რამდეიმე საათის წინ, 45-დან 50 წლამდე მამაკაცი მოსწავლე-ახალგაზრდობის პარკის მიმდებარედ ჩამომხრჩვალი იპოვეს. 

 ზესტაფონის მუნიციპალიტეტმა კვირეულის ფარგლებში, ქალთა დღესასწაულების აღსანიშნავად ფოტოგამოფენა - კონკურსი მოაწყო ,,პანდემია ჩვენს ცხოვრებაში". ფოტოკონკურსში 14 - 29 წლის ასაკის ფოტომოყვარულები იღებდნენ მონაწილეობას, რომელთა ნამუშევრები მსოფლიო გლობალურ პანდემიას ასახავდა. ფოტონამუშევრებს შორის, 5 საუკეთესო ფოტოს ავტორი შეირჩა, რომელთაც ფულადი ჯილდო და სიგელები იმერეთში სახელმწიფო რწმუნებულმა ზვიად შალამბერიძემ და ზესტაფონის მერმა გიორგი გოგლიჩიძემ გადასცეს.

,,ყველა დედას მინდა მივულოცო დღევანდელი დღე, განსაკუთრებით იმ ადამიანებს ვისი შვილებიც შეეწირნენ საქართველოს ერთიანობისთვის ბრძოლას, ასევე ვულოცავ ყველა იმ დედას ვინც იბრძვის თავიანთი შვილების სიცოცხლის გადასარჩენად. საინტერესო ღონისძიებებით შეხვდა ზოგადად იმერეთი დედის დღეს. ძალიან კარგი ფოტოგამოფენა გაიმართა ზესტაფონში, კონკრეტულად ეს იყო პანდემიასთან დაკავშირებული, თუ როგორ ხედავენ ახალგაზრდები დღევანდელ რეალობაში პანდემიით გამოწვეულ სირთულეებს. კონკურსის შედეგად 5 საუკეთესო ფოტო შეირჩა და ავტორებს სიგელები და ფულადი ჯილდოები გადაეცათ" - ზვიად შალამბერიძე.

ფოტოკონკურსის მიზანი, ფოტოგრაფიის პოპულარიზაცია ახალგაზრდებში, მოყვარული ფოტოგრაფების გამოვლენა და მათი სტიმულირებაა. დღესვე, ხელისუფლების წარმომადგენლებმა დედის დღე მიულოცეს კორონავირუსის წინააღმდეგ ბრძოლაში ჩართულ ექიმებს და სიმბოლური საჩუქრები გადასცეს. კვირეულს, ბაკურ სულაკაურის გამომცემლობაც შეუერთა. 3 და 4 მარტს, მერიის მიმდებარე ტერიტორიაზე, გამომცემლობის მოძრავი მაღაზია, წიგნების პრეზენტაციას, გამოფენა - გაყიდვას, სხვადასხვა სახის გათამაშებებს, ფასდაკლებებს და დატვირთული სანახაობის მოწყობას გეგმავს. ღონისძიების მიზანია პანდემიური მდგომარეობის მიუხედავად, გამომცემლობამ არ გაწყვიტოს აქტიური ურთიერთობა და კომუნიკაცია მკითხველთან, იზრუნოს მათი კომფორტისა და საყვარელი წიგნის ხელმისაწვდომობაზე. 

ქუთაისის მუნიციპალიტეტის საკრებულოს თავმჯდომარემ ირაკლი შენგელიამ დედის დღე საპატრულო პოლიციის თანამშრომელს მიულოცა და ყვავილები და სასაჩუქრე ნობათები გადაეცა . თამარ ნიქაბაძე შინაგან საქმეთა სამინისტროში ცხრა წელია მსახურობს და ის სამი შვილის დედაა.

დღესვე საკრებულოს წარმომადგენლებმა დედის დღე კლინიკა ,,ელჯი და კომპანიის,, თანამშრომლებს მიულოცეს და ყვავილები გადასცეს.ასევე  სასაჩუქრე ნობათი და ყვავილები გადაეცა  ინფექციონისტ ლელა ჭეიშვილს , რომელიც მრავალშვილიანი დედაა. 

ქუთაისის მერი იოსებ ხახალეიშვილი, დედის დღესთან დაკავშირებით, საქართველოს ტერიტორიული მთლიანობისთვის ბრძოლაში დაღუპული ქუთაისელი მებრძოლების დედებს შეხვდა. ქალბატონების- ლილი კერვალიშვილის, ნელი მჭედლიძე-ნიკიტინის და ციალა ჯაილოვას შვილები 2008 წლის აგვისტოს ომში გმირულად დაიღუპნენ.

" დედის დღეს ვულოცავ ყველა დედას და განსაკუთრებულად დედებს, რომლებმაც ყველაზე ძვირფასი- შვილების სიცოცხლე შესწირეს სამშობლოს. ამ ქალბატონების შვილების , ჩვენი თანაქალაქელი გმირების ხსოვნას ჩვენ ყოველთვის სათანადო პატივს მივაგებთ. მხნეობა მინდა ვუსურვო დედებს, მშვიდობიან და წარმატებულ საქართველოში გვეცხოვროს!"- განაცხადა იოსებ ხახალეიშვილმა. ქალაქის მერმა გმირების დედებს სამახსოვრო საჩუქრები გადასცა.

,,ადამიანის უფლებების სწავლებისა და მონიტორინგის ცენტრის,, წარმომადგენლები ნამახვანჰესთან დაკავშირებით ინფორმაციას ავრცელებენ.

,,ჩვენი შეფასებით, სახელმწიფოსა და კომპანიას შორის დადებული შეთანხმება მნიშვნელოვანი რისკების შემცველია. ის არსებითად თმობს სახელმწიფო ინტერესებს კერძო კომპანიის სასარგებლოდ, რაც ნამახვანჰესის მშენებლობით გამოწვეულ მნიშვნელოვან ზიანთან და საფრთხეებთან ერთად, საერთოდ კითხვის ნიშნის ქვეშ აყენებს მის ეკონომიკურ სარგებლიანობას და როლს ქვეყნის ენერგოუსაფრთხოებაში.,,-აცხადებენ „ადამიანის უფლებების სწავლებისა და მონიტორინგის ცენტრის“ (EMC) წარმომადგენლები.

ორგანიზაციის შეფასებით, ხელშეკრულების ანალიზი აჩვენებს, რომ კომპანია საქართველოს ბუნებრივ რესურსს  ფაქტობრივად უსასყიდლოდ ითვისებს და არ იღებს ვალდებულებას, ენერგიის რეალიზება მოხდეს შიდა ბაზარზე, რაც აბათილებს ქვეყნის ენერგო-უსაფრთხოების თუ ეკონომიკური სარგებლის არგუმენტებსაც კი.

EMC მიიჩნევს, რომ სახელმწიფოსა და კომპანიას შორის დადებული შეთანხმება მნიშვნელოვანი რისკების შემცველია, რამდენადაც ის არსებითად თმობს სახელმწიფო ინტერესებს კერძო კომპანიის სასარგებლოდ, რაც ნამახვანჰესის მშენებლობით გამოწვეულ მნიშვნელოვან ზიანთან და საფრთხეებთან ერთად, საერთოდ კითხვის ნიშნის ქვეშ აყენებს მის ეკონომიკურ სარგებლიანობას და როლს ქვეყნის ენერგოუსაფრთხოებაში.  

დეტალურად გაეცანით https://bit.ly/3bamoCu

დედის დღედ 3მარტი 30 წლის წინ,საქართველოს პირველი პრეზიდენტის,ზვიად გამსახურდიას ინიციატივით დაწესდა. საქართველოს უზენაესმა საბჭომ  პრეზიდენტის გადაწყვეტილება 1991 წელს დაამტკიცა.

ზვიად გამსახურდიას გადაწყვეტილებით, დედის დღეს საქართველოში ქალთა საერთაშორისო დღე – 8 მარტი უნდა ჩაენაცვლებინა.3 მარტი  უქმე დღეა.