18-19 ოქტომბერს ქალაქ წყალტუბოში ტრადიციული სახალხო დღესასწაული „შემოდგომის წყალტუბო-2025“ გაიმართება.

ღონისძიების ფარგლებში ქალაქის ცენტრალურ ნაწილში ჩატარდება სხვადასხვა კულტურული, სპორტული და გასართობი აქტივობები.

პროგრამას წყალტუბოს მუნიციპალიტეტის მერია ავრცელებს. პროგრამა მოიცავს თეატრალურ პერფორმანსებს, ღვინის დახურვის ცერემონიალს, კონცერტებს, საგანგებო სიტუაციების მართვისა და თავდაცვის ძალების ტექნიკის გამოფენებს.იქნება  შეხვედრა „წიგნების გმირებთან“ და  მოსწავლეთა პერფორმანსები.

ტრადიციულად გაიმართება საპატიო მოქალაქეების დაჯილდოების ცერემონია, დასახელდებიან ღვაწლმოსილი პედაგოგები, ხოლო სოციალურად დაუცველ 7 ოჯახს გადაეცემა სახლების გასაღებები.

18 ოქტომბერს  თერჯოლაში სახალხო დღესასწაული- ,,თერჯოლობა 2025“ გაიმართება. 

თერჯოლის მუნიციპალიტეტის მერია  სადღესასწაულო პროგრამას აქვეყნებს.აქტივობები დღის 12 საათზე დაიწყება და 18:00საათზე,ჯგუფ ,,ურსას,, სოლო კონცერტით დასრულდება. 

12:00 საათი- ლაშა გოგიაშვილის სახელობის ტურნირის ფინალი,გამარჯვებული გუნდების დაჯილდოება;

 ( მინი სტადიონი,რუსთაველის ქუჩა #109)

12:30 საათი-შემოქმედებითი კუთხეები, საგამოფენო სივრცე - ტურიზმის,ხელნაკეთი ნივთების,რეწვის ოსტატების, ნორჩ მხატვართა ნამუშევრების გამოფენები;

( მერიის მიმდებარე ტერიტორია)

13:00 საათი -მოსწავლე-ახალგაზრდების კონცერტი;

(ლაშა გოგიაშვილის სახელობის სკვერი,ამფითეატრი)

13:30 საათი-საზეიმო მსვლელობა თერჯოლის ქუჩებში ცხენოსნებითა და ფაიტონით,მეარღნის თანხლებით; 

14:00 საათი-ილუზიონისტის შოუ,სახის მოხატვა,ფერადი საპნის ბუშტების შოუ, ფოტო-ვიდეოს გადაღება Gifit აპარატით, მრავალფეროვანი ატრაქციონები;

( მერიის მიმდებარე ტერიტორია)

14:30 საათი-სამეწარმეო მაკეტი საუკეთესო ღვინის ძიება,იმერული სამზარეულო,ეთნოგრაფიული კუთხეები,საოჯახო მარნები,კულინარიული მასტერკლასები;

( მერიის მიმდებარე ტერიტორია)

15:00 საათი-კონცერტი ადგილობრივი შემოქმედებითი ანსამბლების მონაწილეობით;

( მერიის წინ)

16:00 საათი-საპატიო თერჯოლელების,საუკეთესო ღვინის და წარმატებული სპორტსმენების დაჯილდოება;

( მერიის წინ)

18:00 საათი- დასკვნითი გალა კონცერტი ,საზეიმო ფოიერვერკი!

( მერიის წინ)

დღეს, 13 ოქტომბრის დღის ბოლომდე საქართველოს უმეტეს რაიონში  წვიმა შენარჩუნდება. ,ზოგან შესაძლებელია იყოს ძლიერი, ელჭექი, დროგამოშვებით ქარის გაძლიერება, დღისით აღმოსავლეთ საქართველოში ზოგან შესაძლებელია სეტყვა, ზღვაზე 3-4 ბალიანი შტორმული ღელვა. 

მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანო მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ქუთაისი 24-25 ოქტომბერს ევროპის დღეებს უმასპინძლებს.

აქტივობები 24 ოქტომბერს, ველომსვლელობით დაიწყება .

ინფრასტრუქტურის მინისტრი რევაზ სოხაძეი ხარაგაულის მუნიციპალიტეტში,  სტიქიის შედეგად დაზიანებულ სოფელ ხემაღალასა და სოფელ ღვერკში იმყოფებოდა.

მინისტრი სოფელ ხემაღალაში სტიქიით დაზარალებულ მოსახლეობასაც შეხვდა და მოისმინა მათი საჭიროებები.

სოფელ ღვერკში რევაზ სოხაძემ მდინარე ყარნებაზე წყლის შეგუბებისა და ღვარცოფული პროცესების ლიკვიდაცია- პრევენციის სამუშაოები დამატებულია, რომელსაც საავტომობილო გზების დეპარტამენტი, მთავრობის დავალებით, აგვისტოდან ახორციელებს.

ხარაგაულის მუნიციპალიტეტმა პირველადი დახმარების მიზნით, 46 დაზარალებულ ოჯახზე ბიუჯეტიდან 87 200 ლარი გამოყო.ამჟამად სტიქიის ზონაში არ იმყოფება არცერთი ოჯახი.

მუნიციპელიტეტის დაკვეთით მომზადებულია სოფელ ხემაღალსა და სოფელ ღვერკის მეწყრული ფერდობის კომპლექსური საინჟინრო-გეოლოგიური კვლევის ანგარიში. როგორც კი გეოლოგიური კვლევის დასკვნა დაადასტურებს ტერიტორიის საიმედოობას, დაიწყება ინფრასტრუქტურული სამუშაოები — გზების, გაზიფიცირების, ახალი ელექტროქსელის მოწყობის და მუნიციპალური ტრანსპორტის დანიშვნისთვის.

შინაგან საქმეთა სამინისტრომ 4 ოქტომბერს, თბილისში განვითარებულ  მოვლენებთან დაკავშირებით კიდევ 9 პირი დააკავა. 

,,მიმდინარე გამოძიების ფარგლებში, ამ დროისთვის ჯამში დაკავებულია 45 პირი, რომელთა შორის არიან, როგორც აქციის ორგანიზატორები, ასევე, ის მონაწილეები, რომლებმაც კანონსაწინააღმდეგო და ძალადობრივი ქმედებები განახორციელეს.

საქართველოს შინაგან საქმეთა სამინისტროს თანამშრომლები აგრძელებენ შესაბამის საგამოძიებო მოქმედებებს, დანაშაულის ჩამდენი სხვა პირების იდენტიფიცირებისა და მათი სისხლისსამართლებრივ პასუხისგებაში მიცემის მიზნით.,,-საქართველოს შინაგან საქმეთა სამინისტრო.