ქუთაისმა MA architects-ის ფოტოკონკურსს „ქუთაისის ჩაკარგული არქიტექტურა“ უმასპინძლა, რომელშიც როგორც პროფესიონალი, ასევე, მოყვარული ფოტოგრაფები მონაწილეობდნენ.

ჟიურის გადაწყვეტილებით , პირველი ადგილი ნატა კახიძემ დაიკავა, მეორე ადგილზე მინდია ჩანქსელიანი, მესამეზე კი, თორნიკე ტურაბელიძე გავიდა.

დაჯილდოების ცერემონიალს ქუთაისის მერის მოადგილეები დავით ნიშნიანიძე და შალვა მშვილდაძე დაესწრნენ.

ჩვენს ყველაზე დიდ გამოწვევას წარმოადგენს ის, რომ ფაქტობრივად ყველა ისეთ ძეგლს, რომელიც ყველასთვის მნიშვნელოვანია, ძალიან დიდი გასაჭირი აქვს - რომელი ერთი ჩამოვთვალო: იქნება ეს სვეტიცხოველი, ბაგრატი, ნიკორწმინდა, ფიტარეთი, ყინწვისი, შემოქმედი, ცაიში, წალენჯიხა, ატენის სიონი, - ეს განცხადება კულტურული მემკვიდრეობის დაცვის ეროვნული სააგენტოს ხელმძღვანელმა,  თეა ონიანმა, პარლამენტის კულტურის კომიტეტის სხდომაზე გააკეთა.

ონიანმა პრობლემების ერთ-ერთ მიზეზად წინა წლებში სარეაბილიტაციო სამუშაოების ხარვეზით ჩატარება დაასახელა. მისი განმარტებით, „ძეგლები იმის გამო ფუჭდება, რომ ან სახურავი არის არასწორად მოწყობილი ან მასალა არასწორად არის შერჩეული“.

„ბაგრატსა და ნიკორწმინდაში სახურავიდან წყალი ჟონავს და კედლები სველდება. სპილენძის ჩამონაჟონი ამწვანებს და შემდეგ აშავებს საპირე წყობის ქვებს, რაც ძალიან დიდი პრობლემაა. ამ პრობლემას აუცილებლად სჭირდება გადაჭრა. ნამდვილად არ ვუშინდებით, მაგრამ როგორც წესი, ძეგლებს სიჩქარე არ უხდება. გელათისა და ბაგრატის მაგალითმა ამაში ნათლად დაგვარწმუნა.

ასეთი საეტაპო ძეგლები თუ სრულყოფილად არ შეისწავლეს და გამოიკვლიეს, მათზე რაიმე სამუშაოების დაწყება ხშირ შემთხვევაში გამოუსწორებელ შეცდომებამდე მიგვიყვანს, რის წინაშეც დღეს ვდგავართ.

ძეგლები იმის გამო ფუჭდება, რომ ან სახურავი არის არასწორად მოწყობილი ან მასალა არასწორად არის შერჩეული. ამ ყველაფერს ხანგრძლივი, სკრუპულოზური კვლევა სჭირდება. ჩვენი პირველი რიგის ამოცანაა, რომ ასეთი ტიპის - გამორჩეულ, პირველი კატეგორიის ძეგლებს მივხედოთ.

ამიტომ ვფიქრობ, რომ პრობლემების გადაწყვეტაში უცხოელი ექსპერტები ჩავრთოთ, რომელიც ქართველ სპეციალისტებთან ერთად საერთაშორისო გამოცდილების საფუძველზე პრობლემებს დაამუშავებენ, არსებულ პროექტებს განიხილავენ და მიგვითითებენ არის თუ არა საჭირო ახალი პროექტების მომზადება, რა ხარვეზებია პროექტებში. ძეგლებზე სარეაბილიტაციო პროექტები ამის შემდეგ განხორციელდება“, - განაცხადა თეა ონიანმა.

კულტურული მემკვიდრეობის დაცვის ეროვნული სააგენტოს ხელმძღვანელმა პარლამენტის კულტურის კომიტეტის წევრებს სააგენტოს მიერ გაწეული საქმიანობისა და დაგეგმილი პროექტების/ღონისძიებების შესახებ ინფორმაცია გააცნო.

ქუთაისში საერთაშორისო ფოტოკონკურსის „ილო 2025“-ის გამარჯვებულები დააჯილდოვეს.    

,,ილო 2025“-ის გამარჯვებულები გახდნენ:

ძირითადი თემა ,,პროფესია პორტრეტში“:

I ადგილი - ელენე კურტანიძე;

II ადგილი - ნინო კაკაბაძე;

III ადგილი - ვარლამ ფესტვენიძე.

რუბრიკაში „ქალაქის ურბანული რიტმი“:

I ადგილი - პაატა ნემსწვერიძე;

II ადგილი - დავით მირზაშვილი;

III ადგილი - გიორგი კილაძე.

გამარჯვებულებს დიპლომებთან ერთად გადაეცათ ფულადი პრემიები, I ადგილის მფლობელებს - ფოტოაპარატის გამოსახულებიანი მინი-ქანდაკება, II და III ადგილის მფლობელებს კი - ,,ილოს“ გამოსახულებიანი მინი-ქანდაკება.

ფოტოკონკურსი ქუთაისის მერიის მხარდაჭერით უკვე 19 წელია ტარდება და მასში როგორც ქართველი, ასევე უცხოელი ფოტოხელოვანები მონაწილეობენ.

დღეს ქუთაისში, დავით კაკაბაძის სახელობის სახვითი ხელოვნების გალერეაში ლევან მოსიაშვილის პერსონალურ გამოფენა გაიხსნა. 

გამოფენა  13 ნოემბრამდე გაგრძელდება.ორგანიზატორი ააიპ ქუთაისის კულტურულ, სახელოვნებო, საგანმანათლებლო დაწესებულებათა გაერთიანებაა.

ლევან მოსიაშვილი საფრანგეთსა და საქართველოში მოღვაწეობს.

"-ორი ქვეყნის მოქალაქე ვარ,მაგრამ ვქართველობ,საქართველოს შვილი ვარ"-უთხრა თვითნასწავლმა მხატვარმა საინფორმაციო სააგენტო  ,,აქტორს,,.

მისი ნამუშევრები მსოფლიოს მრავალი ქვეყნის კერძო კოლექციებში ინახება (საქართველო, საფრანგეთი, რუსეთი, აშშ, გერმანია, შვეიცარია, იტალია, იაპონია, კანადა, ახალი ზელანდია, ავსტრალია, თურქეთი, ბელგია, ინგლისი, ბრაზილია, ჩილე, შვედეთი, ნორვეგია, ჩინეთი).

მხატვრის ნახატები გამოფენილია პრაღის ნაციონალურ მუზეუმში, პენტაგონის ცენტრალურ ოფისში (ვაშინგტონში), მოსკოვის ტრეტიაკოვის გალერეის დირექტორიაში, საფრანგეთის არაერთი ქალაქის მერიასა თუ სხვა ოფიციალურ დაწესებულებაში.

მისი პერსონალური გამოფენები გაიმართა ლიონში, პარიზში, ნიცაში, ტულუზაში, პერუში, ტურნეფეში და ლე ვერდიეში. მოსიაშვილის პერსონალური გამოფენები ასევე გაიმართა თელავში (საქართველო), სიგნარში (საქართველო), სანკტ-პეტერბურგში (რუსეთი), დამასკოსა და ალეპოში (სირია), საარემააში (ესტონეთი).

ქუთაისის მუნიციპალიტეტის მერიის კულტურის, სპორტის, განათლების და ახალგაზრდობის საქმეთა სამსახური აცხადებს ყოველწლიურ ფოტოკონკურსს „ილო - 2025“. 

ფოტოკონკურსის მიზანია გამოავლინოს ნიჭიერი ფოტოგრაფები (მოყვარულები და პროფესიონალები) და ხელი შეუწყოს ქუთაისში ფოტოგრაფიის განვითარებას.

გამარჯვებულები გამოვლინდებიან ძირითად კონკურსში - თემაზე „პროფესია პორტრეტში”, ასევე, 2 რუბრიკაში - ,,ქალაქის ურბანული რიტმი“ და „ტრადიცია ობიექტივში“ .

 საკონკურსო ნამუშევრები მიიღება 2025 წლის 2 ოქტომბრიდან 2025 წლის 25 ოქტომბრის 18:00 საათამდე.

შედეგები გამოცხადდება 2025 წლის 4 ნოემბერს.

საკონკურსო ფოტოფაილები, განაცხადთან ერთად, მიიღება ქალაქ ქუთაისის მუნიციპალიტეტის მერიის კანცელარიაში (ქ. ქუთაისი, რუსთაველის გამზირი #3, I სართული) ან ელექტრონულ მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. 

27 სექტემბრიდან – 2 ოქტომბრის ჩათვლით, თიბისის მხარდაჭერით ქუთაისის საერთაშორისო მოკლემეტრაჟიანი ფილმების ფესტივალი ჩატარდება.გახსნა ხვალ,19:00 საათზე არის დაგეგმილი.

6 დღის განმავლობაში კინოთეატრ ,,საქართველოში,, ფესტივალი მაყურებელს მრავალფეროვან პროგრამას სთავაზობს . კინოჩვენებებისა და რეტროსპექტივების პარალელურად  პროგრამა მოიცავს მასტერკლასებს, ვორქშოპებს, დისკუსიებს და პრეზენტაციებს. 

მოკლემეტრაჟიანი ფილმების ფესტივალის 2025 წლის ჟიურის თავჯდომარე რეჟისორი ნანა ჯანელიძე.მის გარდა ჟიურის კიდევ 4 წევრი ყავს .

ისინი ერთობლივად შეაფასებენ საკონკურსო ფილმებს და გასცემენ ოქროს დინოზავრებს სამ კატეგორიაში: საუკეთესო რეჟისორი, საუკეთესო ოპერატორი და საუკეთესო ფილმი.

წლევანდელი ფესტივალის ფოკუს ქვეყანა იქნება იტალია, რის ფარგლებშიც გაიმართება: პიერ პაოლო პაზოლინის, ფედერიკო ფელინისა და ტონინო გუერას ნამუშევრების რეტროსპექტივები. ფესტივალს ეწვევა იტალიელი რეჟისორი ბენიამინო ბარეზე და ნაჩვენები იქნება მისი ფილმი - “დედაჩემის გაუჩინარება”. სპეციალური სტუმარი იქნება ფილმის მთავარი პერსონაჟი, მოდელი და ჟურნალისტი ბენედეტა ბარძინი.

გაიმართება ლუის ბუნიუელისა და რაინერ ვერნერ ფასბინდერის ფილმების საიუბილეო ჩვენებები.

დასწრება თავისუფალია.