2022 წლის იანვრიდან 70 წლამდე პირთა პენსია 260 ლარი, 70 წლის და მეტი ასაკის პირთათვის კი 300 ლარი იქნება..ამის შესახებ პრემიერ- მინისტრმა 2021 წლის 6 დეკემბრის მთავრობის სხდომაზე განაცხადა.

ინტენსიური თოვის გამო, შიდასახელმწიფოებრივი მნიშვნელობის ქუთაისი-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, საჩხერე-ონის საავტომობილო გზაზე და გომი-საჩხერე-ჭიათურა-ზესტაფონის საავტომობილო გზის კმ18-კმ40 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

ბაღდათის მუნიციპალიტეტმა საპილოტე რეგიონების ინტეგრირებული განვითარების პროგრამის ფარგლებში წარდგენილი პროექტის „ბაღდათის მუნიციპალიტეტში საოჯახო ღვინის მარნებთან მისასვლელი გზების რეაბილიტაციის“  განსახორციელებლად   დაფინანსება მოიპოვა  .

ქუთაისში, გაზგასამართი სადგურის  მიმდებარედ ორი მსუბუქი ავტომობილი ერთმანეთს შეეჯახა. შეჯახების შედეგად ერთ-ერთი ავტომობილი დაიწვა. როგორც თვითმხილველები აცხადებენ, ერთი ავტომობილო მაღალი სიჩქარით მოძრაობდა. შემთხვევის შედეგად არავინ დაშავებულა. ადგილზე  საპატრულო პოლიციის და სამაშველო სამსახურის ჯგუფები არიან მობილიზებული.

წყალტუბოს მუნიციპალიტეტის სოფელ მაღლაკში მგელმა სამი ადამიანი დაკბინა. შემთხვევა გუშინ მოხდა. არსებული ინფორმაციით, მგელი ფერმის ტერიტორიაზე შეიჭრა და ადგილზე მყოფებს თავს დაესხა.  დაშავებულები ქუთაისის რეფერალურ ჰოსპიტალში არიან გადაყვანილი. როგორც კლინიკის ექიმი ზურაბ წულაია აცხადებს, პაციენტებს დაზიანებები სახის არესა და ზედა კიდურებზე აქვთ. მათ ჩაუტარდათ ქირურგიული დამუშავება. გაუკეთდათ ანტიტეტანური და ანტირაბიული იმუნიზაცია. მდგომარეობა დამაკმაყოფილებელია. დაშავებულთაგან ერთი ქალი და ორი მამაკაცია.

დღეს, 30 დეკემბერს, ქუთაისში, პრემიერ- მინისტრის ინიციატივის ფარგლებში, მთელი დღის მანძილზე  საახალწლო ღონისძიებები გაიმართება.