საკოორდინაციო საბჭოს გადაწყვეტილებით ,შაბათ-კვირას მთელი ქვვეყნის ტერიტორიაზე ,მათ შორის ქუთაისში არ იმუშავებს ტრანსპორტი.ასევე დღეს და ხვალ დაკეტილი იქნება სავაჭრო მოლები,ბაზრობები და მაღაზიები.

ქუთაისში ტრანსპორტის  და ბაზრობების მუშაობა  8 თებერვალს აღდგა,ხოლო სავაჭრო ცენტრები და მოლები 1 თებერვალს გაიხსნა.

13-14 თებერვალს საქართველოში, ძირითადად დასავლეთ საქართველოში, შიდა ქართლში, ქვეყნის მთიან და მაღალმთიან რეგიონებში, მოსალოდნელია წვიმა, მაღალმთაში თოვლი, ზოგან ძლიერი. იქროლებს დასავლეთის მიმართულების ძლიერი ქარი, მაღალ მთაში ქარბუქი და ზღვაზე 5-6 ბალიანი ღელვა.

 ,,ევროპა ჩვენი სახლია,, ბელარუსში მიმდინარე პოლიტიკურ პროცესებს ეხმაურება და იმ ადამიანებს,რომლებიც ლუკაშენკოს ხელისუფლებამ საპროტესტო აქციების შემდეგ დააკავა,სოლიდარობას უცხადებს.დაკავებულთა შორის ორი ჟურნალისტია-ეკატერინე ანდრეევა და დარია ჩულცოვა.დღეს არასამთავრობო  ორგანიზაციის წარმომადგენლებმა სოლიდარობის აქცია გამართეს.

''დაპატიმრებულია ასობით ადამიანი.არბევენ აქციებს.ჩვენ მხარდაჭერას და სოლიდარობას ვუცხადებთ ბელარუს ხალხს,რომლებიც იბრძვიან, რომ მათი ქვეყანა იყოს დემოკრატიული და თავიაუფალი''-ამბობს თორნიკე  ბარათაშვილი, ''ევროპა ჩვენი სახლიას" ერთ-ერთი დამფუძნებელი .

"დღევანდელი აქცია არის სოლიდარობის გამოხატვა ბელარუსელი ხალხის ბრძოლისადმი,რომელიც უკვე 6 თვეა ეწევა უკომპრომისო ბრძოლას დიქტატორ ლუკაშენკოს წინააღმდეგ .ეს არის დიქტატორი,რომელიც ციხეში სვამს არა მარტო პოლიტიკურ ოპონენტებს,არამედ ჟურნალისტებსაც" -ამბობს გია გოქაძე,"ევროპა ჩვენი სახლიას" ერთ-ერთი დამფუძნებელი .

შეგახსენებთ,ბელარუსში მოსახლეობა საპრეზიდენტო არჩევნების შედეგებს მეშვიდე თვეა აპროტესტებს.ოფიციალური მონაცემებით,არჩევნებში ალექსანდრ ლუკაშენკომ გაიმარჯვა,რასაც არ ეთანხმება საზოგადოების გარკვეული ნაწილი.ისინი არჩევნების შედეგებს არ ცნობენ და გაყალბებულად მიიჩნევენ.

საქნახშირის ადმინისტრაციამ გაფიცული მეშახტეების პროტესტზე განცხადება გაავრცელა.

N4 ნახშირმომპოვებელი უბნის თანამშრომლები გაურკვეველი მიზეზით, უარს აცხადებენ შახტიდან ამოსვლაზე, რამაც გამოიწვია უსაფრთხოების წესების უხეში დარღვევა და ავარიული სიტუაცია. ინციდენტის დაწყების მომენტიდან კომპანია შეეცადა, გაერკვია მომხდარის მიზეზი, რის შემდეგაც იკვეთება, რომ, სავარაუდოდ, აღნიშნული შესაძლებელია უკავშირდებოდეს N4 ნახშირმომპოვებელი უბნის მუშაობის იანვრის თვის შედეგების შეჯამებას.

როგორც ტყიბულის მერმა თემურ ჩუბინიძემ განაცხადა, ძიძიგურის სახელობის შახტის თანამშრომლები უკვე ორი დღეა შახტიდან არ ამოდიან და ხელფასების მომატებას ითხოვენ. მათთან მოლაპარაკებაზე ადმინისტრაციისა და მერიის წარმომადგენლები იმყოფებიან.

,,არა პოლიციელების თვითნებობას,, ,,არა ადვოკატების დევნას,, ,,სოლიდარობა ადვოკატ შოთა თუთბერიძეს,,-დღეს ქუთაისში ადვოკატების საპროტესტო აქცია გაიმართა. ადვოკატებმა სოლიდარობა კოლეგას გამოუცხადეს, რომელსაც, როგორც  განაცხადეს, არ მისცეს მისი დაცვის ქვეშ მყოფ პირთან კომუნიკაციის უფლება და რამდენიმე საათით დააკავეს კიდეც. ფაქტი მიმდინარე წლის 8 თებერვალს მოხდა. 

,,ვაპროტესტებთ იმ ფაქტს, რომ ჩვენი კოლეგა ფაქტობრივად დაკავებული იყო პოლიციის მიერ და არ მიეცა უფლება განეხორციელებინა თავისი საქმიანობა.,,-განაცხადა ადვოკატმა დალი სულაქველიძემ.

,,ჩვენი კოლეგა ადვოკატი თავისი საადვოკატო მოვალეობის შესრულების დროს.მას ხელი შეეშალა საპატრულოს პოლიციელების მიერ და არ მიეცა დაცვის განხორციელების უფლება.უშუალოდ ჩვენს კოლეგას აღუკვეთეს თავისუფლება და არ მიეცა გადაადგილების შესაძლებლობა. მას ვუცხადებთ სოლიდარობას.,, განაცხადა ადვოკატმა რიონი ჭეიშვილმა.