დიდთოვლობის გამო საავტომობილო გზებზე, გაწმენდითი სამუშაოები ინტენსიურ რეჟიმში მიმდინარეობს. დღეს დილიდან უკვე აღდგა მისაბმელიანი ავტოტრანსპორტის მოძრაობა საავტომობილო გზების უმეტეს ნაწილზე. თუმცა, ინტენსიური თოვის, ლიპყინულისა და ზვავსაშიშროების გამო, ცალკეულ მონაკვეთებზე ისევ რჩება გარკვეული სახის შეზღუდვები, კერძოდ:

საქართველოს მთავრობის ადმინისტრაციის რეგიონული პოლიტიკისა და კოორდინაციის სამსახურის ხელმძღვანელმა კონსტანტინე ანანიაშვილმა, უამინდობით გამოწვეული შეფერხებებისა და პრობლემების შესახებ სახელმწიფო რწმუნებულებისგან დეტალური ინფორმაცია მოისმინა. ვიდეოკონფერენციისას გუბერნატორებმა უხვი ნალექის გამო რეგიონებში შექმნილ მდგომარეობაზე ისაუბრეს. კონკრეტულად, იმერეთში 5 მუნიციპალიტეტში დაფიქსირდა მცირე პრობლემები და შესაბამისი ღონისძიებები მყისიერად გატარდა.

ბაღდათის მუნიციპალიტეტში საპროტესტო აქცია გაიმართა,ადგილობრივები ამბობენ, რომ ექვსი სოფელი ხიდის გარეშე დარჩა.

,,დავდივართ ამ ხიდით,  ვსარგებლობთ, ბავშვები გვყავს, რაიონში დავდივართ. სამსახურიდან რომ მოვედი, ხიდი დამხვდა დანგრეული.რატომ დაანგრიეს ისე, რომ ახალი არ გააკეთეს არ ვიცი.სათადარიგო მაინც გაეკეთებინათ, რომ საფეხმავლოდ გადაადგილება შეგვძლებოდა,,- ამბობს სოფელ ხიდისთავის მცხოვრები ხვიჩა ხიზანეიშვილი.

აქციის მონაწილეების თქმით,  ხიდთან ერთად დაზიანდა სასმელი წყლის ცენტრალური მილი და ორი დღეა წყალი არ მიეწოდებათ. ასევე შეფერხებულია მაღაზიების პროდუქტით მომარაგება.

მოსახლეობა საფეხმავლო ხიდის დაუყოვნებლივ გაკეთებას ითხოვს.

,,ეს ხიდი ავარიული იყო , ხიდი სამუშაოების დროს დაზიანდა , ნაწილი ჩაინგრა.გამოყოფილია დაფინანსება, ტენდერის შედეგად შერჩეულია კომპანია, რომელიც აწარმოებს სამუშაოებს.კვირის ბოლომდე საფეხმავლო ხიდი აღდგება, ასევე აღდგება წყალმომარაგება. არც ერთი სოფელი არ არის მოწყვეტილი გარესამყაროს , უკავშირდებიან სოფელ დიმის გავლით  ქალაქ ბაღდათს ,, -განაცხადა არჩილ გოგსაძემ, ბაღდათის მუნიციპალიტეტის მერმა.

მორიგი ვანდალური ფაქტი საფიჩხიის სასაფლაოზე- ექიმ კაკო ბურჯანაძის,  მისი მეუღლისა და შვილის ბრინჯაოს ბიუსტები,  რომლებიც ცნობილი მოქანდაკეების მიერ იყო შესრულებული, მოიპარეს.

 მომხდარის შესახებ ოჯახის ნათესავს ინფორმაცია საფლავის მომვლელმა კვირას მიაწოდა ,მან კი სამართალდამცავ ორგანოს მიმართა. 

ეს პირველი შემთხვევა არ არის, როცა საფიჩხიის სასაფლაო გაიძარცვა.

შ.პ.ს. ,,ქართულ ტრადიციებში,, აცხადებენ, რომ რამდენიმე თვის განმავლობაში შპს ,,ქართული ტრადიციები 2011“-ში ზეპირი, სატელეფონო, ან წერილობითი ფორმის შეტყობინება სასაფლაოს გაქურდვის ფაქტზე არ შესულა. სოციალურ ქსელში გააქტიურებული ფაქტიდან გამომდინარე , რომელიც კაკო ბურჯანაძის საფლავიდან ბიუსტის უნებართვოდ აღების და გატანის ფაქტს შეეხებოდა, შპს ,,ქართული ტრადიციები 2011“ -ის წარმომადგენელი ესაუბრა ოჯახის ჭირისუფალს და დაზარალებულის თქმით, საქმე აღძრულია და იძიებს შსს-ს მე-2 განყოფილება.

ააიპ“სპეციალური სერვისები“ მუშაობის საგანგებო რეჟიმზე გადადის. მიზეზი უამინდობაა.. ააიპ ,,სპეციალური სერვისების,, საზოგადოებასთან ურთიერთობის სამსახურის ხელმძღვანელის თქმით, მობილიზებულია თოვლის გამწმენდი სპეც ტექნიკა და ინერტული მასალა  - დაახლოებით 60 ტონა მარილი.  

 გიორგი მჟავანაძე ამბობს ,რომ სამსახური მთელი ქალაქის მასშტაბით  მონიტრონგს აწარმოებს და სჭიროების შემთხვევაში მოხდება გზების გაწმენდა

დღეს საქართველოს მთელ ტერიტორიაზე  მოთოვს, დროგამოშვებით შესაძლებელია ძლიერად .იქროლებს დასავლეთის მიმართულების ქარი 10-15 მ/წმ, შესაძლებელია ქარბუქი და ნისლი. ჰაერის ტემპერატურა ღამის საათებში -5, -7 დღის საათებში 0, -2°C.