ქუთაისში, რუას ქუჩის I ჩიხში საყრდენი კედლის მოწყობის სამუშაოები მიმდინარეობს. სამუშაო პროცესს ქუთაისის მერი დავით ერემეიშვილი, სახელმწიფო რწმუნებული იმერეთში ლევან ზალკალიანი და ქუთაისის საკრებულოს თავმჯდომარე გიორგი ჭიღვარია გაეცნენ.

რუას ქუჩის აღნიშნულ მონაკვეთზე გასწორდა რელიეფი, ჩატარდა ბურღვითი სამუშაოები, განთავსდა ხიმინჯების ნაწილი, რომლებზეც მოეწყო ბეტონის დამცავი კედელი.   

პროექტის განსახორციელებლად სტიქიის ფონდიდან 1 365 211 ლარი გამოიყო.

სამშაბათს, 25 ნოემბერს, ჭიათურელი მაღაროელების 270-დღიანი უწყვეტი საპროტესტო აქციის მონაწილეები თბილისში, ჯანდაცვის სამინისტროსთან შეიკრიბებიან. აქცია 14:00 საათზე. 

,,ვმართავთ აქციას სწორედ იმ შენობის წინ, სადაც მიმდინარეობდა სამხრივი კომისიის შეხვედრები.

დღემდე არ გვაქვს პასუხი უმთავრეს კითხვაზე: რაზე შეთანხმდნენ და რას მოაწერეს ხელი, რის შედეგადაც ჭიათურის საწარმოებში დასაქმებული 3620 თანამშრომლიდან 2000 ადამიანი უმუშევარი დარჩა, ხოლო ამ 2000-დან 1050 დღესაც სამსახურში აღდგენის მოლოდინშია.

გვაინტერესებს: რას ითვალისწინებდა ის უკანონო რეორგანიზაცია, რომელიც „ჯორჯიან მანგანეზთან“ შეთანხმებით განხორციელა ჭიათურა მებწჯმენტ კომპანიმ?

რის ფასად უნდა აღმდგარიყო საწარმოო პროცესი — 2000 თანამშრომლის განთავისუფლების, რეპრესიების და მუშების დაკავებების ხარჯზე , რომელიც უკვე 7 თვეზე მეტია უსამართლო პატიმრობაში იმყოფებიან? 

როგორც მოქალაქეებსა და მუშებს, გვაინტერესებს ვიცოდეთ სიმართლე.

მოვითხოვთ პასუხს ყველა იმ კომპეტენტური პირისგან, ვინც ამ პროცესში მონაწილეობდა.,,-აღნიშნულ ინფორმაციას მაღაროელთა საინიციატივო ჯგუფი სოციალურ ქსელში ავრცელებს. 

48 წლის ქუთაისელი  ლია ასკურავა პირველი შვილის დედა გახდა. ქალბატონი უშვილობის 15 წელი ებრძოდა.

9 თვის მანძილზე პაციენტის ორსულობა კლინიკა ,,ბომონდის ,, მეან-გინეკოლოგმა, რეპროდუქტოლოგმა თეონა ლორთქიფანიძემ მართა.

პატარა სესილი სინატაშვილი დედასთან ერთად ბინაზე უკვე გაეწერა.

იმერეთის სატყეო სამსახურის თანამშრომლებმა, ზესტაფონის მუნიციპალიტეტში, სოფელ ბოსლევის სატყეო უბანზე, წითელი ნუსხით დაცული - წაბლის სახეობის უკანონო ჭრის ფაქტი გამოავლინეს. 

ადგილობრივმა სამართალდამღრვევმა 4 კუბური მეტრი პირველი ხარისხის სამასალე მერქანი უკანონოდ მოიპოვა. მიმდინარეობს გარემოზე მიყენებული ზაინის დაანგარიშება. ვინაიდან საქმე შეიცავს სისხლის-სამართლის დანაშაულის ნიშნებს, მასალები გადაგზავნილია შესაბამის საგამოძიებო უწყენაში, ხოლო უკანონოდ მოპოვებული სამასალე მერქანი, შემდგომი განკარგვის მიზნით, გადატანილია ზესტაფონის საქმიან ეზოში.

ქუთაისის სააპელაციო სასამართლოსთან, მოსამართლეების გადაწყვეტილების გამოცხადების შემდეგ, საპროტესტო აქცია ისევ იმართება.

მოქალაქეები,ჟურნალისტები,  სამოქალაქო აქტივისტები ერთხმად სკანდირებენ: ,,თავისუფლება მზიას,,  ,,ცეცხლი ოლიგარქიას,,  ,,რუსი ასამართლებს მზიას,,.

დღევანდელ პროცესს საქართველოს მეხუთე პრეზიდენტი, სალომე ზურაბიშვილი ესწრებოდა.

,,დღეს არავის არ ქონდა ის მოლოდინი, რომ ამ რეპრესიულ რეჟიმში სასამართლო იქნებოდა სამართლიანი. ჩემი სრული პატივისცემა მზიას,რომელმაც დღესაც გვიჩვენა ღირსება, მხნეობა, შემართება და დარწმუნებული ვარ,ასე გაივლის ამ ძალიან მძიმე დროს,,-სალომე ზურაბიშვილი. 

ფოტო სქრინი -ტელეკომპანია ,,მეგატვ-ის,, ლაივიდან.