ჭიათურაში ამ წუთებში მაღაროელთა საპროტესტო აქცია იმართება.

,,ჩვენ აქ არ გვევლინება დგომა.გავხდით იძულებული, აქციები გაგვემართა. 

ჩვენ არ გვინდა სამსახური ქალაქის განადგურების ხარჯზე,მინდა ვუყხრა ვათ,ვისაც გონია,რომ ჩვენთვის დღევანდელი ლუკმა-პურია ყველაზე მნიშვნელოვანი. არა ბატონებო. ჩვენთვის ყველაზე მნიშვნელოვანია ჩვენი შვილების მომავალი  და მათ აქ არ უნდა დავახვედროთ ერთი დიდი კარიერი.ხელფასებიც გვჭირდება, ლუკმა-პურიც ,მაგრამ ჩვენი ქალაქიც გვჭირდება.,,-აცხადებენ აქციის მონაწილეები. 

 მაღაროელების მოთხოვნები უცვლელია-კომპანია ,,ჯორჯიან მანგანეზმა დატოვოს ქალაქი,შეწყდეს მარგანეცის ღია კარიერული წესით მოპოვება და სახელფასო დავალიანება დაიფაროს.

გუშინ ცნობილი გახდა, რომ "ჯორჯიან მანგანეზი" მზადაა მიწისქვეშა სამუშაოები აღადგინოს, თუმცა, კონკრეტული პირობებით.

ჯორჯიან მანგანეზი" ითხოვს, რომ შუქრუთის მოსახლეობამ შეწყვიტოს მაღაროების პიკეტირება, საწარმოებში სამუშაო დრო კი 12-დან რვა საათამდე  შემცირდეს. სხვა დეტალები უცნობია.

სამუშაო ჯგუფის შეხვედრებზე მიღებულ გადაწყვეტილებას მაღაროელები არ ეთანხმებიან.

18-19 აპრილს დასავლეთ საქართველოში მოსალოდნელია თბილი და უნალექო ამინდი, ხოლო 20-21 აპრილს ზოგან გაწვიმდება. 

აღმოსავლეთ საქართველოს ცალკეულ რაიონში 22 აპრილამდე ხანმოკლე წვიმაა მოსალოდნელი.

ქ. თბილისში შესაძლოა მცირე წვიმა აღინიშნოს. ჰაერის ტემპერატურა დღისით +17, +19 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 18-19 აპრილს მოსალოდნელია თბილი და უნალექო ამინდი, ხოლო 20-21 აპრილს ზოგან გაწვიმდება. ჰაერის ტემპერატურა დღისით +22, +24 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 18-19 აპრილს მოსალოდნელია თბილი და უნალექო ამინდი, ხოლო 20-21 აპრილს ზოგან გაწვიმდება. ჰაერის ტემპერატურა დღისით +24, +26 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 18-19 აპრილს მოსალოდნელია თბილი და უნალექო ამინდი, ხოლო 20-21 აპრილს ზოგან გაწვიმდება. ჰაერის ტემპერატურა დღისით +22, +24 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო): 18-19 აპრილს მოსალოდნელია უნალექო ამინდი, ხოლო 20-21 აპრილს ზოგან გაწვიმდება. ჰაერის ტემპერატურა დღისით +13, +18 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმაა მოსალოდნელი. ჰაერის ტემპერატურა დღისით +16, +21 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმაა მოსალოდნელი. ჰაერის ტემპერატურა დღისით +15, +20 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან ხანმოკლე წვიმაა მოსალოდნელი. ჰაერის ტემპერატურა დღისით +15, +20 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ხანმოკლე წვიმაა მოსალოდნელი. ჰაერის ტემპერატურა დღისით +8, +13 გრადუსი დაფიქსირდება.

 ჭიათურაში დღეს, 15:00 საათზე  მორიგი საპროტესტო აქცია გაიმართება.მაღაროელები საკუთარ მოთხოვნებს კიდევ ერთხელ გააჟღერებენ.დღეს პროტესტის 49-ე დღეა.

,,გუშინ ჭიათურაში გაიმართა სამხრივი კომისიის შეხვედრა, რომელსაც მაღაროელები არ ესწრებოდნენ. შეხვედრაზე კომპანიამ წარადგინა საკუთარი გეგმა გარკვეული პირობებით, რომელთა შესრულების შემთხვევაში ის სამუშაო პროცესის განახლებას აპირებს.

თუმცა, მკაფიოდ უნდა ითქვას: ამ შეხვედრაზე საუბარიც არ ყოფილა ჩვენი მოთხოვნების შესახებ — იმ მოთხოვნების, რასაც უკვე 49 დღეა ვაყალიბებთ და ვითხოვთ.

ეს მოთხოვნები მხოლოდ მაღაროელების კეთილდღეობას არ ეხება — ისინი მთლიანად ჭიათურის მომავალზე, მისი გრძელვადიანი და ეფექტური განვითარებაზეა ორიენტირებული. თანაც , ჩვენთვის უმთავრესი პრიორიტწტია ყველა მოთხოვნის შესრულებაზე და სამუშაო პროცესის აღდგენაზე სახელმწიფომ აიღოს პასუხისმგებლობა. კომპანიამ ბევრჯერ მოგვატყუა და არ ვაპირებთ მათი მხრიდან ტკბილი დაპირებებით კიდევ ერთხელ მოვიტყუოთ თავი და მივცეთ უფლება მოატყუოს საზოგადოება. 

დღეს, 15:00 საათზე, ქალაქ ჭიათურაში იმართება დიდი საპროტესტო აქცია.

მოდი აქციაზე, თუ შენც ისე უყურებ საკითხს, როგორც მთელ ქალაქს ეხება —

თუ გინდა, რომ ჭიათურა გადარჩეს და არა განადგურდეს.

თუ გინდა, რომ მისი ბუნებრივი რესურსებით მიღებული შემოსავალი გავრცელდეს თითოეულ ჩვენგანზე და არ დარჩეს მხოლოდ ერთი ინვესტორის ჯიბეში — მაშინ შენი ადგილი აქაა!

ამ ყველაფრის საპირწონედ დღეს გვრჩება მხოლოდ დანგრეული სოფლები და მძიმე სოციალურ-ეკონომიკური მდგომარეობა.

მოდი აქციაზე — ეს შენი ვალია!

დაიცავი შენი ქალაქი, იბრძოლე მისი მომავლისთვის!

ერთად დავწეროთ ახალი ისტორია!,, -ნათქვამია მაღაროელების მიერ გავრცელებულ განცხადებაში. 

ფინანსთა სამინისტროს შემოსავლების სამსახურის საბაჟო გამშვებ პუნქტში „ფოთისა და ყულევის პორტები და ფოთის თავისუფალი ინდუსტრიული ზონა“, გერმანიიდან და ეგვიპტიდან შემოტანილი ქათმის გაყინული ხორცით და ტკბილი კარტოფილით (ბატატი) დატვირთული ავტოსატრანსპორტო საშუალებები იქნა შეჩერებული.

კანონმდებლობით გათვალისწინებული სასაზღვრო-საკარანტინო კონტროლის პროცედურების განხორციელებისას, კერძოდ, ფიზიკური შემოწმების/დათვალიერების დროს ტკბილი კარტოფილის 70% საკვებად უვარგისი აღმოჩნდა, რის შედეგადაც ტვირთი სრულ განადგურებას დაექვემდებარა.

ამასთან, საბაჟო კონტროლის ფარგლებში, 27 000 კილოგრამი ქათმის გაყინული ხორციდან აღებულ ნიმუშებში, ლაბორატორიული კვლევის შედეგად, პათოგენური მიკროორგანიზმი - სალმონელა გამოვლინდა.

საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი (გაყინული ქათმის ხორცი) ექსპორტიორ ქვეყანაში გაბრუნებას დაექვემდება.

ქუთაისის მერიის ინფორმაციით, აღდგომის დღეებში, 20 და 21 აპრილს  მუნიციპალური ტრანსპორტი მოსახლეობას უფასოდ მოემსახურება.

აღდგომის ბრწყინვალე დღესასწაულის წინა ოთხშაბათს ტრადიციული რიტუალი - „ჭიაკოკონობა“ იმართება. რიტუალის დროს ცეცხლის დასანთებად, მოსახლეობა სხვადასხვა ტიპის მუნიციპალურ ნარჩენს იყენებს. აღნიშნული ნარჩენების დაწვისას, გამოიყოფა გარემოსა და ადამიანთა ჯანმრთელობისათვის საშიში ტოქსიკური, კანცეროგენული ნივთიერებები და აირები. საფრთხე ექმნება მოსახლეობის, განსაკუთრებით კი, ბავშვების ჯანმრთელობას, რომლებიც აქტიურად მონაწილეობენ ტრადიციულ რიტუალში. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი მოსახლეობას აფრთხილებს, რომ ნარჩენების მართვის კოდექსის შესაბამისად, ნებისმიერი ტიპის ნარჩენის (მათ შორის, საბურავების, პლასტიკის მასალის, ფოთლების) ღია წესით დაწვა აკრძალულია. 

ნარჩენების მართვის კოდექსის თანახმად, მუნიციპალური არასახიფათო ნარჩენების - ფოთლების, ბაღის/პარკის ნარჩენების, საყოფაცხოვრებო ნარჩენების ღია წესით დაწვა გამოიწვევს დაჯარიმებას 500 ლარის ოდენობით, ხოლო საბურავის, რეზინისა და სხვა ელასტომერული მასალის ღია წესით დაწვის შემთხვევაში, სამართალდამრღვევს 1 500 ლარის ოდენობის ჯარიმის გადახდა მოუწევს.

გარემოსდაცვითი ზედამხედველობის დეპარტამენტი „ჭიაკოკონობის ღამეს“ კონტროლს გაამკაცრებს და თითოეულ სამართალდარღვევაზე შესაბამის რეაგირებას მოახდენს.