22 კანდიდატი ვიბრძოდით ქუთაისის მაჟორიტარობისთვის და შესაბამისად დადგა მეორე ტურის აუცილებლობა, ვემზადებით მეორე ტურისთვის და გამარჯვებისთვის-ამის შესახებ ,,ქართული ოცნების" ქუთაისის მაჟორიტარობის კანდიდატმა ზაზა ლომინაძემ განაცხადა. პირველადი მონაცემებით არჩევნების პირველ ტურში მან 40.51% მიიღო.

"ქართული ოცნება - დემოკრატიული საქართველოს" ქუთაისის მერობის კანდიდატი იოსებ ხახალეიშვილი დარწმუნებულია, რომ ქუთაისი მეორე ტურში ღირსეულ არჩევანს გააკეთებს.

,,ევროპული საქართველოს,, ქუთაისის მაჟორიტარი დეპუტატობის კანდიდატი არჩევნების პირველად შედეგებს ეხმაურება.ოთარ კახიძე განცხადებას ფეისბუქგვედზე ავრცელებს.

,,ისევ მოსყიდვა, დაშინება, კრიმინალების და ადმინისტრაციული რესურსის გამოყენება. 

ეს არ არის თავისუფალი არჩევნები და ამომრჩევლის ნების თავისუფალი გამოვლენა. 

მაჟორიტარულ ოლქებში არჩევნების მეორე ტური არჩევნებიდან მესამე შაბათს - 21 ნოემბერს ჩატარდება და მასში მაჟორიტარობის ის ორი კანდიდატი მიიღებს მონაწილეობას, ვინც პირველ ტურში სხვებზე მეტ ხმას მოიპოვებს.

ამ დროის მონაცემებით, საქართველოს მასშტაბით არსებული 30 მაჟორიტარული ოლქიდან მეორე ტური გაიმართება თბილისის 8-ვე ოლქში, ასევე რეგიონების 6 ოლქში,მათ შორის ქუთაისშიც.

პარლამენტში 150 დეპუტატს შორის 120 პროპორციული, 30 კი მაჟორიტარული წესით არჩეული იქნება.

ქუთაისის 59 საოლქო საარჩევნო კომისიამ 130 -ვე უბნის ხმა დათვალა. ამ წუთებში ოლქების მონაცემების დაჯამება მიმდინარეობს და პარალელურად ცესკოს გვერდზე იტვირთება. წინასწარი მონაცემებით, პარტია ქართულმა ოცნებამ 41,58%, ნაციონალურმა მოძრაობამ 29,72 პროცენტი აიღო. გიორგი ვაშაძე -სტრატეგია აღმაშენებელი 6,65%,  ევროპული საქართველო 3,81, გირჩი 3,09; ლელო - 2,99, პატრიოტთა ალიანსი - 2,52 ალეკო ელისაშვილი მოქალაქეები - 1,17. რაც შეეხება მაჟორიტარებს, ამ მონაცემებით ქუთაისში მეორე ტური იქნება . ,,ქართული ოცნების,, მაჟორიტარობის კანდიდატმა ზაზა ლომინაძემ 40,51%, ხოლო ,,ერთიანი ნაციონალური მოძრაობის,, კანდიდატმა გრიგოლ ვაშაძემ 36,14 % აიღო. მერობის კანდიდატებს შორის კი ხმები ასე გადანაწილდა - ,,ქართული ოცნებიდან ,, იოსებ ხახალეიშვილმა 46,10% აიღო, ,,ნაციონალური მოძრაობიდან,,გრიგოლ შუშანიამ კი 31,47%.

საარჩევნო უბნები ქვეყნის მასშტაბით  8 საათზე დაუხურა.ქუთაისში ხმა 73 813 ამომრჩეველმა მისცა,რაც საერთო რაოდენობია 47,62 პროცენტია.59- ე საოლქო საარჩევნო კომისიაში სულ 18 საჩივარი დაიწერა,ძირითადად პროცედურული ხასიათის.

ქუთაისში ძირითადი საარჩევნო 123 უბანი და 7 სპეც. უბანი ფუნქციონირებდა,აქედან ერთი სასჯელაღსრულების დაწესებულებაში.