ქუთაისის საერთაშორისო მოკლემეტრაჟიანი ფილმების ფესტივალს ქუთაისის მერია აღარ დააფინანსებს.

ინფორმაცია ფესტივალის გვერდზე ვრცელდება. 

,,გასული წლების განმავლობაში ფესტივალის გენერალური სპონსორი იყო ქუთაისის მუნიციპალიტეტის მერია. რომლის კონტრიბუციაც იყო არათანხობრივი და უზრუნველყოფდა ფესტივალის სტუმრებისა და გუნდის ცხოვრების ხარჯებს. 

წელს, მერიაში საკადრო ცვლილებების ფონზე, შეყოვნებებითა და ხარვეზებით მიმდინარეობდა ტენდერის პროცესი, რასაც მაქსიმალურად გაგებით ვეკიდებოდით და ბოლო წუთამდე გვჯეროდა, რომ ამ დაყოვნებების უკან სხვა არაფერი იდგა, რადგანაც წერილობითაც და სიტყვიერადაც გვქონდა შესაბამისი პირების დასტური და მხარდაჭერა 

მაგრამ, 17 სექტემბერს, ფესტივალის დაწყებამდე ორი კვირით ადრე, მერიის კულტურის, სპორტის, განათლებისა და ახალგაზრდულ საქმეთა სამსახურმა ოფიციალური წერილით უარი განგვიცხადა შეთანხმებული პირობების შესრულებაზე, მიზეზად კი საკმარისი თანხის არარსებობა დაასახელა. მათი განცხადებით: “ბოლო თვეების განმავლობაში, წარმოიშვა რამდენიმე გაუთვალისწინებელი პრობლემური საკითხი, რომლის დროული გადაჭრა მნიშვნელოვნად იყო დამოკიდებული მოქალაქეთა კეთილდღეობაზე” (ციტატა) 

შეპირებულ მხარდაჭერაზე უარის თქმის გარდა, ჩვენთვის დამანგრეველია ის დაკარგული დრო, რაც მერიის გადაწყვეტილების დაგვიანებამ გამოიწვია და ჩვენი ფესტივალი ფაქტობრივად გამოუვალ მდგომარეობაში ჩააგდო. 

მიუხედავად სირთულეებისა, ფესტივალის გუნდი მთელი წელია მხოლოდ ენთუზიაზმის ხარჯზე, ყოველგვარი ფინანსური სარგებლის გარეშე მუშაობს, რომ ღონისძიება კიდევ უფრო მასშტაბური იყოს, ვიდრე გასულ წელს.

ამ შრომის შედეგად, ფესტივალს სხვა უცხოელ სტუმრებთან ერთად წელს ესპანური და მსოფლიო კინოს ვარსკვლავი - მარისა პარედესი ეწვევა!-"წერია გავრცელებულ ინფორმაციაში. 

ქუთაისში საერთაშორისო მოკლემეტრაჟიანი ფილმების ფესტივალი მეოთხე წელია ტარდება. წელს ფესტივალი 4-9 ოქტომბერს გაიმართება. 

,,მიმდინარე წელი ჩვენთვის განსაკუთრებულად რთული გამოდგა, რადგან კულტურის სფეროში მიმდინარე პროცესების ფონზე, უარი ვთქვით ეროვნული კინოცენტრისა და კულტურის სამინისტროს გამოცხადებულ კონკურსებში მონაწილეობასა და შესაბამისად - დაფინანსებაზე. 

საბედნიეროდ ფესტივალს კვლავ გვერდში უდგას თიბისი კონცეპტი, ასევე მხარდამჭერები: საზოგადოებრივი მაუწყებელი, ესპანეთის წარმომადგენლობა საქართველოში, საქართველოს ეროვნული არქივი, ჩეხეთის ცენტრი თბილისში, მოლდოვის ნაციონალური კინოცენტრი, ორგანიზაცია “ევროპული კინოფესტივალები”, სტუდები: არებატო და ველოსიპედი, კომპანიები: სარაჯიშვილი და ბორჯომი, სასტუმროები: რუმსი და სტამბა, დოკუმენტური კინოს ასოციაცია DOCA. 

ამ მხარდაჭერის დამსახურებით, ფესტივალის მზადების ძირითადი ნაწილი დასრულებულია, შეძენილია უცხოელი სტუმრების სამგზავრო ბილეთები და არასაკონკურსო პროგრამები.

სწორედ ამიტომ, ყველას, ვისთვისაც ეს ფესტივალი მნიშვნელოვანია, გთხოვთ დახმარებას, გვჭირდება ქართველი და უცხოელი სტუმრების სასტუმროში განთავსებისა და მასპინძლობის თანხა. მხარი დაგვიჭირეთ, რათა გავაგრძელოთ ის, რაც ჩვენთვის ყველაზე მნიშვნელოვანია მაყურებლამდე კინოს მიტანა!

შემოწირულობებს ვიღებთ ანგარიშებზე:

GEL: #GE09TB7442736080100010

EUR: #GE75TB7442736180100002

USD: #GE75TB7442736180100002

მიმღები: ხელოვნების განვითარების ფონდი აია"-ფესტივალის ორგანიზატორები. 

 წელს ქუთაისის საერთაშორისო მოკლემეტრაჟიანი ფილმების ფესტივალს, მსოფლიო და ესპანური კინოსა და თეატრის ვარსკვლავი, გოიას ჯილდოს მფლობელი, მარისა პარედესი ეწვევა.

ინფორმაციას  ქუთაისის საერთაშორისო მოკლემეტრაჟიანი ფილმების გვერდი ავრცელებს. 

,,8 ოქტომბერს, ქალ მსახიობებს ეძლევათ შანსი, რომ დაესწრონ მარისა პარედესის მასტერკლასს სრულიად უფასოდ.

ამასთანავე, 5 ოქტომბერს ქუთაისელ მაყურებელსა და სხვა კინომოყვარულებს ექნებათ შესაძლებლობა შეხვდნენ ვარსკვლავს,,-წერია ინფორმაციაში. 

მსახიობი ცნობილია პედრო ალმოდოვარის ისეთ ფილმებში შესრულებული როლებით, როგორებიცაა: “ყველაფერი დედაჩემის შესახებ”, “მაღალი ქუსლები”, “ჩემი საიდუმლოს ყვავილი” და სხვა მრავალი.

წლევანდელ ფესტივალაზე ქვეყანა ფოკუსში ესპანეთია, 6 დღის განმავლობაში გაიმართება სხვადასხვა რეჟისორის ესპანური ფილმების რეტროსპექტივა, ჩვენებებს დაესწრებიან ესპანელი მსახიობი ევა სივა და პროდიუსერი და რეჟისორი ხოსე მარია პრადო. 

 ქუთაისში, ახალგაზრდობის პარკში, ანა კალანდაძის 100 წლის იუბილესთან დაკავშირებით, პოეტის ბიუსტი გაიხსნა.

ბიუსტი ქუთაისის მერიის მხარდაჭერით შეიქმნა. ძეგლის ავტორია მოქანდაკე გიორგი კიკვაძე.

ქუთაისის მოზარდ- მაყურებელთა ახალგაზრდული თეატრის "მარჯანიშვილელების" დასმა ანა კალანდაძის ლექსებზე შექმნილი ლიტერატურული კომპოზიცია წარადგინა.

გამორჩეულმა ქართველმა პოეტმა ანა კალანდაძემ სკოლა ქუთაისში დაამთავრა და მისი პირველი ლექსებიც სწორედ ქუთაისში დაიწერა.

ანა კალანდაძის ბიუსტის გახსნას მხარისა და ქალაქის პირველი პირები ესწრებოდნენ. 

გელათის რეაბილიტაციის დროებითი კომიტეტის მიერ ახალი დროებითი გადახურვის სამუშაოების დასრულების ვადად 15 აგვისტო იყო დასახელებული,თუმცა როგორ ,,ევროპა ჩვენი სახლიას,, დამფუძნებელი, თორნიკე ბარათაშვილი აცხადებს,სამუშაოები ისევ დაუსრულებელია.

,,დღევანდელი მდგომარეობით, სამუშაოები ვერ დასრულდა, მასშტაბურია სივრცე, სადაც კონსტრუქციები და სახურავი ჯერ კიდევ არ არის მოწყობილი.

მეტიც, გარე სამუშაოები გარკვეული პერიოდის მანძილზე სურათზე მოცემულ ნიშნულზეა გაჩერებული.

პროცესის შეჩერების მიზეზები უცნობია.კომიტეტის საინფორმაციო პლათფორმაზე ინფორმაცია არ ვრცელდება.

რამდენადაც სამუშაოების გეგმა ხელმისაწვდომი არ არის, ძნელი დასადგენია, რა ეტაპზე გაჩნდა შეფერხება.

ერთადერთი მიზეზი რომ დროის არასწორი გათვლა არ არის, ამაზე ბოლო პერიოდის მანძილზე ფიზიკური სამუშაოების შეწყვეტა მეტყველებს.

ველოდებით კომიტეტის განცხადებას, პროცესში გამოვლენილი პრობლემების, სამუშაოების შეჩერების მიზეზებისა და ახალი ვადების შესახებ.,,-თორნიკე ბარათაშვილი. 

 გელათის მონასტერი მომლოცველებისა და ტურისტებისათვის 2 ივლისიდან დაიკეტა.მიზეზად გადახურვის სამუშაოები დასახელდა.

ქუთაისის საჯარო ხელოვნების ფესტივალის ფარგლებში გაიმართა თანამედროვე ქორეოგრაფიული წარმოდგენა „ქალაქები მოძრაობენ“ . პროექტი წარმოადგინა ნათია ჩიკვაიძისა და ადამ კოანის შემოქმედებითმა დასმა.

ექსპერიმენტული ტიპის, თანამედროვე ქორეოგრაფიული პროექტი საგანგებოდ შეიქმნა ქუთაისის საზოგადოებრივი სივრცისთვის და ეხება ქალაქის ურბანული მრავალფეროვანი შრეებისა და შინაარსების თემას.

ქორეოგრაფიული ნამუშევარი მოგვითხრობს იმაზე, თუ როგორ გამოიყურება სინამდვილეში ქალაქი, რომელშიც ვცხოვრობთ, როგორია მისი რაიონული განლაგება და თუ დარჩა მასში რაიმე ადგილი ჩვენთვის ბეტონსა და მეტალს მიღმა, სად ხდება ქალაქისა და ინდივიდუალური ადამიანების ურთიერთგადაკვეთა, რა ცვლილებები განიცადა ურბანულმა ქსოვილმა წლების განმავლობაში.

 წარმოდგენა „ქალაქები მოძრაობენ“ შემოქმედებითი გუნდის, ურბანულ კონტექსტთან ინტენსიური მუშაობისა და კვლევის შედეგად შეიქმნა.

თანამედროვე ცეკვის წარმოდგენა გაიმართა სამ ლოკაციაზე:

▪️ მწვანე ბაზარში;

▪️ სიყვარულის პარკში;

▪️ მდინარე რიონის ნაპირზე.

წარმოდგენაში მონაწილეობდნენ ნათია ჩიკვაიძისა და ადამ კოჰანის შემოქმედებითი გუნდის მოცეკვავეები: ადამ კოჰანი, თანია, ოლჰა ვიდიშევა, ანასტასია რუდი, მიშა ზაქაიძე, თიმ აუდინი, ჯონათან რასელი, საბრინა ბელენზიერი, ივან ბერაზუსკი, ნათია ჩიკვაიძე.

ქუთაისის საჯარო ხელოვნების ფესტივალის ფარგლებში გაიმართა თანამედროვე ქორეოგრაფიული წარმოდგენა „ქალაქები მოძრაობენ“ . პროექტი წარმოადგინა ნათია ჩიკვაიძისა და ადამ კოანის შემოქმედებითმა დასმა.

ექსპერიმენტული ტიპის, თანამედროვე ქორეოგრაფიული პროექტი საგანგებოდ შეიქმნა ქუთაისის საზოგადოებრივი სივრცისთვის და ეხება ქალაქის ურბანული მრავალფეროვანი შრეებისა და შინაარსების თემას.

ქორეოგრაფიული ნამუშევარი მოგვითხრობს იმაზე, თუ როგორ გამოიყურება სინამდვილეში ქალაქი, რომელშიც ვცხოვრობთ, როგორია მისი რაიონული განლაგება და თუ დარჩა მასში რაიმე ადგილი ჩვენთვის ბეტონსა და მეტალს მიღმა, სად ხდება ქალაქისა და ინდივიდუალური ადამიანების ურთიერთგადაკვეთა, რა ცვლილებები განიცადა ურბანულმა ქსოვილმა წლების განმავლობაში.

 წარმოდგენა „ქალაქები მოძრაობენ“ შემოქმედებითი გუნდის, ურბანულ კონტექსტთან ინტენსიური მუშაობისა და კვლევის შედეგად შეიქმნა.

თანამედროვე ცეკვის წარმოდგენა გაიმართა სამ ლოკაციაზე:

▪️ მწვანე ბაზარში;

▪️ სიყვარულის პარკში;

▪️ მდინარე რიონის ნაპირზე.

წარმოდგენაში მონაწილეობდნენ ნათია ჩიკვაიძისა და ადამ კოჰანის შემოქმედებითი გუნდის მოცეკვავეები: ადამ კოჰანი, თანია, ოლჰა ვიდიშევა, ანასტასია რუდი, მიშა ზაქაიძე, თიმ აუდინი, ჯონათან რასელი, საბრინა ბელენზიერი, ივან ბერაზუსკი, ნათია ჩიკვაიძე.