29 და 30 ოქტომბერს , ქუთაისის მუნიციპალიტეტის მერიის მხარდაჭერით, ქალაქი "IARE FEST - იარე ფესტივალს" უმასპინძლებს.
"იარე ფესტივალის" მოძრავი სცენა ამჯერად დაეთმობა ელექტრონული მუსიკის გამორჩეულ ქართველ არტისტებს: Jorjick, Petit Astronaute, L9, Lasha Guruli, Chikovani, Zapa, Luka, Soyl.
ფესტივალი ჩატარდება ქუთაისში, ვერიკო ანჯაფარიძის სკვერის მიმდებარედ, გრიშაშვილის ქუჩაზე.
დასაწყისი : 16:00 სთ.
დასწრება თავისუფალია.
"იარე ფესტივალი" 2020 წელს დაფუძნდა და ხელს უწყობს რეგიონებში ელექტრონული მუსიკის განვითარებასა და ახალგაზრდების ინტეგრაციას კულტურულ ღონისძიებებში.
ვარინკა მაჭავარიანი - წერეთლის სახელობის განახლებულმა თეატრონმა ხალხური და ლირიული სიმღერების ფესტივალს ,,სულიკო” უმასპინძლა.
საპილოტე რეგიონების ინტეგრირებული განვითარების პროგრამის ფარგლებში განახლებულ სივრცეში მსმენელთა წინაშე, იმერეთის რეგიონის მუსიკალური ანსამბლები და ინდივიდუალური შემსრულებლები წარდგნენ.
,,ევროკავშირის დაფინანსებით ჩვენ შევძელით სრული რეაბილიტაცია ჩაგვეტარებინა ზესტაფონის, სოფელ ცხრაწყაროში ამფითეატრისთვის, რომელიც დღეს მასპინძლობს ფესტივალს. აღნიშნული მუსიკალური ფესტივალი ოთხი ათეული წლის განმავლობაში იმართება ზესტაფონში. წელს მოგვეცა საშუალება და ფესტივალი საზოგადოებას ახალი ფორმატით წარვუდგინეთ, რაც აუცილებლად ხელს შეუწყობს გავიხსენოთ ძველი მივიწყებული სიმღერები და აღმოვაჩინოთ ახალი ტალანტები იმერეთში“- ზვიად შალამბერიძე.
ფესტივალი "სულიკო 2022" გრანპრის მფლობელი ზესტაფონის კულტურისა და შემოქმედების ცენტრთან არსებული სიმღერისა და ცეკვის ანსამბლი "ზესტაფონი" გახდა.
პირველი ადგილი - ხარაგაულის მუნიციპალიტეტი "ხარაგაულის ხმები";
მეორე ადგილი - საჩხერის მუნიციპალიტეტი ( ინდივიდუალური შემსრულებელი - ანანო სამხრაძე)
მესამე ადგილი - ბაღდადის მუნიციპალიტეტი ( დუეტი - თეონა ლომსიანიძე, ლევან ჟვანია)
ფესტივალის ფარგლებში დაწესებული ნომინაციები ასე გადანაწილდა:
ვარინკა მაჭავარიანი - წერეთლის სახელობის პრიზი - ხარაგაულის ანსამბლი "ოდილა".
მამუკა ასლანიკაშვილის (ფესტივალის დამაარსებელი) სახელობის პრიზი - ვანის მუნიციპალიტეტი.
ფესტივალს 1981 წელს ჩაეყარა საფუძველი და მიზანი ქართული ხალხური სიმღერის, ლირიული და ქართველ კომპოზიტორთა მიერ შექმნილი ქალაქური სიმღერების პოპულარიზაციაა.
დღესვე, ღონისძიების ფარგლებში იმერეთში სახელმწიფო რწმუნებულმა ზვიად შალამბერიძემ, საქართველოს რეგიონული განვითარების და ინფრასტრუქტურის მინისტრის მოადგილე მზია გიორგობიანთან და ზესტაფონის მერ ვასილ გველესიანთან ერთად, ვარინკა მაჭავარიანი - წერეთლის სახელობის სკვერში მდებარე ბიუსტი გვირგვინით შეამკო.
