იმერეთში კორონა ვირუსის 16 ახალი შემთხვევა დაფიქსირდა. 15 ქუთაისში, ერთი კი ტყიბულის მუნიციპალიტეტში. ახალი შემთხვევები 32-ე სკოლის კლასტერს უკავშირდება,მხოლოდ ერთი მათგანის ინფიცირების წყაროა უცნობი.

მონაცემები მედიას დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს უფროსმა მიაწოდა. გოჩა გიორგიძის ინფორმაციით, ქუთაისის ინფექციური საავადმყოფოს გარდა, ამიერიდან პაციენტებს კლინიკა ,,ბომონდიც,, მიიღებს. ინტენსიური კვლევები იმერეთში გრძელდება, მათ შორის უფასო პისიარ ტესტი კეთდება ცენტრალურ ბაღში დადგმულ კარავშიც. კარავი 17 საათამდე მუშაობს

საქართველოში კორონავირუსით ინფიცირების შემთხვევათა რაოდენობა 152-ით გაიზარდა და 2227 გახდა.  90 აუკავშირდება  აჭარას, 15 ქუთაისის 32-ე სკოლის შემთხვევაა, 15 -„ენგურჰესის“ , 17 დაავადებულთან კონტაქტი, 4 არის შემოტანილი  და 11-ის დაინფიცირებიოს წყარო უცნობია.

აჭარის ჯანდაცვის სამინისტროს ინფორმაციით, გასული 24 საათის განმავლობაში რეგიონში 2025 პისიარ ტესტი ჩატარდა.

რაც შეეხება გამოჯანმრთელებულთა რიცხვს,ვირუსი  კიდევ 6-მა  ადამიანმა დაამარცხა  . შესაბამისად, მათ რაოდენობა 1369-ს შეადგენს.

კორონავირუსის 158 ახალი დადასტურებული შემთხვევიდან  87 არის აჭარა, 28 არის სამეგრელო, 19 არის იმერეთი, 6-გურია და 18-თბილისი.ჯამში სულ 2075 ფაქტია დაფიქსირებული. აჭარის შემთხვევებიდან 22-ის დაინფიცირების წყარო უცნობია.

რაც შეეხება გამოჯანმრთელებულებს, მათი რაოდენობა 9-ით გაიზარდა და 1363-ს შეადგენს.

ორგანიზაციის შექმნის მიზანს სამედიცინო სფეროში დასაქმებულებთან მუშაობა და მათთვის შრომითი უფლებებისა და უსაფრთხოების საკითხების გაცნობა წარმოადგენს. მედიცინის მუშაკთა  პროფკავშირული ორგანიზაცია ასევე იზრუნებს, რომ სამედიცინო სფეროს წარმომადგენლები გაცვლით პროგრამებში ჩართონ.

მედიცინის მუშაკთა პროფესიული კავშირი ქვეყნის მასშტაბით 6000-მდე წევრს აერთიანებს.

იმერეთში სახელწიფო რწმუნებულის ინფორმაციით, ბოლო 24 საათში ქუთაისში 21 შემთხვევა დადასტურდა.

,,დღეს დაგვიფიქსირდა 21 ბოლო 24 საათში.გუშინ იყო 28. დინამიკა არის კლებადი, რაც მიუთითებს იმას,  რომ ვაკონტროლებთ სიტუაციას. აღსანიშნავია, რომ 2 შემთხვევა არის კარავში დადასტურებული, რომლებიც იყვნენ 32-ე  სკოლის კონტაქტები. ასევე დანარჩენი19 ყველა უკავშირდება 32-ე საჯარო  სკოლას. ესენი არიან ოჯახის წევრები და სხვა კონტაქტები .მე კიდევ ერთხელ მოვუწოდებ ჩვენს მოსახლეობას, თუ ვინმეს ქონდა კონტაქტი ინფიცირებულებთან, მობრძანდით დღეს კარავში და გაიარეთ ტესტირება.,,- განაცხადა ზვიად შალამბერიძემ

სახელმწიფო რწმუნებულმა ინტერვენციული მედიცინის ცენტრში დადასტურებულ შემთხვევაზეც გააკეთა კომენტარი.

,,ინტერვენციულის კლასტერი არ არსებობს, ინტერვენციულის ყველა თანამშრომელი გამოვიკვლიეთ და არც ერთს არ დაუდასტურდა ვირუსი,,-აღნიშნა ზვიად შალამბერიძემ.

ქუთაისის ცენტრში, სადაც სპეციალურ კარავში პისიარ ტესტირება კეთდება, რიგეებია. მოსახლეობა უფასო კვლევის გაკეთებას საკუთარი სურვილით აპირებს. თუმცა არის რამდენიმე კატეგორია, რომლებისთვისაც ტესტის გაკეთებაა რეკომენდირებული.

,,ეს გადაწყვეტილება მიღებულია იმიტომ, რომ უფრო ხელმისაწვდომი გავხადოთ ლაბორატორიული მომსახურეობა იმ ადამიანებისთვის, ვინც  კონტაქტში იმყოფებოდა დადასტურებულ შემთხვევებთან ან ბოლო პერიოდში მოგზაურობდა აჭარის რეგიონში.განსაკუთრებით  აჭარის რეგიონში ტურისტად მყოფ პედაგოგებზე გვაქვს აქცენტი გაკეთებული,,-აცხადებს გოჩა გიორგიძე, დაავადებათა კონტროლისა და საზოგადოებრივი ჯანმრთელობის ეროვნული ცენტრის იმერეთის სამმართველოს უფროსი