საქართველოს კულტურისა და სპორტის სამინისტრომ კონკურსის - „საერთაშორისო ფესტივალებისა და მასტერკლასების ხელშეწყობა (კინო, თეატრი, ფოტო, ანიმაცია, თანამედროვე მუსიკა)“ - გამარჯვებული ცხრა პროექტი გამოავლინა, მათ შორის , სამი ქუთაისში გაიმართება,ხუთი თბილისში,ხოლო ერთი ბათუმში.

„ქარავან არტ ფორუმი, ქუთაისი 2024. თანამედროვე ხელოვნების საერთაშორისო ფესტივალი“ - განმახორციელებელი ა(ა)იპ თანამედროვე ხელოვნების განვითარების საერთაშორისო ასოციაცია. ფესტივალი გაიმართება ქუთაისში.

საერთაშორისო ფოტოფესტივალი „ილო - 2024“ - განმახორციელებელი შპს კომპანია „ოქროს პეპელა“. ფესტივალი გაიმართება ქუთაისში.

საერთაშორისო თეატრალური ფესტივალი „თეატრალური იმერეთი- 2024“ - განმახორციელებელი ა(ა)იპ „თეატრალური იმერეთი“. ფესტივალი გაიმართება ქუთაისში.

ბაღდათის მუნიციპალიტეტის რევაზ ლაღიძის სახელობის კულტურის ცენტრში, კომპოზიტორის და პოეტის ნუკრი კარკაძის შემოქმედებითი საღამო "სიცოცხლე მარადიულია" გაიმართა.

სპეციალურად ამ საღამოსთვის კომპოზიტორმა 7 AVE MARIA შექმნა, რომელიც 7 თებერვალს ბაღდათის მუნიციპალიტეტის სოფელ ნერგეეთში დატრიალებულ ტრაგედიას მიუძღვნა.

კომპოზიტორმა, ამ იდეის ირგვლივ ხუთი მუნიციპალიტეტის ბაღდათის, ხონის, ლეჩხუმის, ზესტაფონის და ქუთაისის ბავშვთა ვოკალური გუნდები, საოპერო და საესტრადო სოლისტები გააერთიანა.

ნუკრი კარკაძის შემოქმედებით საღამო ბაღდათის მუნიციპალიტეტის მერიის,საგანმანათლებლო რესურს ცენტრის, ბაღდათის პირველი საჯარო, ასევე როკითის საჯარო სკოლის მხარდაჭერით გაიმართა. 

ნუკრი კარკაძის 7 AVE MARIA , ქუთაისის კულტურულ – სახელოვნებო, საგანმანათლებლო დაწესებულებათა გაერთიანების ქალთა სიმებიანი კვარტეტის თანხლებით საოპერო სოლისტებმა ფერიდე ჯინჯიხაძემ, ედუარდ გეგუჩაძემ, სოფიო ბერიშვილმა,საესტრადო მომღერალმა ელენე ფოჩხუამ შეასრულეს.

ქუთაისის სიმღერისა და ცეკვის სახელმწიფო აკადემიური ანსამბლის მომღერალთა გუნდმა საერთაშორისო ფესტივალზე "Golden Voices of Montserrat", რომელიც ესპანეთის ქალაქ ლორე დე მარში გაიმართა, გრან პრი მოიპოვა.

მუსიკოსებს წარმატებას ქუთაისის მუნიციპალიტეტის მერია ულოცავს.

,,ვულოცავთ ჩვენს მუსიკოსებს კიდევ ერთ დიდ საერთაშორისო აღიარებას!,,-წერია ქუთაისის მერიის მიერ გავრცელებულ ტექსტში.

ავთანდილ გოგავა ბაღდათის მუნიციპალიტეტში 5 ათეულ წელზე მეტია აქტიურ შემოქმედებით საქმიანობას ეწევა. წლების მანძილზე  იყო ანსამბლ „სხივი“-ს და  „საირმე“-ს, როგორც  ხელმძღვანელი , ასევე შემსრულებელი. დღემდე აქტიურად ეწევა პედაგოგიურ საქმიანობას, არის  „ქართულ საკრავთა ორკესტრი“- ს  ხელმძღვანელი. ფლობს სხვადასხვა მუსიკალურ ინსტრუმენტს.

უკვე 174 წელია 14 იანვარს ქართული თეატრის დღე აღინიშნება. ქართული თეატრს 1850 წლის 14 იანვარს ჩაეყარა საფუძველი, როდესაც თბილისში პირველი სპექტაკლი- გიორგი ერისთავის „გაყრა“ დაიდგა. ეს იყო პირველი და იმ დროისთვის ერთადერთი პროფესიული თეატრი საქართველოში. წარმოდგენა თბილისის გიმნაზიის სააქტო დარბაზში გაიმართა, თავად გიორგი ერისთავის მონაწილეობითა და რეჟისორობით.

რაც შეეხება ქუთაისს, აქ პირველი წარმოდგენა 1861 წლის 3 მარტს გაიმართა-დაიდგა ,,გაყრა,,

1880 წელს ქუთაისში დაფუძნდა პროფესიული დასი, რომელსაც 1885 წელს სათავეში ჩაუდგა ცნობილი მსახიობი და რეჟისორი კოტე მესხი.

1940 წელს ქუთაისის თეატრს ლადო მესხიშვილის სახელი მიენიჭა. 1955 წელს ოფიციალურად გაიხსნა ქუთაისის დრამატული თეატრის ახალი შენობა, უნიკალური არქიტექტურული ნაგებობა, რომელსაც 2009 წელს ძეგლის სტატუსი მიენიჭა.

1969 წლის 27 დეკემბერს ქუთაისში გაიხსნა  ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრი,რომელიც უკვე 55 წლისაა.

 78 წლიანი ისტორია აქვს ქუთაისში იაკობ გოგებაშვილის სახელობის თოჯინების სახელმწიფო თეატრს,რომელიც  1946 წელს დაარსდა.         პირველი წარმოდგენა- აკაკი ბელიაშვილის ,, თეთრი ფინია’’ , 1946 წლის 31 დეკემბერს გაიმართა.

ხვალ ქუთაისში საახალწლო კონცერტი გაიმართება. ღია ცის ქვეშ,ხარაზოვის ბაღში დათუნა სირბილაძის და აჩიკო ნიჟარაძის ქალაქური სიმღერის კონცერტია დაგეგმილი.

ღონისძიება 17:00 საათზე დაიწყება.

ორგანიზატორი ქუთაისის მუნიციპალიტეტის მერიაა.