გადაწყვეტილება მიღებული გვაქვს უფრო განვითარდეს მუნიციპალური ტრანსპორტი, ამაში კი ევროკავშირი დაგვეხმარება, - ამის შესახებ ქუთაისის მერმა იოსებ ხახალეიშვილმა "ფეისბუქის" ოფიციალურ გვერდზე ლაივ-ჩართვისას განაცხადა.

კორონავირუსის გავრცელების პრევენციის მიზნით ჟვანიას სკოლის პროექტის ,,დისკუსიები Covid19-ის შესახებ ექიმ-ალერგოლოგ ბიძინა კულუმბეგოვთან ერთად“ მორიგი შეხვედრა საგარეჯოსა და ლაგოდეხის მუნიციპალიტეტებში გაიმართა.

რა როლი აკისრია თითოეულ მოქალაქეს გლობალური პანდემიის დამარცხების პროცესში და რატომ არის აუცილებელი იმუნიზაციის პროცესის დაჩქარება - ამ და სხვა მნიშვნელოვანი საკითხების შესახებ ინფორმაცია სკოლის ბენეფიციარებმა და ადგილობრივმა მოსახლეობამ ექიმ-ალერგოლოგ ბიძინა კულუმბეგოვისგან მოისმინეს.

აღნიშნულ პროექტს ჟვანიას სკოლა სახელმწიფო ენის სწავლებისა და ინტეგრაციის პროგრამის ფარგლებში შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან თანამშრომლობით ახორციელებს.

ღონისძიებას სახელმწიფო მინისტრის აპარატის სამოქალაქო ინტეგრაციის სამმართველოს უფროსი ელისო ლომიძე და სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი დაესწრნენ.

იმერეთში სახელმწიფო რწმუნებულმა ზვიად შალამბერიძემ, რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, ვანის მერმა ალექსანდრე გოგორიშვილმა, გერმანიის რეკონსტრუქციის ბანკის (KFW) და გაერთიანებული წყალმომარაგების კომპანიის დირექტორის მოადგილემ ირაკლი ნაფეტვარიძემ, მუნიციპალიტეტში არსებული წყალმომარაგების სისტემის სათავე-ნაგებობა დაათვალიერეს და ახალი პროექტის განხორციელებაზე ისაუბრეს.

კახა ჩხეტიანის ქუთაისის "ტორპედოს" მწვრთნელის თანამდებობიდან გათავისუფლებას პარტია "საქართველოსთვის" წევრი,ქუთაისის მერობის ყოფილი კანდიდატი გიორგი გოგუაძე ეხმაურება.

"ბოლო რამდენიმე თვის მანძილზე ბევრი ადამიანი გავიცანი, მათ შორის კახა ჩხეტიანი ყველაზე თავმდაბალი, გულწრფელი, შრომისმოყვარე და გულიანი კაცია. ქუთაისის "ტორპედო" მის წინაშე უდიდეს ვალშია, დღეს კი პოლიტიკური ნიშნით კლუბიდან გაუშვა მმართველობამ. ღირსეული ადამიანები ქალაქს და მათ გარემოს მაინც გახდიან უკეთესს, მიუხედავად მსგავსი წინააღმდეგობებისა."-წერს გოგუაძე სოციალურ ქსელში.

შეგახსენებთ, კახა ჩხეტიანი დღეს გაათავისუფლეს ,მიზეზად "ტორპედოს" სატურნირო მდგომარეობა და ბოლო პერიოდში გუნდის მიერ ნაჩვენები შედეგები დასახელდა.

კახა ჩხეტიანი პარტია "საქართველოსთვის"სახელით ქუთაისის საკრებულოში მოსახვედრად იბრძოდა.ის პროპორციულ სიაში იყო.

 შინაგან საქმეთა სამინისტროში ქუთაისის მერიის წინ 4 ადამიანის დაკავებას  ადასტურებენ.აქტივისტები ადმინისტრაციული წესით დააკავეს.

ქუთაისში, ცენტრალურ მოედანზე არსებული შადრევნის რეაბილიტაცია  დაიწყო.