ბაღდათის მუნიციპალიტეტში  ტრადიციული სახალხო დღესასწაული - ბაღდათობა აღინიშნა.

ადგილზე მისულ სტუმრებს საშუალება ჰქონდა მთელი დღის განმავლობაში სხვადასხვა სახის შემეცნებითი, გასართობი ღონისძიებები ეხილა.

ქალაქის ცენტრალურ ნაწილში, თავისუფლების მოედანზე გამოფენილი იყო ძველი ბაღდათის ფოტოები.

მოწყობილი იყო სახელოვნებო და საგანმანათლებლო სივრცე-ბიბლიოთეკა;მსოფლიო განათლების აკადემია WEA-სივრცე;თეატრალური კუთხე-შემოდგომა ბაღდათში;მაიაკოვსკი და ბაღდათი;სახანძრო-სამაშველო კუთხე;გასტრონომიული სივრცეები;პატარებისთვის მოწყობილი იყო საბავშვო, გასართობი სივრცეები ,ატრაქციონები, სახის მოხატვა, ანიმატორები;ქუჩის ორკესტრი.

ასევე წარმოდგენილი იყო ადგილობრივი მეღვინეების ნაწარმის გამოფენა-გაყიდვა- დეგუსტაცია;ხელთნაკეთი ნივთების და ყვავილების კუთხე.

ბაღდათობის სახალხო დღესასწაულზე მისული სტუმრების საზეიმო განწყობაზე ადგილობრივი შემოქმედებითი ჯგუფები ზრუნავდნენ.  გაიმართა ბაღდათის საიმიჯო კლიპის პრეზენტაცია.

ჩატარდა საპატიო ბაღდათელების დაჯილდოების ცერემონია. 

მოეწყო ლაზე შოუ და კონცერტი ბენდი ¼ და ლინდა ადამიას მონაწილეობით.

საღამო გრანდიოზული ფეიერვერკით დასრულდა.

11 და 12 ოქტომბერს ქუთაისში,,Yellow Fest,,-მუსიკალური ფესტივალი გაიმართება. ფესტივალის ფარგლებში კი დიდ ეკრანზე ხვალ,11 ოქტომბერს, 22:45 საქართველო-უკრაინის თამაშის ტრანსლირება განხორციელდება.

ფესტივალის ფარგლებში იმღერებენ -,,რეგიონი“, „მგზავრები“,“ოჩოს ქოხი“, მარიამ შენგელია და ბენდი „mix2ra“, თიკა ბალანჩინი და ბენდი „new one“, „red wine,,. საღამოებს მუხნარის ტყე-პარკი უმასპინძლებს.დასაწყისი 18:00საათზე.

ფესტივალის ორგანიზატორი ქუთაისის მერიაა.

ქუთაისში აგრობაზარი ,,უნიკალური ქართული გემო გაიმართება.ღონისძიება  მსოფლიო სურსათის დღეს ეძღვნება .

16 ოქტომბერს,თეთრი ხიდის მიმდებარედ, 12:00-დან 20:00-მდე  აგრობაზარი ფერმერებს მთელი საქართველოდან უმასპინძლებს. ბავშვებისთვის დაგეგმილია გასართობი აქტივობები.

აქტივობას გაეროს სურსათისა და სოფლის მეურნეობის ორგანიზაცია(FAO)  და საქართველოს გარემოს დაცვისა და სოფლის მეურნეობის სამინისტრო, იმერეთში სახელმწიფო რწმუნებულის ადმინისტრაციისა და ქუთაისის მერიის მხარდაჭერით ჩაატარებს.

მსოფლიო სურსათის დღე – გაეროს სურსათისა და სოფლის მეურნეობის ორგანიზაციის (FAO) დაარსების დღე – გაეროს ერთ-ერთი გამორჩეული დღესასწაულია და მსოფლიოს 150-მდე ქვეყანაში აღინიშნება.

წელს მსოფლიო სურსათის დღე ეძღვნება ისეთ მნიშვნელოვან თემას, როგორიცაა „სურსათზე წვდომის უფლება უკეთესი ცხოვრებისა და უკეთესი მომავლისთვის“.

 აგრობაზარი „უნიკალური ქართული გემო“ ევროკავშირისა და შვედეთის მიერ დაფინანსებული ENPARD IV პროგრამის ფარგლებში ტარდება.

ლილი ნუცუბიძის ქუჩაზე არსებული შენობის რეკონსტრუქციისთვის 999 773 ლარია ქალაქის ბიუჯეტით განსაზღვრული. შენობა ფუნქციონირებას გააგრძელებს არაფორმალური განათლების ცენტრის სახით, სადაც მოეწყობა საკონფერენციო და სამონტაჟო ოთახები, სამუშაო და მულტიმედიის სივრცეები, რომლებიც ადაპტირებული იქნება შშმ პირებისთვის. 

სრული რეაბილიტაცია უტარდება მე-17 სპორტული სკოლის კრივის დარბაზებსა და ადმინისტრაციულ შენობას. 2 210 474 ლარის ღირებულების პროექტს რგპფ აფინანსებს და გათვალისწინებულია კრივის დარბაზების, გასახდელების, სველი წერტილების, საუნის განახლება. განახლდება ადმინისტრაციული შენობის ოთხივე სართული, მოეწყობა სასტუმრო, შეიცვლება გადახურვა და კარ-ფანჯრები. რეაბილიტაციის შემდეგ სპორტული სკოლა შეძლებს უმასპინძლოს საერთაშორისო ტურნირებს. 

 ქალაქში ინტენსიურად წესრიგდება ფასადები. ფასადი განახლდება ზ. გამსახურდიას გამზირის #17 მრავალსართულიან კორპუსზეც. პროექტის ღირებულებაა 305 593 ლარი და რგპ-ის ფონდიდან ფინანსდება. შენობაზე განთავსდება ფერადი პანელური მოაჯირები, შეიცვლება კარ-ფანჯრები და წყალსაწრეტები.

რეგიონული განვითარების პროგრამის ფონდიდანაა დაფინანსებული ⁠მესხიშვილის ქუჩის საგზაო ინფრასტრუქტურის რეაბილიტაციაც. 948 691 ლარის ღირებულების პროექტის მიხედვით, მესხიშვილის ქუჩაზე, ჩიხების ჩათვლით, გზის სავალ ნაწილზე განახლდება ასფალტობეტონის საფარი, მოეწყობა სანიაღვრე. 

დაწყებულია დადიანის ქუჩაზე სკვერის რეაბილიტაცია. არხის ორივე მხარეზე ეწყობა თანამედროვე სტანდარტების შესაბამისი სკვერი. პროექტის ღირებულება ნახევარ მილიონ ლარს აღწევს და გათვალისწინებულია 2 ხიდის, გაზონების, საფეხმავლო ბილიკების, გამწვანების, განათების, საპარკე ინფრასტრუქტურის მოწყობა. ეს პროექტიც რგპფ-დან არის დაფინანსებული. 

ინფრასტრუქტურული პროექტების მიმდინარეობას ქუთაისის მერის მოვალეობის შემსრულებელი გაეცნო. 

შინაგან საქმეთა სამინისტროს ცენტრალური კრიმინალური პოლიციის, თბილისის, შიდა ქართლის, აჭარის, სამეგრელო-ზემო სვანეთის, იმერეთისა და კახეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 30 პირი დააკავეს, მათ შორის 25 ნარკორეალიზატორია.

დაკავებულებს შორის არიან, როგორც საქართველოს, ასევე, უცხო ქვეყნის მოქალაქეები.

დანაშაულები 20 წლამდე ან უვადო თავისუფლების აღკვეთას ითვალისწინებს.

ქუთაისში,ჯავახიშვილის ქუჩაზე ხანძრის შედეგად საცხოვრებელი ბინა დაიწვა.

შემთხვევა ორი დღის წინ, ორშაბათს, დილით მოხდა.მეზობლების თქმით, სახანძრო-სამაშველო სამსახური ადგილზე მალევე მივიდა ,თუმცა ბინიდან ვერაფრის გადარჩენა ვერ მოხერხდა.დაუდასტურებელი ინფორმაციით,  ელექტრო ნათურა გასკდა და ცეცხლი ე წ. გასაჭიმ ჭერს მალევე მოედო .ადგილზე შეინიშნებოდა ძლიერი დაკვამლიანება .

ოჯახის ორ წევრს სხეულის მძიმე დამწვრობა აქვს,ისინი ამ დრომდე საავადმყოფოში რჩებიან.სამი მცირეწლოვანი ბავშვი  ღია ცის ქვეშ არის დარჩენილი.

ანგარიშის ნომერი: GE06TB7867745064300003

მიმღები: შოთა ძნელაძე