საარჩევნო უბნებზე ხალხმრავლობაა.მოქალაქეები საკუთარი არჩევანის დასაფიქსირებლად რიგში დგანან.საპარლამენტო არჩევნებთან ერთად დღეს ქუთაისში ქალაქის მერის არჩევნები ტარდება.
2020 წლის 31 ოქტომბრის საქართველოს პარლამენტის არჩევნებისთვის რეგისტრირებულია 48 საერთაშორისო და 120 ადგილობრივი სადამკვირვებლო ორგანიზაცია.
10 საათის მონაცემებით საკუთარი არჩევანი 11154 ამომრჩეველმა დააფიქსირა , რაც 7,2 %-ია.
"ქართული ოცნება - დემოკრატიული საქართველოს“ ქუთაისის მერობის კანდიდატმა იოსებ ხახალეიშვილმა ხმა მე-40 საარჩევნო უბანზე მისცა.ის უბანზე ოჯახთან ერთად იმყოფებოდა.
როგორც იოსებ ხახალეიშვილმა ჟურნალისტებთან განაცხადა, ხმა მისცა სიმშვიდეს, სტაბილურობას და განვითრაებას.
"ჩემი არჩევანია სიმშვიდე, სტაბილურობა, განვითარება, ჩემი ქვეყნის ეროვნული იდეა - განათლება. ჩემი არჩევანია ჩემი ქალაქის მოყვარული ადამიანები, საზოგადოების ჩართულობა და დემოკრატია, ბიზნესის, ტურიზმის, კულტურის ხელშეწყობა ინფრასტუქტურული განახლება, ქუთაისური იდეალებისა და ურთიერთობების აღდგენა! ქალაქი, რომელიც ახალგაზრდობის არჩევანი იქნება, სადაც მომავალი თაობა მიიღებს ყველაფერს, რაც დასჭირდება ბედნიერი ცხოვრებისათვის.
და აქვე თითოეულ მოქალაქეს და თითოეულ ქუთაისელს მოვუწოდებ, მიდით საარჩევნო უბნებზე და დააფიქსირეთ თქვენი არჩევანი, თქვენი ხმა გადამწყვეტია", - განაცხადა იოსებ ხახალეიშვილმა.
