ხარაგაულის უბისის წმინდა გიორგის სახელობის მამათა მონასტრის მრევლი ტაძრიდან მეუფე მელქისედეკის მიერ მივლენილი, მათი თქმით, საეჭვო რეპუტაციის, სოდომის ცოდვაში ეჭვმიტანილი სასულიერო პირების განრიდებას ითხოვს.
მრევლმა ეკლესიის კარზე ბანერები გააკრა წარწერით "უბისის მონასტერს და სოფელ განგვარიდეთ მეუფე მელქისედეკის მიერ მოყვანილი საეჭვო რეპუტაციის მქონე სასულიერო პირები"
მათი განცხადებით , სამი კვირის წინ მეუფე მელქისედეკმა ნაჩქარევად აკურთხა ორი ბერი და უბისის ეკლესიაში მიავლინა. ამ სასულიერო პირების საეჭვო რეპუტაციის გამო ეკლესიიდან წავიდა არქიმანდრიტი მაკარი გოცაძე. აქციის მონაწილეები მოითხოვენ, საპატრიარქოს კომისიის ჩართულობას და ამბობენ,რომ სანამ ბერები მონასტერს არ დატოვებენ, უბისის ეკლესიაში წირვა არ ჩატარდება.
