20, 21, 27 და 28 სექტემბერს,  ქუთაისის მუნიციპალიტეტის მერიის და თოჯინების პროფესიული თეატრების გაერთიანების ურთიერთშეთანხმებით,თოჯინების თეატრში სტუმრობა პატარა მაყურებლისთვის უფასო იქნება.

წარმოდგენილი იქნება სპექტაკლები ,,იავნანამ რა ჰქმნა,, ,,ნამცეცა,,  ,,ბატის ჭუკი,, და ,,ნაბო,, .

დღესვე ქუთაისის იაკობ გოგებაშვილის სახელობის თოჯინების თეატრი 79-ე სეზონს გახსნის.

ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრი 57-ე თეატრალურ სეზონს 19 სექტემბერს გახსნის ვიქტორ დოლიძის ოპერა  „ქეთო და კოტე“-ს საკონცერტო შესრულებით.

რეჟისორია  მაია გაჩეჩილაძე,ხოლო დირიჟორი  რევაზ ჯავახიშვილი.

ქუთაისის ოპერის თეატრის სარეაბილიტაციო სამუშაოები არ დასრულებულა,ამიტომ სეზონის გახსნა ლადო მესხიშვილის სახელობის პროფესიულ სახელმწიფო დრამატული თეატრში გაიმართება.  დასაწყისი 19:00 საათზე.

დღეს,11 აგვისტოს ქუთაისში კონცერტი გაიმართება. 

ახალგაზრდობის საერთაშორისო დღესთან დაკავშირებით ასსაფეხურიან კიბეებთან ღონისძიება 19:00 საათზე დაიწყება. 

მონაწილეობენ: ზაზა ნოზაძე, პაჯო, მეოთხე დასი.

ახალგაზრდობის საერთაშორისო დღე ყოველწლიურად 12 აგვისტოს აღინიშნება. 

ეს დღე 1999 წელს დააწესა გაეროს გენერალურმა ასამბლეამ, ახალგაზრდობის პრობლემებზე ყურადღების გასამახვილებლად და მათი უფლებებისა და შესაძლებლობების გასაძლიერებლად.

ჭყვიშში გალაკტიონ და ტიციან ტაბიძეების სახლ-მუზეუმის რეაბილიტაცია იწყება. 

რეაბილიტაციის გეგმა 2025-2027 წლებს მოიცავს

პროექტის მიხედვით დაგეგმილია კულტურული მემკვიდრეობის ძეგლების - გალაკტიონ და ტიციან ტაბიძეების მემორიალური სახლებისა და დამხმარე ნაგებობების რეაბილიტაცია; ტიციან ტაბიძის ავარიული საექსპოზიციო დარბაზის დემონტაჟი და მის ადგილას ახალი, თანამედროვე სტანდარტების შესაბამისი ფუნქციური საექსპოზიციო დარბაზის მშენებლობა; გალაკტიონ ტაბიძის საექსპოზიციო დარბაზის სარემონტო-სარეკონსტრუქციო სამუშაოები; მუზეუმის ეზოს კეთილმოწყობა. განახლებული მუზეუმი ადაპტირებული იქნება შშმ პირთათვის.

ქუთაისის იაკობ გოგებაშვილის სახელობის თოჯინების სახელმწიფო თეატრი სეზონს 31 ივლისს დახურავს.

პატარა მაყურებლს ჰექტორ მალოს ,,უსახლკაროს" მოტივებით ერთმოქმედებიანი სპექტაკლის ,, ცისფერი კოცონი" ნახვა შეეძლება.

რეჟისორი ეკატერინე სირაძე.

სპექტაკლის მთავარ გმირს, პატარა ,,რენეს" ხელობის შესწავლა და მუშაობა უნდა.მისი თავგადასავალი საკმაოდ რთულია . სხვადასხვა პროფესიის ადამიანების გაცნობის  შემდეგ  რენეს ბედი ოსტატთან შეხვედრამ განაპირობა და  საბოლოოდ გადაწყვიტა,  თავისი მომავალი მხოლოდ სამსახიობო ოსტატობასთან დაეკავშირებინა . ის მებრძოლია  და დაბრკოლებებით, ტკივილების მოთმენით, აღწევს მიზანს.ხდება მსახიობი, გულისხმიერი, კეთილშობილი და დგება ნანატრ დიდ სცენაზე.

სპექტაკლის დასაწყისი 13:00საათზე .

i

25 ივლისს ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრი 2024–2025 წლების 56-ე  სეზონს ვიქტორ დოლიძის ოპერა „ქეთო და კოტე“-ს საკონცერტო შესრულებით დახურავს.დირიჟორი რევაზ ჯავახიშვილი. 

ქუთაისის ოპერის თეატრის რეაბილიტაცია ამ დრომდე არ დასრულებულა, ამიტომ წარმოდგენის ნახვა მაყურებელს ლადო მესხიშვილის სახელობის პროფესიული სახელმწიფო დრამატული თეატრის სცენაზე შეეძლება. დასაწყისი 19:00 საათზე.