წელს ერთ-ერთი მთავარი პროექტი იქნება სამუშაო ადგილების შექმნის საკითხი. ჩვენ შევქმნით ათიათასობით ახალ სამუშაო ადგილს, - ამის შესახებ საქართველოს პრემიერ-მინისტრმა მთავრობის სხდომაზე განაცხადა.
როგორც მთავრობის მეთაურმა აღნიშნა, მისი ინიციატივით უკვე დაიწყო საზოგადოებრივი სამუშაო ადგილების შექმნაზე მუშაობა.
„მინდა ვთქვა, რომ წელს ერთ-ერთი მთავარი პროექტი იქნება სამუშაო ადგილების საკითხი. მოგეხსენებათ, რომ ჩვენი მთავარი ამოცანაა სიღარიბის შემცირება და სამუშაო ადგილების შექმნა, ამ მიზნით, შეგახსენებთ, რომ ჩემი ინიციატივით დავიწყეთ მუშაობა საზოგადოებრივი სამუშაო ადგილების შექმნის თაობაზე, ლევან დავითაშვილის ხელმძღვანელობით ჯგუფი იყო წასული ევროპაში და ევროპის რამდენიმე ქვეყნის მაგალითი დაამუშავეს და ჩვენ უკვე ვიწყებთ იანვრიდან ამ პროექტს. ჩვენ შევქმნით ათი ათასობით ახალ სამუშაო ადგილს. ჩვენ უნდა შევცვალოთ არსებული სოციალური პოლიტიკა და მოსახლეობას უნდა შევუქმნათ სამუშაო ადგილები და შევამციროთ სიღარიბე. ეს უნდა იყოს ჩვენი მთავარი საზრუნავი ამ წელს. მომავალი სამი წელი, მოგეხსენებათ, რომ არჩევნები არ იქნება ქვეყანაში. პოლიტიკური სიტუაცია არის მნიშვნელოვნად გაუმჯობესებული და დასტაბულირებული და ჩვენ ახლა უნდა ვიმუშაოთ - საქმე, საქმე და საქმე! მხოლოდ საქმეზე უნდა ვიფიქროთ და მოსახლეობას უნდა დავეხმაროთ მაქსიმალურად,“ - განაცხადა ღარიბაშვილმა.
დღეს 14 საათზე ქუთაისის მუნიციპალიტეტის საკრებულოს სხდომა უნდა გაიმართოს,სადაც 2022 წლის ბიუჯეტი უნდა დამტკიცდეს.სხდომას კორონავირუსის დადასტურების გამო ორი დეპუტატი ონლაინ დაესწრება.ეს დეპუტატები არიან მერაბ ჭოხონელიძე და ბექა ქებულაძე.
დილით ბიუროს სხდომაზე კვორუმი ვერ შეიკრიბა ,რის გამოც ერთი დეპუტატი სხდომათა დარბაზში დისტანციურად სახლიდან ჩაერთო.
აღნიშნული გადაწყვეტილების გამო საკრებულოს ფრაქცია "ნაციონალური მოძრაობის" წევრმა, გიგა შუშანიამ ბიუროს სხდომა პროტესტის ნიშნად დატოვა.
დეპუტატის ონლაინ დასწრებასთან დაკავშირებით განცხადებას ავრცელებს.
"უსაფრთხოების ნორმების შესაბამისად, ქუთაისის მუნიციპალიტეტის საკრებულოს უმრავლესობის ყველა დეპუტატს გავლილი აქვს PCR ტესტირება უკანასკნელი 48 საათის განმავლობაში. ამასთან, ქუთაისის მუნიციპალიტეტის საკრებულოს რეგლამენტი, ობიექტური გარემოების არსებობის შემთხვევაში, ითვალისწინებს საკრებულოს წევრების მიერ საკრებულოს სხდომებში ონლაინ მონაწილეობის საშუალებას.
აღნიშნული ცვლილება რეგლამენტში შევიდა სწორედ ახალი კორონავირუსის გავრცელების შემდეგ. აღნიშნულ საკითხთან დაკავშირებით ნებისმიერი სპეკულაცია ემსახურება ინსტიტუციის საქმიანობის ხელის შეშლის და მოქალაქეთა შეცდომაში შეყვანის მიზანს. სამწუხაროა, რომ დღეს საკრებულოში გვყავს წევრები, რომლებსაც, მინიმალური მგრძნობელობა და კოლეგიალობა არ გააჩნიათ, ინფიცირებული კოლეგების მიმართ. მეტიც, ადამიანების ჯანმრთელობაზე პოლიტიკური სპეკულაციები არის ამორალური, ჰუმანიზმისგან დაცლილი პოლიტიკური ძალის სახე. ქუთაისის მუნიციპალიტეტის საკრებულოს სახელით, ვუსურვებ ჯანმრთელობას საკრებულოს თითოეულ დეპუტატს, კოვიდინფიცირებულ წევრებს კი, დაავადების გართულებების გარეშე, მალე დამარცხებას."-აცხადებს ირაკლო შენგელია.
