ბაღდათის მუნიციპალიტეტის მერი კახა ენუქიძე, მერიის საფინანსო სამსახურის ხელმძღვანელ ლერი გუმბერიძესთან ერთად აშშ-სა და კანადის მთავრობის ფინანსურ ოფიცერთა ასოციაციის (GFOA) ყოველწლიურ ფინანსურ კონფერენციაში მონაწილეობს.

მერი და საფინანსო სამსახურის ხელმძღვანელი, აღნიშნულ კონფერენციას ვაშინგტონში ოფიციალურ დელეგაციასთან ერთად ესწრებიან.

აშშ-სა და კანადის მთავრობის, სახელმწიფო ფინანსების ოფიცერთა ასოციაცია, რომელიც 25 000-ზე მეტი წევრისგან შედგება, მასშტაბურ კონფერენციას ყოველწლიურად მართავს. 

კონფერენციის თემატიკა მოიცავს: ბუღალტრულ აღრიცხვას, აუდიტს და ფინანსურ ანგარიშებს, ბიუჯეტირებას და ფინანსურ დაგეგმვას, კაპიტალურ ფინანსებს, ვალის მართვას, ლიდერობას და მენეჯმენტს, პენსიებისა და სარგებლის ადმინისტრირებას, რისკების მართვასა და უსაფრთხოებას, ხაზინისა და საინვესტიციო მართვას.

ფინანსურ ოფიცერთა ასოციაციის კონფერენციის მიზანია, ასოციაციის წევრებისთვის გამოცდილების გაზიარება და პრაქტიკაში განხორციელება.

კონფერენცია ვაშინგტონში სამდღიან პანელურ დისკუსიებს და პრეზენტაციებს მოიცავს.

 2025 წლის I კვარტალში საქართველოში  ხელფასი გასული წლის შესაბამის პერიოდთან შედარებით 11.7%-ით (226.7 ლარით) გაიზარდა და 2 170.1 ლარი შეადგინა - მონაცემებს საქსტატი აქვეყნებს

"საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში:

საფინანსო და სადაზღვევო საქმიანობები – 5 515.1 ლარი (წინა წლის შესაბამის პერიოდთანშედარებით გაიზარდა 22.0 პროცენტით);

ინფორმაცია და კომუნიკაცია – 4 163.0 ლარი (გაიზარდა 5.2 პროცენტით);

პროფესიული, სამეცნიერო და ტექნიკური საქმიანობები – 2 975.7 ლარი (გაიზარდა 11.3პროცენტით);

მშენებლობა - 2 908.9 ლარი (გაიზარდა 10.8 პროცენტით)

2025 წლის I კვარტალში ქალების საშუალო ხელფასი 1 744.2 ლარი, ხოლო კაცების - 2 601.3 ლარი იყო. ხელფასების წლიურმა ზრდამ ქალებში 204.1 ლარი (13.3%) შეადგინა, ხოლო კაცებში - 258.0 ლარი (11.0%). საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ხელფასს.

2025 წლის I კვარტალში დაქირავებით დასაქმებულთა საშუალო თვიური ხელფასი ბიზნეს სექტორში 184.2 ლარით (9.3%) გაიზარდა და 2 169.6 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 255.4 ლარი, წინა წლის შესაბამის პერიოდთან შედარებით გაიზარდა 4.6 პროცენტით) და პროფესიული, სამეცნიერო და ტექნიკური საქმიანობების (3 402.5 ლარი, გაიზარდა 12.1 პროცენტით) სფეროებში.

2025 წლის I კვარტალში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 300.9 ლარით (16.1%) გაიზარდა და 2 170.9 ლარი შეადგინა. საქმიანობის სახეების მიხედვით შედარებით მაღალი საშუალო ხელფასი აქვთ საფინანსო და სადაზღვევო საქმიანობებში დასაქმებულებს.

საშუალო ხელფასის სიდიდის მიხედვით რეგიონებში ლიდერობს ქ. თბილისი და მცხეთა-მთიანეთი" | ნათქვამია საქსტატის მონაცემებში

 დღეიდან, ქუთაისსა და ლიონს შორის პირდაპირი რეგულარული ავიამიმოსვლა დაიწყო. 

ცოტა ხნის წინ, ქუთაისის საერთაშორისო აეროპორტიდან ავიაკომპანია Wizz Air-მა 130 მგზავრი საფრანგეთის ქალაქ ლიონის სენტ-ეგზიუპერის აეროპორტის მიმართულებით პირველი პირდაპირი ფრენა შეასრულა. ახალი მიმართულებით რეისები ქუთაისიდან კვირაში 2 სიხშირით, სამშაბათსა და შაბათს შესრულდება.

ქუთაისში ფაშიზმზე გამარჯვების დღე აღნიშნეს.

ადგილობრივი თვითმმართველობის ხელმძღვანელებმა გვირგვინით შეამკეს გმირთა მემორიალი, სასულიერო პირებმა კი, პანაშვიდი გადაუხადეს მეორე მსოფლიო ომში დაღუპულებს.

მეორე მსოფლიო ომის დასრულებიდან 80 წლისთავზე ქუთაისში მხოლოდ ორი ვეტერანი ცხოვრობს, რომლებმაც მთავრობისგან ფულადი ჯილდო მიიღეს.

ვეტერანებს ორესტი ბერულავას და გუგული სალუქვაძეს ხელისუფლების წარმომადგენლები სახლში ესტუმრნენ და გამარჯვების დღე მიულოცეს.

საქართველოს სტატისტიკის ეროვნული სამსახურის მიერ გამოქვეყნებული მონაცემების მიხედვით, 2024 წლის IV კვარტალში ქვეყანაში საშუალო თვიური ნომინალური ხელფასი 2 217.5 ლარს შეადგენდა, რაც წლიურ ჭრილში 8.5%-ით არის გაზრდილი. ეს თანხა წარმოადგენს მთლიან ხელფასს, რომელსაც საშემოსავლო გადასახადის 20% აკლდება, შესაბამისად ხელზე აღებული საშუალო მთლიანი ხელფასი 2024 წლის მეოთხე კვარტალში 1773 ლარს შეადგენდა.

რაც შეეხება სექტორების მიხედვით საშუალო ხელფასებს, მათ შორის პირველ ადგილს ინფორმაციისა და კომუნიკაციის სექტორი იკავებს, რომელიც IT სფეროსაც აერთიანებს. მეორე პოზიციაზეა საფინანსო სექტორი, მესამეზე კი მშენებლობის დარგი.

გენდერული სხვაობები ხელფასებში სქესის მიხედვით-2024 წლის IV კვარტალში ქალების საშუალო თვიური ხელფასი 1 778.5 ლარს, ხოლო კაცების – 2 653.8 ლარს შეადგენდა. წლიური ზრდა ქალებისთვის 10.7 პროცენტი (171.2 ლარი), ხოლო კაცებისთვის 7.7 პროცენტი (189.9 ლარი) იყო. აღსანიშნავია, რომ საქმიანობის ყველა კატეგორიაში კაცების საშუალო ხელფასი ქალებისას აჭარბებს.

რეგიონული სხვაობები ხელფასების მიხედვით- ლიდერობს თბილისი, სადაც საშუალო ხელფასი 2583 ლარია, ხოლო ბოლო ადგილზეა რაჭა-ლეჩხუმი და ქვემო სვანეთი 1060 ლარის საშუალო ხელფასით.

დასავლეთ საქართველოში არსებული დიდთოვლობის და უამინდობის, ასევე, ქუთაისის საერთაშორისო აეროპორტში ცუდი ხილვადობის გამო, აბუ-დაბი-ქუთაისის რეისი თბილისის საერთაშორისო აეროპორტმა მიიღო. მოგვიანებით ცარიელი ბორტი ქუთაისის აეროპორტში დაჯდა და რეისს დღეს, 18:00-ზე შეასრულებს. აღნიშნული რეისის ყველა მგზავრი სასტუმროში იქნება დაბინავებული.

 ქუთაისის საერთაშორისო აეროპორტიდან „შატლ ბასების“ მოძრაობა ქალაქის მიმართულებით 13:00 საათიდან აღდგება. ხოლო ორივე მიმართულებით მოძრაობა კი 15:00 საათიდან განახლდება.

,,ქუთაისის საერთაშორისო აეროპორტში ხორციელდება საჰაერო ხომალდის მოყინვის საწინააღმდეგო ყველა პროცედურა. ასევე, სპეციალური მოყინვის საწინააღმდეგო სითხით მუშავდება ასაფრენ-დასაფრენი ზოლი და სამიმოსვლო ბილიკები.