დღეს  13:00  საათზე , ქუთაისში, მესხიშვილის თეატრის წინ,  დედების და შვილების აქცია გაიმართება

. დავიცვათ ჩვენი შვილების ევროპული მომავალი! ნუ წავართმევთ მათ იმ შესაძლებლობას, რაც ჩვენ არ გვქონია! კი ევროპას,არა რუსეთს- აცხადებენ ორგანიზატორები. 

ქუთაისში, საპროტესტო აქციაზე დაპირისპირება იყო.სამოქალაქო აქტივისტები და მოქალაქეები  "ქართული ოცნების" ოფისთან არიან შეკრებილები.

სამართალდამცავებმა სავარაუდოდ, რამდენიმე პირი დააკავეს.დაზუსტებული ინფორმაციით,დაკავებულია სამოქალაქო აქტივისტი მიხეილ მუმლაძე.

დაკავებულის მეუღლის ინფორმაციით,მიხეილ მუმლაძე ნაცემია

დღეს,28 ნოემბერს, 20:00 საათზე ,ქუთაისში საპროტესტო აქცია გაიმართება .

სამოქალაქო აქტივისტები და მოსახლეობა ,,ქართული ოცნების,, ოფისთან ირაკლი კობახიძის განაცხადებას გააპროტესტებს.

,,კი ევროპას,არა რუსეთს"-ამ მოწოდებით ქუთაისლები მმართველი პარტიის გადაწყვეტილებას გააპროტესტებენ. 

"დღეს მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკებების გახსნის საკითხი.ასევე 2028 წლის ბოლომდე უარს ვამბობთ ყოველგვარ საბიუჯეტო გრანტზე ევროკავშირის მხრიდან" -განაცხადა დღეს პრემიერმა კობახიძემ. 

ხონის მუნიციპალიტეტში უხვმა ნალექმა პრობლემები შექმნა.

ბარის ზონის სოფლებში ( ნახახულევი, კონტუათი, საწულუკიძეო, ქუტირი, ივანდიდი, პატარა ჯიხაიში, გოჩა- ჯიხაიში, გუბი, კუხი, ) დაიტბორა საკარმიდამო ნაკვეთები, საგზაო ინფრასტრუქტურა, 80- მდე ოჯახს წყალმა პირველი სართულები და სარდაფები დაუზიანა. 

ადმინისტრაციული ერთეულების უმეტეს ნაწილსა და ქალაქის გარკვეულ უბნებს ელექტრო ენერგია არ მიეწოდება. (მერიის ცხელი ხაზი : 595 33 25 44)

საცხოვრებელი სახლების ეზოები და სახნავ სათესი სავარგულები დაიტბორა სამტრედიის მუნიციპალიტეტშიც.

 თოვლმა და უხვმა ნალექმა, პრობლემები შექმნა ქალაქ ზესტაფონის უბნებსა და რიგ სოფლებში.

ზესტაფონის მუნიციპალიტეტის მერიის ინფორმაციით, აღმაშენებელის ქუჩის დასასრულს (ე.წ. გვირაბი) არსებული, პრობლემური, ტერიტორია ამ დროისთვის უხვი ნალექისგან გათავისუფლებულია.

 ჭიათურის მუნიციპალიტეტში მოსულმა ძლიერმა თოვლმა ქალაქსა და სოფლებში  პრობლემები შექმნა.

ჭიათურასა და 60- ვე სოფლის მოსახლეობას დილიდან არ მიეწოდებოდა ელექტროენერგია.მუნიციპალიტეტში ჩაიკეტა მისასვლელი გზები.

ამ ეტაპზე მიმდინარეობს გზების გაწმენდითი სამუშაოები. ნაწილობრივ აღდგა ელექტროენერგიის მიწოდება.

ძლიერი წვიმის შედეგად ბაღდათის მუნიციპალიტეტის სოფელ ვარციხეში საცხოვრებელი სახლების ეზოები და სახნავ სათესი სავარგულები დაიტბორა.

უხვმა ნალექმა დააზიანა ასევე, სოფელ წითელხევში ჭალისა და დევიძეების უბანში შიდა საუბნო გზა.აღნიშნული გზა მეწყრულ ტერიტორიას ეკუთვნის და მას გამაგრებითი სამუშაოები რამდენჯერმე ჩაუტარდა. 

სოფელს აქვს შემოვლითი გზა და მოსახლეობა ს შეუძლია ალტერნატიული გზით ისარგებლონ.

ბაღდათის მუნიციპალიტეტის მერია დილიდან საგანგებო რეჟიმში მუშაობს, მერი, მერის მოადგილეები, საკრებულოს თავმჯდომარე, ინფრასტრუქტურის სამსახური და მერის წარმომადგენლები ტერიტორიულ ერთეულებში მოსახლეობას შესაბამის დახმარებას უწევენ. მიმდინარეობს ზარალის დათვლა.

იმერეთში უხვი ნალექის შედეგად შექმნილი პრობლემების მოგვარების მიზნით შესაბამისი სამუშაოები აქტიურად მიმდინარეობს. ზემო იმერეთში იწმინდება გზები თოვლის საფარისგან. მაღალმთიან სოფლებში მოსული უხვი თოვლის გამო მოქალაქეებს გადაადგილება ჰქონდათ შეზღუდული. 

მუშაობს სპეციალური ტექნიკა, როგორც მუნიციპალიტეტებში ასევე სოფლების მიმართულებით.

ძლიერი წვიმის შედეგად ქუთაისში, წყალტუბოში, ვანში, ბაღდათში, თერჯოლაში, ზესტაფონსა და სამტრედიაში დაიტბორა ქუჩები, საკარმიდამო ნაკვეთები და ეზოები, სასოფლო-სამეურნეო სავარგულები და 40-მდე საცხოვრებელი სახლის პირველი სართულები.

უხვი ნალექის შედეგად მეწყრული პროცესები განვითარდა ვანში, სამტრედიაში, ბაღდათსა და ქუთაისში.

უხვმა ნალექმა და უამინდობამ იმერეთში გარკვეული პრობლემები შექმნა ელექტრო ენერგიის მიწოდების კუთხითაც. სპეციალური ჯგუფები მთ,ელი დღის განმავლობაში მუშაობენ, რათა დროულად მოხდეს პრობლემის აღმოფხვრა. 

რეგიონში ელექტრო ენერგია ამ ეტაპზე არ მიეწოდება 70 680 აბონენტს.