"ცოცხალი და უვნებელია "- დაკარგული ახალგაზრდა იპოვეს.

სამტრედიაში დაკარგული, 22 წლის რეზო რუხაძე იპოვეს.ინფორმაცია "სამტრედიის ამბებს" წყარომ დაუდასტურა.

ინფორმაციას ადასტურებს ოჯახიც.

"ვიპოვეთ, ღმერთს მადლობა ",-წერს რეზო რუხაძის და სოციალურ ქსელში.

როგორც ირკვევა, ახალგაზრდა მეხანძრე - მაშველებმა იპოვეს.

შეგახსენებთ, რეზო რუხაძეს 17 ივლისიდან ეძებდნენ.სამძებრო ღონისძიებებში ჩართული იყო პოლიციაც.

სამტრედიაში 22 წლის რეზო რუხაძეს ეძებენ.

 "სამტრედიის ამბების" ინფორმაციით, ახალგაზრდა სახლიდან, სოფელ იანეთიდან, გუშინ, დაახლოებით, 12 საათზე გავიდა მას შემდეგ არ დაბრუნებულა. 

ოჯახი დახმარებას ითხოვს. 

ინფორმაციის არსებობის შემთხვევაში, დარეკეთ ტელეფონის ნომერზე: 571- 222- 943, ან შეატყობინეთ პოლიციას.

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს, იმერეთისა და კახეთის პოლიციის დეპარტამენტების თანამშრომლებმა, გენერალურ პროკურატურასთან ერთად კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე, თბილისში, შიდა ქართლში, აჭარაში, გურიაში, იმერეთსა და კახეთში - 20 პირი დააკავეს, ხოლო 4 პირს ბრალი დაუსწრებლად წარედგინა, მათ შორის 2 ”კანონიერი ქურდია”.

 სამართალდამცველების მიერ, მოსამართლის განჩინების საფუძველზე ინტენსიურ რეჟიმში ჩატარებული ფარული საგამოძიებო მოქმედებების შედეგად დადგინდა, რომ სისხლის სამართლის დანაშაულში ბრალდებული პირები, პირადი სარგებლის მიღების მიზნით, მოქალაქეებს შორის არსებული ფინანსური დავების მოგვარებაში ერთვებოდნენ.

გამოძიებით, ასევე, დგინდება, რომ ბრალდებულებისა და მოდავე მხარეების მონაწილეობით, საქართველოსა და თურქეთის ტერიტორიაზე ე.წ. ქურდული გარჩევები ეწყობოდა, რომლებშიც საზღვარგარეთ მყოფი „კანონიერი ქურდები“ - თენგიზ ხოფერია მეტსახელად „ჭინკა“ და ირაკლი ლეჟავა მეტსახელად „ლაზარე“ მონაწილეობდნენ. დადგინდა, რომ ბრალდებულები ე.წ. ქურდული ტრადიციების შესაბამისად, გადაწყვეტილებებს იღებდნენ და ერთ-ერთ მოდავე მხარეს მეორის, ასევე, თავიანთ სასარგებლოდ თანხის გადახდას აკისრებდნენ. კონკრეტული ვადების დარღვევის შემთხვევაში კი ფიზიკური ანგარიშსწორებითა და სიცოცხლის მოსპობით ემუქრებოდნენ.

პოლიციამ, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღო კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ კრიმინალურ ავტორიტეტებსა და „კანონიერ ქურდებს“ უკავშირდებოდნენ.

დანაშაულები 15 წლამდე ვადით თავისუფლების აღკვეთას ითვალისწინებს.

ქუთაისის საქალაქო სასამართლომ ჭიათურაში დაკავებული  მაღაროელები პატიმრობაში დატოვა.

დღეს მერაბ სარალიძის, არჩილ ჭუმბურიძის, გიორგი ნეფარიძისა და თენგიზ გველესიანის სისხლის სამართლის საქმეზე წინასასამართლო სხდომა გაიმართა.ადვოკატების შუამდგომლობის მიუხედავად,მოსამართლემ დაკავებულების გირაოთი გათავისუფლებაზე უარი თქვა. შემდეგი სხდომა 23 ივლისს გაიმართება.

საქმეზე გამოძიება თავდაპირველად საქართველოს სისხლის სამართლის კოდექსის 118-ე მუხლის მე-2 ნაწილით გათვალისწინებული დანაშაულის, ჯგუფურად, ჯანმრთელობის განზრახ ნაკლებად მძიმე დაზიანების მუხლით დაიწყო, თუმცა 2025 წლის 30 აპრილს მერაბ სარალიძეს და გიორგი ნეფარიძეს ბრალი სისხლის სამართლის 225-ე მუხლით დაუმძიმდათ, რაც ჯგუფური ძალადობის ორგანიზებას და მასში მონაწილეობას გულისხმობს და 6-დან 9 წლამდე პატიმრობით ისჯება.

ჭიათურაში დღეს  უწყვეტი საპროტესტო აქციის 140-ე და შიმშილობის 29 -ე დღეა.

დღეს 15:00 საათზე ქუთაისის საქალაქო სასამართლოში ჭიათურაში დაკავებული მერაბ სარალიძის, არჩილ ჭუმბურიძის, გიორგი ნეფარიძისა და თენგიზ გველესიანის სისხლის სამართლის საქმეზე წინასასამართლო სხდომა გაიმართება, რომელზეც სასამართლო, მათ შორის, განიხილავს მხარეთა მიერ მოპოვებული მტკიცებულებების დასაშვებობის საკითხს.  საქმე შეეხება 2025 წლის 28 აპრილს, ჭიათურის პროტესტის მონაწილეებსა და შუქრუთის მაღაროს დირექტორს შორის მომხდარ ინციდენტს, რის შემდეგაც პროტესტის ოთხი მონაწილე დააკავეს.  

2025 წლის 1 მაისს, მერაბ სარალიძეს და გიორგი ნეფარიძეს,რომელთა ინტერესებსაც ,,სოციალური სამართლიანობის ცენტრი,, იცავს, სასამართლომ აღკვეთის ღონისძიების სახით პატიმრობა შეუფარდა იმ საფუძვლით, რომ სახეზე იყო ბრალდებულების მიერ ახალი დანაშაულის ჩადენის საფრთხე. 12 ივნისს სასამართლომ პატიმრობა კვლავ ძალაში დატოვა, მიუხედავად დაცვის მხარის შუამდგომლობისა, რომ გირაოს გამოყენება სრულად უზრუნველყოფდა ბრალდებულთა მხრიდან სხვა კანონსაწინააღმდეგო ქმედების ჩადენის პრევენციას. სოციალური სამართლიანობის ცენტრის ადვოკატები დაკავებულების პატიმრობიდან გათავისუფლების და აღკვეთის სახით გირაოს გამოყენების შუამდგომლობით სასამართლოს დღესაც მიმართავენ. 

აღსანიშნავია, რომ მოცემულ საქმეზე გამოძიება თავდაპირველად საქართველოს სისხლის სამართლის კოდექსის 118-ე მუხლის მე-2 ნაწილით გათვალისწინებული დანაშაულის, ჯგუფურად, ჯანმრთელობის განზრახ ნაკლებად მძიმე დაზიანების მუხლით დაიწყო, თუმცა 2025 წლის 30 აპრილს მერაბ სარალიძეს და გიორგი ნეფარიძეს ბრალი სისხლის სამართლის 225-ე მუხლით დაუმძიმდათ, რაც ჯგუფური ძალადობის ორგანიზებას და მასში მონაწილეობას გულისხმობს და 6-დან 9 წლამდე პატიმრობით ისჯება.

ჭიათურაში დღეს უწყვეტი საპროტესტო აქციის 140-ე და შიმშილობის 29 -ე დღეა.

საქართველოს გენერალურმა პროკურორმა, გიორგი გვარაკიძემ დასავლეთ საქართველოს და სამეგრელო-ზემო სვანეთის საოლქო პროკურატურების თანამშრომლებს ახალი ხელმძღვანელები წარუდგინა.

საქართველოს პროკურატურაში განხორციელებული საკადრო ცვლილებების შედეგად დასავლეთ საქართველოს საოლქო პროკურორად ზაზა მეტონიძე დაინიშნა, რომელიც მანამდე აჭარის ავტონომიური რესპუბლიკის პროკურორის თანამდებობას იკავებდა.

სამეგრელო-ზემო სვანეთის საოლქო პროკურორად ირაკლი კოძახიძე დაინიშნა, რომელიც მანამდე დასავლეთ საქართველოს საოლქო პროკურორის მოადგილის პოზიციაზე მუშაობდა.