სავაჭრო ცენტრ ,,გრანდმოლთან,, ამ წუთებში აქცია მიმდინარეობს.ადმინისტრაცია და მოვაჭრეები  შრომის ინსპექციის გადაწყვეტილებას აპროტესტებენ.ინსპექციამ სავაჭრო ცენტრი  თერმოსკრინინგის დეტექტორ-მოწყობილობების არქონის გამო 10 ათასი ლარით დააჯარიმა.მოვაჭრეები ხელისუფლებას  ქმედითი ნაბიჯების გაგადგმისკენ მოუწოდებენ, ამბობენ, რომ ისინი ლუკმა-პურისთვის ვაჭრობენ და არ აქვთ შესაძლებლობა, ძვირიანი აპარატები შეიძინონ.სავაჭრო ცენტრმა მუშაობა შეწყვიტა.

,,გრანდმოლის,, მენეჯერი ნატო დანელია შერჩევით სამართალზე საუბრობს და ამბობს,რომ არც ერთ მაღაზიას მსგავსი ძვირადღირებული აპარატი არ აქვს.დანელია პოლიტიკურ ანგარიშსწორებას ვარაუდობს.

უკვე მესამე დღეა ქუთაისში ძლიერი ქარია. სტიქიამ ქალაქის სხვადასხვა ლოკაციაზე  პრობლემები შექმნა. მე-14, მე-19 საჯარო სკოლებთან და ტაბიძის ქუჩაზე ხეები მოტყდა, რის გამოც გადაადგილების პრობლემა შეიქმნა. ააიპ „სპეციალური სერვისების“ საზოგადოებასთან ურთიერთობის სამსახურის ხელმძღვანელი გიორგი მჟავანაძე, ჩვენთან საუბრისას აღნიშნავს, რომ  ამუშავებულია ცხელი ხაზი- 595035853 ,სადაც მოსახლეობას შეუძლია დაკავშირება. 

რიგიდან ქუთაისის მიმართულებით და პირიქით, რეგულარული რეისები განახლდა.პირველი რეისი ხანგრძლივი შესვენების შემდეგ ქუთაისის საერთაშორისო აეროპორტმა ცოტა ხნის წინ მიიღო.

 6 თვიანი პაუზის შემდეგ, რიგა-ქუთაისი-რიგას მიმართულებით პირველი რეგულარული ავიარეისი დღეს შესრულდა. ევროპის უმსხვილესი უნგრული დაბალბიუჯეტიანი ავიაკომპანია Wizz Air, პირველ ეტაპზე, ფრენებს მხოლოდ რიგა-ქუთაისი-რიგას საჰაერო ხაზზე კვირაში ერთი სიხშირით შეასრულებს.

პ.ს.ფოტოები აეროპორტიდან სააგენტოს ონისე მელქაძემ მოაწოდა.

მორიგი ონლაინ პრესკონფერნცია დასავლეთ საქართველოში მოქმედი ჟურნალისტების მონაწილეობით  პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით” ფარგლებში  გაიმართა. მედიის წარმომადგენლებს სამიზნე მუნიციპალიტეტებში ჩატარებული მეორე მონიტორინგის კვლევის შედეგები გააცნეს (იმერეთის რეგიონში: ხონის, ვანის, თერჯოლისა და ბაღდათის მუნიციპალიტეტები; გურიის რეგიონში: ოზურგეთის და ლანჩხუთის მუნიციპალიტეტები; რაჭა-ლეჩხუმის რეგიონში: ამბროლაურის და ცაგერის მუნიციპალიტეტები).

     კვლევა მიზნად ისახავდა სამიზნე მუნიციპალიტეტებში ჩატარებული პირველი მონიტორინგის შემდეგ მიღწეული პროგრესის შეფასებას, შესაბამისი ახალი რეკომენდაციების შემუშავებასა და ადგილობრივი თვითმმართველობებისათვის მიწოდებას.

მონიტორინგის შედეგად თითოეული მუნიციპალიტეტისათვის სამივე მიმართულებით შემუშავდა რეკომენდაციები.

         პრეს-კონფერენციაში მონაწილეობა მიიღეს კულტურულ-ჰუმანიტარული ფონდ „სოხუმის“, მეწარმე ქალთა ფონდისა და იმერეთის მხარის მეცნიერთა კავშირ „სპექტრის“ წარმომადგენლები.

ჟურნალისტებმა მონიტორინგის შედეგებთან დაკავშირებით დასვეს კითხვები და ამომწურავი პასუხები მიიღეს.

„ვითხოვთ სრულფასოვან განათლებას“-ამ ლოზუნგით დღეს ლეიბორისტული პარტიის ახალგაზრდული ფრთის წევრებმა აკ. წერეთლის სახელმწიფო უნივერსიტეტის წინ აქცია გამართეს. ისინი განათლების სამინისტროსგან აუდიტორიებში სწავლის დაწყებას ითხოვენ. აქციის მონაწილეების განცხადებით, 2250 ლარს უხარისხო განათლების მიღებაში იხდიან. ამბობენ რომ განათლების სამინისტროს დაპირების, რომ სწავლა 19 ოქტომბერს დაიწყება.

ასევე, აღნიშნეს, რომ უნივერსიტეტის ლექტორები და სკოლის პედაგოგები არჩევნების სააგიტაციო პროცესებში ყავთ ჩართული, მათ რესურს ამ მხრივ ხარჯავენ და არ უნდათ რომ მათი ეს რესურსი მოახმარონ სწავლას.