ბაღდათის მუნიციპალიტეტის სოფელ პირველ და მეორე ობჩაში, სეტყვამ და ძლიერმა წვიმამ ზარალი მიაყენა მოსახლეობას.

განადგურებულია სახნავ სათესი სავარგულები, ვენახები, ხეხილი, ასევე დაზიანებულია შიდა საუბნო გზები და რამდენიმე სახლის სახურავი. დაიტბორა საკარმიდამოები.

ბაღდათის მუნიციპალიტეტის მერია საგანგებო რეჟიმში მუშაობს, ამდრომდე მიმდინარეობს ზარალის დათვლა.

ბაღდათის მუნიციპალიტეტის მერი შესაბამის სამსახურებთან ერთად პირადად ეცნობა სტიქიის შედეგებს.

ძლიერი სეტყვის შედეგად იმერეთის 5 მუნიციპალიტეტი დაზარალდა. იმერეთში სახელმწიფო რწმუნებულის ინფორმაციით, სტიქიამ ყველა მეტი პრობლემა ზესტაფონის და ბაღდათის მუნიციპალიტეტების სოფლებს-მეორე სვირსა და ობჩას შეუქმნა.

,,იმერეთის მასშტაბით დაზიანებულია 26 სახლი.ელექტრო ენერგია არ მიეწოდებოდა  7 სოფელს,ამ დროისათვის 2 სოფელში შუქის მიწოდება აღდგა,ზარალის დათვლა მიმდინარეობს, გარკვეული დროის შემდეგ გვექნება ზუსტი ინფორმაცია.,,-ზვიად შალამბერიძე. 

სოციალურ ქსელში გავრცელებული ინფორმაცია რიკოთის უღელტეხილზე მეწყერის ჩამოსვლის შესახებ არ შეესაბამება სინამდვილეს-ასე გამოეხმაურა საავტომობილო გზების დეპარტამენტი მოქალაქეების მიერ გავრცელებულ ინფორმაციას რიკოთზე მეწყერის ჩამოსვლის შესახებ.

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, რიკოთის უღელტეხილზე მოძრაობა დროებით შეიზღუდა ძლიერი წვიმის შედეგად გზის სავალ ნაწილზე ჩამოსული წყლისა და ლაფის გამო.

კერძოდ, სოფელი ხევის მიმდებარედ, მშენებარე მონაკვეთთან, ძლიერი წვიმის შედეგად, ფერდობიდან წყლისა და ლაფის მასა გადმოვიდა გზის სავალ ნაწილზე, რის გამოც, გაწმენდითი სამუშაოების მიმდინარეობის პერიოდში, დროებით შეიზღუდა ავტოტრანსპორტის მოძრაობა.

გაწმენდითი სამუშაოები დასრულებისთანავე ავტოტრანსპორტის მოძრაობა აღდგა.

ამ ეტაპზე, რიკოთის საუღელტეხილო მონაკვეთზე მოძრაობა ორმხრივ რეჟიმში მიმდინარეობს.

ასევე, 

იმერეთის სოფლებში ძლიერი სეტყვა მოვიდა.ზესტაფონის მუნიციპალიტეტის სოფელ მეორე სვირსა და ბაღდათის მუნიციპალიტეტის სოფელ ობჩაში სეტყვამ მოსავალი გაანადგურა.დაზიანებულია ვაზი და ხეხილი.

ფოტო-ზვიად წაქაძე

 დღეს, 9 ივნისს დღის მეორე ნახევრიდან და 10-ივნისს საქართველოს უმეტეს რაიონში მოსალოდნელია დროგამოშვებით ხანმოკლე წვიმა, ზოგან ძლიერი, ელჭექი, შესაძლებელია სეტყვა და ქარის გაძლიერება.  

მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

15 და 16 ივნისს ქუთაისი გასტრონომიულ ფესტივალს- ,,გემო ფესტი" უმასპინძლებს. 

აღნიშნული ღონისძიებისთვის მოსამზადებელი სამუშაოებისა და თავად ფესტივალის შეუფერხებლად ჩატარების მიზნით, 9 - დან 17 ივნისის ჩათვლით, სატრანსპორტო საშუალებების მოძრაობა და პარკინგი შეიზღუდება გრიშაშვილის ქუჩის დასაწყისიდან თეთრ ხიდამდე. მსგავსი შეზღუდვა, ასევე, დაწესდება ცისფერყანწელთა ქუჩაზე, 12-დან 18 ივნისის ჩათვლით.

 ,,გემო ფესტი,, ქუთაისში 15 და 16 ივნისს, ვერიკო ანჯაფარიძის სკვერში,15:00 საათიდან გაიმართება.