დღეს,  16 ივნისს, დღის მეორე  ნახევარში საქართველოს ტერიტორიის უმეტეს ნაწილზე, მათ შორის თბილისში, ნარჩუნდება ძლიერი წვიმის, სეტყვის და ქარის გაძლიერების მაღალი ალბათობა. 

ერთად ვუგულშემატკივროთ ეროვნულ ნაკრებს ბუდუს ქალაქიდან-საორგანიზაციო ჯგუფი  ,,არა რუსულ რეჟიმს,, ქუთაისლებს საქართველოს ნაკრების საგულშემატკივროდ იწვევს.18 ივნისს, ცენტრალურ მოედანზე, მესხიშვილის თეატრის წინ შეკრება 19:30 წუთზეა დაგეგმილი.

,,26 მარტი უკვე ჩაიწერა საქართველოს ოსტორიაში ისტორიულ გამარჯვებად, რომელმაც ქართველი ხალხის უპრეცენდენტო ერთობა შეძლო.

18 ივნისს საქართველოს ნაკრები ევროპის ჩემპიონანტზე პირველ მატჩს გამართავს. 

საქართველო - თურქეთი.

მატჩის დაწყების დრო: 20:00 სთ.

გელოდებით საქართველოს ევროპული მომავლის გულშემატკივრებს საქართველოს ეროვნული ნაკრების საგულშემატკივროდ .

ვიქტორინის შედეგად გამოვავლენთ გამარჯვებულებს, რომლებსაც საქართველოს ეროვნული ნაკრების მაისური და ფეხბურთის ბურთი გადაეცემათ საჩუქრად.,,-აღნიშნულია ორგანიზატორების მიერ გავრცელებულ ინფორმაციაში. 

ქუთაისი კულინარიულ ფესტივალს ,,გემოს ფესტი" უკვე მეორედ მასპინძლობს. ფესტივალი გუშინ დაიწყო და დღესაც გრძელდება.

15:00 საათიდან ვერიკო ანჯაფარიძის სახელობის სკვერში და ცისფერყანწელთა ქუჩაზე კვების სივრცეები, სამეწარმეო და ღვინის ბაზარი, გასართობი სივრცეები და ფოტო ზონები  მოეწყობა.

ფესტივალში იმერეთიდან 20-ზე მეტი მეწარმე და მზარეული მონაწილეობს.

,, ფესტივალს არა მარტო იმერლები და ქუთაისლები ელოდნენ, არამედ ელოდებოდა სხვა ქალაქებიც. სასიხარულოა, რომ აქ ვხედავთ ტურისტებს, რომლებიც მრავლად არიან.გემო ფესტს აქვს ეკონომიკური ეფექტი სხვადასხვა ბიზნესის სფეროსთვის და ვფიქრობ, რომ ამ ორი დღის განმავლობაში ბევრი საინტერესო იმერული გემოებით გავუმასპინძლდებით ჩამოსულ სტუმრებს” - ზვიად შალამბერიძე, სახელმწიფო რწმუნებული იმერეთში. 

დღეს და ხვალ, 15 და 16 ივნისს, ქუთაისი „გემო ფესტს“ უმასპინძლებს.

კულინარიული ფესტივალი ქუთაისის მერიისა და ტურიზმის ეროვნული ადმინისტრაციის ორგანიზებით იმართება.

ქუთაისი პოპულარულ ფესტივალს უკვე მეორედ მასპინძლობს. ვერიკო ანჯაფარიძის სახელობის სკვერში, კვების და გასართობი სივრცეები, სამეწარმეო და ღვინის ბაზარი, ფოტო ზონები მოეწყობა.

 ️ქუთაისელებსა და ქუთაისის სტუმრებს საშუალება ექნებათ დააგემოვნონ როგორც ტრადიციული, ასევე იშვიათი იმერული კერძები. „გემო ფესტის“ ფარგლებში გაიმართება კონცერტი.

 ფესტივალის მიზანია რეგიონებში ადგილობრივი სამზარეულოს პოპულარიზაცია, მეწარმეების/ოჯახების ხელშეწყობა, შიდა და საერთაშორისო მოგზაურების ნაკადების ზრდა.

გარემოს ეროვნული სააგენტოს მიერ ჩატარებული ლაბორატორიული კვლევების მიხედვით, შავი ზღვის წყლის ხარისხი მთელ პერიმეტრზე ნორმის ფარგლებშია.

სააგენტო შავი ზღვის წყლის ხარისხის მონიტორინგს უწყვეტ რეჟიმში, ყოველთვიურად, 12 წერტილში ახორციელებს. 

კვლევებისას ისაზღვრება ჰიდრო ბიოლოგიური და ქიმიური პარამეტრები, მათ შორის, 13 მძიმე მეტალი, ნავთობის ჯამური ნახშირწყალბადები, 16 პოლიარომატული ნახშირწყალბადისა და სხვა ფიზიკურ-ქიმიური პარამეტრის კონცენტრაცია. 

შავი ზღვიდან აღებული სინჯები საანალიზოდ გარემოს ეროვნული სააგენტოს ატმოსფერული ჰაერის წყლისა და ნიადაგის ანალიზის აკრედიტირებულ ლაბორატორიაში იგზავნება. ლაბორატორია აღჭურვილია მაღალი სიზუსტის მქონე ანალიტიკური ხელსაწყოებით და სრულად აკმაყოფილებს თანამედროვე მოთხოვნებსა და სტანდარტებს. 

ხვალ ქუთაისში ,,გემო ფესტი,, იწყება.გასტრონომიული დღესასწაული 15 და 16 ივნისს,ქალაქის ცენტრში,ვერიკო ანჯაფარიძის სკვერში მიმდებარე ტერიტორიაზე გაიხსნება.15:00 საათიდან გვიან ღამემდე შეკრებილი მოსახლეობისთვის სხვადასხვა აქტივობები გაიმართება,იქნება ღვინის და კვების ზონა, საბავშვო და  ფეხბურთის ფან-ზონა,ასევე ჩატარდება კონცერტი. 

,,გემო ფესტის,, ჩატარების პარალელურად,ქალაქის ცენტრში ავტომობილების მოძრაობის და პარკინგის წესები იცვლება.

 9 - დან 17 ივნისის ჩათვლით, სატრანსპორტო საშუალებების მოძრაობა და პარკინგი იზღუდება გრიშაშვილის ქუჩის დასაწყისიდან თეთრ ხიდამდე. მსგავსი შეზღუდვა, ასევე, დაწესდა ცისფერყანწელთა ქუჩაზე, 12-დან 18 ივნისის ჩათვლით.