ძლიერმა ქარმა ბაღდათის მუნიციპალიტეტში საცხოვრებელი სახლების სახურავები დააზიანა. დაზიანებულია 50-ზე მეტი სახლის სახურავი .

ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან და მერიის ინფრასტრუქტურის სამსახურის წარმომადგენლებთან ერთად ადგილზე გაეცნო სტიქიით მიყენებულ ზარალს.

ბაღდათის მუნიციპალიტეტის მერია საგანგებო რეჟიმში მუშაობს, შექმნილია სტიქიის შედეგად მიყენებული ზარალის დამთვლელი კომისია, რათა დაზარალებულ ოჯახებს დროულად გაეწიოთ შესაბამისი დახმარება. 

მოსახლეობას  ელექტრო ენერგია შეუფერხებლად მიეწოდება.

იმერეთში ძლიერი ქარის შედეგად მიყენებული ზარალის დათვლა  მიმდინარეობს. შესაბამისი კომისიები ადგილზე არიან გასულები და აღწერას ახორციელებენ. 

იმერეთში განვითარებული ძლიერი ქარის შედეგად ინფრასტრუქტურა დაზიანდა.

კერძოდ, დაზიანებულია მრავალბინიანი და კერძო საცხოვრებელი სახლების სახურავები, ასევე 5 ავტომობილი. 

ამ ეტაპზე იმერეთის მასშტაბით ელექტროენერგია არ მიეწოდება 7 000 აბონენტს. საავარიო ბრიგადების მიერ მიმდინარეობს როგორც მაღალი ძაბვის გადამცემების, ასევე ადგილობრივი ხაზების აღდგენითი სამუშაოები.

გარემოს ეროვნული სააგენტოს ინფორმაციით, 1 ოქტომბერს დღის მეორე ნახევრიდან 3 ოქტომბრამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 3-4 ბალიანი შტორმული ღელვა. 

მოსალოდნელმა ნალექებმა საქართველოს პატარა მდინარეებზე შესაძლებელია წყლის დონის მნიშვნელოვანი მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).

ანა ლორთქიფანიძე- სპეციალური საჭიროების მქონე პირი, სამი წლის ინტერვალით ჩაწერილი ინტერვიუ და პრობლემები, რომელიც მისივე თქმით, უცვლელი გამოწვევაა.

მომზადებული ვიდეო ნახეთ ლინკზე:

https://m.facebook.com/story.php?story_fbid=7773522919416361&id=100005003047175

პარლამენტის შენობის წინ, სადაც 11 სექტემბრიდან ჭიათურის მუნიციპალიტეტის სოფელ შუქრუთის მცხოვრებლები უწყვეტ აქციას მართავენ, დღეიდან შიმშილობა დაიწყეს ქალებმაც - ვერა კუპატაძემ, ეთერი გაფრინდაშვილმა, ასმათ ნეფარიძემ და დალი კუპატაძემ. ღამე მათ პარლამენტის წინ გაათენეს 

უწყვეტი აქციევი 201 დღეა გრძელდება. დღეს შიმშილობის 30-ე ღამეა. პირი ამ დრომდეამოკერილიაწვს აქციის რამდენიმემონაწილს.

სამშაბათს, 1 ოქტომბერს, 19:00 საათზე, პარლამენტის შენობის  შუქრუთელების სოლიდარობის მორიგი აქცია გაიმართება.მონაწილეები მსვლელობით  ბიძინა ივანიშვილის შუშის სასახლისკენ გაემართებიან, ,,რათა კიდევ ერთხელ მოვთხოვოთ ცენტრალური მთავრობის ჩართულობა ჩვენი სოფლის გადასარჩენად. ,,-აცხადებენ შუქრუთელები.

ტყიბულის მუნიციპალიტეტში ძლიერი ქარია.სტიქიის შედეგად საცხოვრებელი სახლები დაზიანდა.

ძლიერმა ქარმა ქალაქის ტერიტორიაზე 23 საცხორებელ სახლს, მათ შორის 15 მრავალბინიან საცხორვებელ კორპუსს სახურავები გადახადა. 

მუნიციპალიტეტის მერია საგანგებო რეჟიმში მუშაობს. სტიქიის შედეგების შემსწავლელი კომისია ზარალს ითვლის. მიმდინარეობს ლოკალური სამუშაოები დროებითი ღონისძიებების გასატარებლად, პარალელურად, დაუყოვნებლივ დაიწყება სახურავების სარეაბილიტაციო სამუშაოების განხორციელება.

ძლიერი ქარი ტყიბულში ამ დრომდე გრძელდება.