ქუთაისში, სამუშაო სივრცე „ზეტში“ ფილმის „მოლაპარაკე შენობები“ ჩვენება მოეწყო.
ფილმში ასახული იყო საბჭოთა რეჟიმის მიერ მოტანილი ცვლილებები ქართული და უკრაინული მაგალითებით.
მასზე პედაგოგი და საინიციატივო ჯგუფ „როდემდეს“ წარმომადგენელი ანა შალიაკიანი და ჟურნალისტი ქეთი გელაშვილი დაახლოებით ერთი თვის მანძილზე მუშაობდნენ.
მათი თქმით, ფილმი მიზნად ისახავდა, საბჭოეთიდან დროში დაცილებულ თაობას მეტი გაეგო იმის შესახებ, თუ რამდენად არსებითად აისახა საბჭოური რეჟიმის გავლენა საზოგადოებრივი ცხოვრების სხვადასხვა სფეროზე.
ფილმი საინიციატივო ჯგუფ "როდემდეს" პროექტის "საბჭოთა კვალი ქართულ და უკრაინულ კულტურაზე" ფარგლებში მომზადდა და მისი ფინანსური მხარდამჭერი „ხსოვნის, პასუხისმგებლობისა და მომავლის ფონდი“ (EVZ Foundation) იყო.
