თერჯოლის მუნიციპალიტეტის  სოფელ გოდოგანში ადგილობრივებმა დღეს უგზოობა გააპროტესტეს.

 მოსახლეობის თქმით, სოფელში არჩევნები მმართველმა გუნდმა წააგო, ამიტომ ხელისუფლება მათ ოპოზიციური განწყობის გამო სჯის და 2,5 კილომეტრიან მონაკვეთს არ აკეთებს. მოსახლეობის თქმით, უგზოობიის გამო სოფელში არც ავტობუსები დადის და ვერც სასწრაფო  დახმარების ბრიგადა მიდის გამოძახებაზე.წვიმიან ამინდში კი გზა სრულად გაუვალია.

აქციას "სტრატეგია აღმაშენებლის" წარმომადგენლებიც შეურთდნენ.

ლეიბორისტული პარტიის ახალგაზრდული ფრთის წევრებმა მწვანე ყვავილას ქუჩაზე თვითნებური ნაგავსაყრელის არსებობა გააპროტესტეს. ისინი მდინარე რიონის დაბინძურებაზე საუბრობენ და აცხადებენ, რომ მწვანე ყვავილას ქუჩაზე მსგავსი ნაგავსაყრელები რამდენიმეა. ახალგაზრდა ლეიბორისტები ერთ-ერთ ასეთ ნაგავსაყრელთან  ტრანსფარანტებით შეიკრიბნენ. მათ ხელისუფლებას ნაგვის ურნების დასადგმელად და სიტუაციის გამოსასწორებლად 2 კვირიანი ვადა მისცეს.

,, ჩვენ ვაგრძელებთ კამპანიას ,,შეარცხვინე,, რომელიც მიზნად ისახავს ქუთაისის ტერიტორიაზე წლობით არსებული დაბინძურებული ტერიტორიების აღმოჩენას და ამ პრობლემების აღმოფხვრას. ერთ-ერთი მათგანი ვიპოვეთ აქ, მწვანე ყვავილას ქუჩაზე, სადაც მდინარეში იყრება უამრავი ნაგავი და აქაურობა დგას ეკოლოგიური კატასტროფის წინაშე.ეს გამოწვეულია იქედან, რომ ამ ტერიტორიაზე არ დგას ერთი ნაგვის ურნაც კი. მერიას ვაძლევთ 2 კვირიან ვადას, დაასუფთაონ ტერიტორია და დადგან ურნები. აქედან მივდივართ მერიაში, სადაც წერილობით შევიტანთ განცხადებას,,- განაცხადა გაგი ახალაძემ, ახალგაზრდა ლეიბორისტების ხელმძღვანელმა

დღეს ქალაქ წყალტუბოში, გვიშტიბის დასახლებაში 140 დევნილ ოჯახს საცხოვრებელი ბინები გადაეცა.ცერემონიალში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე,  ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, იმერეთში სახელმწიფო რწმუნებული ზვიად შალამბერიძე და მუნიციპალური განვითარების ფონდის აღმასრულებელი დირექტორთან გიორგი შენგელია მონაწილეობდნენ.

,, დევნილი მოსახლეობა არის ჩვენი ტკივილი.ჩვენთვის ძალიან მნიშვნელოვანია, მშვიდობიანი გზით დავიბრუნოთ დაკარგული ტერიტორიები და დავიბრუნოთ თქვენი სახლ-კარი, თქვენი მშბლიური მამული.ასევე ჩვენთვის მნიშვნელოვანია ამ მდგომარეობაში შეგიქმნათ მაქსიმალური კომფორტული საცხოვრებელი პირობები. მიუხედავად პანდემიისა, არ ვანელებთ ტემპს და ვახერხებთ დევნილი მოსახლეობითვის გავაუმჯობესოთ საცხოვრებელი პირობები. წლის  ბოლომდე კიდევ დავბრუნდებით იმერეთში, როცა 400 ოჯახს, ისევ ამ ტერიტორიაზე, შემდეგ 6 კორპუსში გადავცემთ ბინებს. ,,-განაცხადა ეკატერინე ტიკარაძემ

,, თქვენ ხართ ის ადამიანები, ვისაც ძალიან ბევრი ტკივილის და რთული დღეების გამოვლა მოუწია. ასევე  ბევრი წელი მოგიწიათ რთულ პირობებში ყოფნა თქვენს ოჯახებთან ერთად. სწორედ ამიტომ არის მნიშნელოვანი , გაგიუმჯობესოთ ცხოვრება და ოდნავ  მაინც შეგიმსუბუქოთ ის ტკივილიდა პირობები, რომელიც გაქვთ. დღეს ამ 140 ბინის გადაცემა რეალურად ნიშნავს 140 ოჯახისთვის ღირსეული პირობების შექმნას.   21 ათასი დევნილისთვის მოხდა პირობების მაქსიმალურად გაუმჯობესება. ინფრასტრუქტურის სამინისტროსაც 2 წელია, რაც გვაქვს საშუალება, რომ შევუერთდეთ ჯანდაცვის სამინისტროს ამ რთულ ამოცანაში და ჩვენ დავიწყეთ დაახლოებით 150 მილიონი ლარის პროგრამა, რომელიც გულისხმობს 2 240 ახალი ბინის მშენებლობას. ეს 140 ბინა არის ამ პროგრამის ნაწილი ,,- განაცხადა მაია ცქიტიშვილმა

,,საქართველოს პატრიოტთა ალიანსის,, ლიდერები დღეს ქუთაისში იმყოფებოდნენ . ირმა ინაშვილი და დავით თარხან მოურავი იმერეთის ახალგაზრდობის ერთ ნაწილს ბაგრატის ტაძრის ეზოში შეხვდნენ. ამ აქტივობით პარტიამ საარჩევნო კამპანია დაიწყო. დღესვე თარხან მოურავმა განცხადება გააკეთა და უარყო ონფორმაცია, რომ სახელმწიფო აუდიტის სამსახურმა ,,პატრიოტთა ალიანსის,, დაფინანსების კანონიერების ფაქტზე მოკვლევა დაიწყო.

 გუშინ განცხადება საქართველოს პროკურატურამაც  გაავრცელა, რომლის თანახმად, პროკურატურამ „საქართველოს პატრიოტთა ალიანსი“-ს დაფინანსების კანონიერების ფაქტზე შესული განცხადება შემდგომი რეაგირებისთვის სახელმწიფო აუდიტის სამსახურს გადაუგზავნა.

ამ დროის მონაცემებით, 2020 წლის 31 ოქტომბრის არჩევნებში მონაწილეობის მისარებად რეგისტრაცია 59 პარტიამ გაიარა. პოლიტიკურ სუბიექტებს განაცხადების შეტანა  4 სექტემბრამდე შეუძლიათ. ცენტრალურ საარჩევნო კომისიაში დღეს  საინფორმაციო ბრიფინგი გაიმართა. ცესკოს პრეს-სპიკერმა განაცხადა , რომ   სხდომაზე დამტკიცდა საქართველოს პარლამენტის არჩევნების ღონისძიებათა გრაფიკი, რომელიც დეტალურად ასახავს არჩევნებთან დაკავშირებულ აქტივობებსა და შესაბამის ვადებს.

საარჩევნო ადმინისტრაცია, მათ შორის ცესკო და 73 საოლქო საარჩევნო კომისია უზრუნველყოფს საქართველოს პარლამენტის არჩევნების ორგანიზებას 3 657 საარჩევნო უბანზე. ასევე , ავღანეთში განლაგებული საქართველოს შეიარაღებული ძალების სამშვიდობო ბატალიონებში მოსამსახურე საქართველოს მოქალაქეებისთვის შეიქმნება 2 - ბაგრამისა და მაზარი შარიფის საარჩევნო უბნები.

პარტია ოცდაათივე ოლქში საკუთარ კანდიდატურას წარადგენს.