ქუთისისის მუნიციპალიტეტის საკრებულოს გადაწყვეტილებით, "საშტატო ნუსხის დამტკიცების, მერიის საჯარო მოსამსახურეთა და მერიის პოლიტიკური თანამდებობის პირების თანამდებობრივი სარგოების ოდენობის განსაზღვრის შესახებ“ დადგენილებაში ცვლილებები შევიდა.
ცვლილებები ბავშვთა უფლებების კოდექსის თანახმად ბავშვთა უფლებების დაცვის და მხარდაჭერის მუნიციპალურ სამსახურის ფორმირებას გულისხმობს.
აღნიშნულ საკითხს საკრებულოს 31-ე სხდომაზე მყოფმა ყველა წევრმა ერთხმად დაუჭირა მხარი.
ოპოზიცია კვლავ ბოიკოტის რეჟიმშია, დღევანდელ სხდომას არცერთი მათგანი ესწრებოდა.
"მერიის მუნიციპალიტეტის სოციალურ საკითხთა სამსახურში შეიქმნება ახალი მეორადი სტრუქტურული ერთეული. ეს იქნება ბავშვთა უფლებებისა და მხარდაჭერის განყოფილება, რომელიც მიმართული იქნება ბავშვების ზრუნვასა და მათი პრობლემების მოგვარებაზე. ეს მოვალეობები უშუალოდ ბავშვთა კოდექსით გვაქვს გაწერილი.
მომართვის საფუძველზე ბავშვებთან იმუშავებს მულტიდისციპლინარული გუნდი, რომელიც შედგება ფსიქოლოგებისგან, სოციალური მუშაკისგან, თერაპევტისა და სხვა პროფესიის წარმომადგენლებისგან, რომლებიც ბავშვთა პრობლემებზე იმუშავებენ'', - განმარტავს მერიის ქუთაისის მუნიციპალიტეტის მერიის სოციალურ. საკითხთა სამსახურის უფროსის მოვალეობის შემსრულებელი ფიქრია ხაჭაპურიძე.
