპეცუბანია გახსნილი, მათგან ერთ-ერთი ნომერ მეორე სასჯელაღსრულების დაწესებულებაში.

ქალაქში 153 726 ამომრჩეველია რეგისტრირებული. გამარჯვებისთვის „ნაციონალური მოძრაობის“  და „ქართული ოცნების“ კანდიდატები-ხატია დეკანოიძე და იოსებ ხახალეიშვილი იბრძვიან.

,,ერთიანი ნაციონალური მოძრაობა,, ქუთაისში დარღვევის შესახებ აცხადებს.მათ ფოტო გაავრცელეს, სადაც მაისურაძის ქუჩის #5-ში, 103-ე უბნის შესასვლელში პარტიული სიმბოლიკაა განთავსებული. საუბარია ,,ქართული ოცნების დროშაზე, რომელიც უბნის შესასვლელში, ეზოს ცენტრალურ კარებზეა დამაგრებული. 130-ე უბანი მეთორმეტე ბაგა-ბაღის შენობაში ფუნქციონირებს.

შეგახსენებთ, კენჭისყრის დღეს საარჩევნო კანონმდებლობით გათვალისწინებული მთელი რიგი აკრძალვები მოქმედებს.

კერძოდ, კენჭისყრის დღეს კენჭისყრის შენობაში წინასაარჩევნო აგიტაცია აკრძალულია.

დაუშვებელია კენჭისყრის შენობის შესასვლელიდან 25 მეტრის მანძილზე სააგიტაციო მასალის განთავსება. ეს მასალა ჩამოხსნას, დემონტაჟსა და აღებას ექვემდებარება.

დაუშვებელია აგრეთვე კენჭისყრის დღეს კენჭისყრის შენობაში ან კენჭისყრის შენობიდან 100 მეტრის მანძილზე ამომრჩევლის გადაადგილების ფიზიკურად შეფერხება. ასევე დაუშვებელია კენჭისყრის დღეს კენჭისყრის შენობიდან 100 მეტრის მანძილზე ადამიანთა შეკრება ან ამომრჩეველთა აღრიცხვა.

აკრძალულია კენჭისყრამდე 8 საათის განმავლობაში და კენჭისყრის დღის 20:00 საათამდე ტელევიზიისა და რადიოს ეთერში წინასაარჩევნო ფასიანი ან უფასო რეკლამის, საარჩევნო სუბიექტების პროგრამების განთავსება და გადაცემა, აგრეთვე საარჩევნო მიზნებისათვის სატელეფონო ზარების განხორციელება და მოკლე ტექსტური შეტყობინებების გაგზავნა.

აკრძალულია არჩევნებთან დაკავშირებული საზოგადოებრივი აზრის გამოკითხვის შედეგების გამოქვეყნება კენჭისყრის დღის 20:00 საათამდე.

ქუთაისის გარდა არჩევნების მეორე ტურია იმერეთის კიდევ ორ მუნიციპალიტეტში ტარდება-ბაღდათსა და წყალტუბოში

ბაღდათში ერთმანეთს  “ერთიანი ნაციონალური მოძრაობის“  წარმომადგენელი გიორგი რობაქიძე და  “ქართული ოცნება ‒ დემოკრატიული საქართველოს“ კანდიდატი კახა ენუქიძე უპირისპირდებიან.

იგივე ვითარებაა წყალტუბოშიც - მერის თანამდებობისთვის “ერთიანი ნაციონალური მოძრაობიდან“ ზაზა მეტრეველი, “ქართული ოცნება ‒ დემოკრატიული საქართველოდან “ გენადი ბალანჩივაძე იბრძვიან.

მერებისა და საკრებულოების მაჟორიტარი წევრების არჩევნების მეორე ტური საქართველოს მასშტაბით 40 საარჩევნო ოლქსა და 1869 საარჩევნო უბანზე ტარდება.

კერძოდ, არჩევნების მეორე ტურისთვის გახსნილია 1830 საარჩევნო უბანი; ამომრჩევლებს მოემსახურება გამონაკლის შემთხვევაში შექმნილი 8 უბანი და ასევე შექმნილია 29 სპეციალური უბანი, რომლებიც მოემსახურება სამკურნალო დაწესებულებებსა და იზოლაციაში მყოფ პირებს.

მეორე ტურის ამომრჩეველთა საერთო რაოდენობა საქართველოს 2 088 722 მოქალაქეა.

დღეს, 30 ოქტომბერს, საქართველოში ადგილობრივი თვითმმართველობის არჩევნების მეორე ტური მიმდინარეობს.

საარჩევნო უბნები 07:00 საათზე გაიხსნა, ხმის მიცემის პროცედურა კი 08:00 საათზე დაიწყო. მეორე ტურში 5 თვითმმართველ ქალაქსა და 15 მუნიციპალიტეტში მერებს აირჩევენ. 24 საარჩევნო ოლქში კი, საკრებულოების 42 მაჟორიტარი წევრია ასარჩევი.

როგორც ცნობილია, მუნიციპალიტეტების მერების ასარჩევად - 50%-იანი საარჩევნო ბარიერი, ხოლო საკრებულოების მაჟორიტარი წევრებისთვის 40%-იანი ბარიერი იყო დადგენილი.

 ქუთაისში მერის თანამდებობის დასაკავებლად ორი კანდიდატი იბრძვის- “ერთიანი ნაციონალური მოძრაობა“ ხატია დეკანოიძე, “ქართული ოცნება ‒ დემოკრატიული საქართველო“ იოსებ ხახალეიშვილი.

ქუთაისში  სულ 153 726 ამომრჩეველია რეგისტრირებული, გახსნილია 124 საარჩევნო უბანი.

ჩვენ დარწმუნებულები ვართ ,რომ გავიმარჯვებთ- ეს განცხადება "ერთიანი ნაციონალური მოძრაობის"ქუთაისის მერობის კანდიდატმა არჩევნებამდე ერთი დღით ადრე გააკეთა.ხატია დეკანოიძემ საარჩევნო შტაბში ბრიფინგი გამართა. ოპოზიციონერმა პოლიტიკოსმა მოსახლეობას არჩევნებზე მისვლისკენ მოუწოდა.

"ყველა,ვინც ხართ ჩაწერილი ადგილზე,ვინც ხმას აძლევთ ქუთაისში,აუცილებლად ჩამობრძანდით იმისთვის ,რომ ქუთაისში, წყალტუბოში, ბაღდათში, ადგილზე დააფიქსიროთ თქვენი ნება,რომელსაც ვერ აღუდგება წინ ის გაყალბების მანქანა,რომელიც ამუშავებული აქვს ხელისუფლებას.დიახ,ქუთაისში ჩვენ,მათ შორის ჟურნალისტებმა აღკვეთეს ფაქტი,რომელიც გულისხმობდა პირადობის მოწმობების ჩაბარებას და ამ ადამიანებისთვის ფულის დარიგებას.მე პირობას გაძლევთ,რომ თითოეულ ხმას გავუფრთხილდები,თოთოეული ხმა იქნება დაცული.თავისუფლება გადის ხვალინდელ დღეზე,ხვალიდან უნდა დასრულდეს ზიზღი და აგრესია".-განაცხადა ხატია დეკანოიძემ.