ხვალიდან ქუთაისის ახლად არჩეული მერი იოსებ ხახალეიშვილი საქმიანობას შეუდგება. როგორც მერიის იურისტმა, ირაკლი გიორგაძემ განაცხადა, მერი თანამდებობას საოლქო საარჩევნო კომისიის მიერ შემაჯამებელი ოქმის შედგენიდან მე-11 დღეს იკავებს.საოლქო საარჩევნო კომისიაში შემაჯამებელი ოქმი 29 ნოემბერს შედგა, ხვალიდან კი  9 დეკემბერიდან ქალაქს ახალი პირველი პირი ეყოლება.

რაც შეეხება მერის მოვალეობის შემსრულებელს, ხვალიდან დავით ერემეიშვილი კვლავ პირველი მოადგილის პოზიციას დაუბრუნდება.

ქუთაისის მუნიციპალიტეტის საკრებულო აუტისტური სპექტრის მქონე ბავშვების სერვისით უზრუნველყოფის პროგრამის ირგვლივ არსებულ დისკუსიას ეხმაურება

„ქუთაისის მუნიციპალიტეტის საკრებულოს პოზიცია აუტისტური სპექტრის მქონე ბავშვების სერვისით უზრუნველყოფის პროგრამის შესახებ არის ერთიანი და აღნიშნული პროგრამის უწყვეტობა შენარჩუნებული იქნება როგორც არსებული, ასევე მომლოდინე ბენეფიციარებისთვის“ - აცხადებს ქუთაისის საკრებულოს თავმჯდომარის მოვალეობის შემსრულებელი ირაკლი შენგელია.

 „მინდა გამოვეხმაურო აუტისტური სპექტრის მქონე ბავშვების სერვისით უზრუნველყოფის პროგრამის ირგვლივ ბოლო დღეების განმავლობაში საზოგადოებაში გაჩენილ კითხვებს და დისკუსიას. ქუთაისის მუნიციპალიტეტის საკრებულოს, როგორც წარმომადგენლობითი ორგანოს და ქალაქის ბიუჯეტის დამტკიცებაზე პასუხისმგებელი ინსტიტუციის, ამ ორგანოს წევრების სახელით მინდა განვაცხადო, რომ აუტისტური სპექტრის მქონე ბავშვების სერვისით უზრუნველყოფის პროგრამის უწყვეტობა შენარჩუნებული იქნება როგორც არსებული, ასევე მომლოდინე ბენეფიციარებისთვის. მუნიციპალური პროგრამის ფარგლებში აუტისტური სპექტრის მქონე ბავშვების თერაპიის კურსი კი სრულად დაიფარება. აღნიშნულ საკითხთან დაკავშირებით საკრებულოს უმრავლესობის დამოკიდებულება არის ერთიანი და ჩემი მხრიდან ეს პოზიცია მკაფიოდ და ხაზგასმით გაჟღერდა სერვისის მიმწოდებლებთან და აუტისტური სპექტრის მქონე ბავშვების მშობლებთან გამართულ საკონსულტაციო შეხვედრაზე.,,-წერია გავრცელებულ განცხადებაში

გარემოს დაცვისა და სოფლის მეურნეობის მინისტრის,  გაცხადებით, საქართველოს მთავრობამ მიიღო გადაწყვეტილება პირველი ხარისხის ხორბლის ფქვილი დაასუბსიდიროს. როგორც ლევან დავითაშვილმა    განაცხადა, პურზე ფასის ზრდა მოსალოდნელი არ არის.განცხადება მინისტრმა მთავრობის ადმინისტრაციაში გამართულ ბრიფინგზე გააკეთა

„ არაერთხელ ვთქვით იმის შესახებ, რომ პური განსაკუთრებული სტრატეგიული პროდუქტია, გვესმის, რომ მოსახლეობის სოციალური მდგომარეობა საკმაოდ მძიმეა, იმ ეკონომიკური პრობლემებიდან გამომდინარე, რასაც კორონავირუსი იწვევს გლობალურად და მათ შორის, ჩვენ ქვეყანაში. მუდმივი მუშაობა გვქონდა და შეხვედრები მწარმოებლებთან. საქართველოს მთავრობამ მიიღო გადაწყვეტილება ხორბლის ფქვილის, საუბარია პირველი ხარისხის ხორბლის ფქვილის სუბსიდირებაზე, იმგვარად, რომ ჩვენ შევინარჩუნოთ ის ფასები, რომელიც აგვაცილებს თავიდან პურის ფასის გაძვირებას.

პროგრამა ამოქმედდება მომავალი კვირიდან, შესაბამისად, მოსახლეობას მინდა სრული პასუხისმგებლობით განვუცხადო, რომ პურზე ფასი არ გაიზრდება, პროგრამა კი 4 თვის განმავლობაში იმოქმედებს, 11 მარტამდე. შემდგომში ჩვენ დავაკვირდებით როგორი სიტუაცია იქნება საერთაშორისო ბაზრებზე“,-განაცხადა ლევან დავითაშვილმა

მინისტრის თქმით , ქვეყანაში ხორბლის მარაგები საკმარისია.

სახელმწიფო პირველი ხარისხის ფქვილის სუბსიდირებაზე დაახლოებით 10 მილიონ ლარს დახარჯავს.  50 კილოგრამიან ტომარაზე მთავრობის მხრიდან სუბსიდია მაქსიმუმ 10 ლარი იქნება .

„ფასი განვსაზღვრეთ ფიქსირებული 53 ლარით. წისქვილებისთვის არის პირობა, რომ ამ ფასზე მეტად არ გაყიდიან პირველი ხარისხის ფქვილს, რომელიც პურის ცხობაში გამოიყენება. 53 ლარი იქნება ფქვილის 50 კილოგრამიანი ტომრის ფასი. სახელმწიფო სუბსიდია იქნება ტომარაზე არაუმეტეს 10 ლარისა. წისქვილები სხვადასხვა ფასს შემოგვთავაზებენ, გარკვეული კონკურენციაც იქნება, რომ სახელმწიფოს ნაკლები თანხა დაუჯდეს და შედეგი იგივე მივიღოთ, რომ პურის ფასი არ გაიზარდოს. დაახლოებითი ბიუჯეტი შეფასებულია, რომ თვეში 2-2.5 მილიონი ლარია და დაახლოებით მთელი პროგრამის ბიუჯეტი 10 მილიონი ლარია“,-აღნიშნა ლევან დავითაშვილმა

იმერეთში ბოლო 24 საათში კორონავირუსის 793 შემთხვევა დაფიქსირდა.იმერეთშისახელმწიფო  რწმუნებულის ინფორმაციით,მატება არის ზოგადად მუნიციპალიტეტში,თუმცა 793 შემთხვევიდან მეტი წილი ქუთაისზე მოდის.

ზვიად შალამბერიძემ კლინიკებზეც ისაუბრა.,,კლინიკებში გვაქვს ხოლმე დაყოვნება,თუმცა ყველა ადამიანი,ვინც საჭიროა მოთავსდეს საავადმყოფოში ,თავსდება,,-განაცხადა გუბერნატორმა.

ზვიად შალამბერიძის თქმით,ტესტი ყველა იმ ადამიანს უკეთდება,ვისაც ჭირდება.იქნება ეს პისიარ  კვლევა თუ ანტიგენი.,,ის, რომ ,რომელიმე ადამიანი, რომელსაც აქვს სიმპტომი ,დაგვრჩეს ტესტების გარეშე, ესეთი პიროვნებები არ გვავს იმერეთში და არც გვეყოლება.,,-განაცხადა გუბერნატორმა.მისი ინფორმაციით,  იმერეთში ყოველდღიურად 2000  ტესტის გაკეთების რესურსი აქვთ.

კორონავირუსის პანდემიის გამო გასატარებელი დამატებითი შეზღუდვების შესახებ საზოგადოებისთვის დღეს გახდება ცნობილი.

გავრცელებული ინფორმაციით, საუბარია შეზღუდვების 28 ნოემბრიდან შემოღებაზე, რომელიც 24 დეკემბრამდე იმოქმედებს. დეკემბრის ბოლოდან იანვრის დასაწყისამდე, შობა-ახალი წლის გათვალისწინებით, დაგეგმილია შეზღუდვების მოხსნა, თუმცა იანვრის დასაწყისიდან შეზღუდვები ისევ ამოქმედდება.

არაოფიციალური ცნობით, სავარაუდოდ, აიკრძალება ყველა ტიპის მაღაზიის საქმიანობა, გარდა სურსათის მაღაზიებისა, თუმცა ონლაინვაჭრობა ნებადართული დარჩება. შეზღუდვა შეეხება საზოგადოებრივ ტრანსპორტსაც. სავარაუდოდ, აიკრძალება სპორტდარბაზები, თუმცა იმუშავებს სალონები. გარდა ამისა, გადაადგილებაზე შეზღუდვა 21:00 საათიდან იმოქმედებს.

ბოლო რამდენიმე დღის განმავლობაში პრემიერ-მინისტრმა შესაბამის უწყებებთან ერთად კონსულტაციები გამართა, როგორც სამედიცინო სფეროს, ასევე ბიზნესის წარმომადგენლებთან. შეხვედრებზე ქვეყანაში შექმნილი ეპიდემიოლოგიური ვითარებიდან გამომდინარე გასატარებელი დამატებითი შეზღუდვების თაობაზე მსჯელობდნენ.

მიმდინარე წლის ბიუჯეტში მიგით მეექვსე ცვლილება შევიდა, რომლის თანახმადაც სარეზერვო ფონდი 30 ათასი ლარით გაიზარდა, ხოლო პანდემიის მართვის მიზნით ახლადშექმნილი პროგრამა 53 ათასი ლარით დაფინანსდა.

თანხების მობილიზება ბიუჯეტში ეკონომიების ხარჯზე გახდა შესაძლებელი.

თანხა მერიაში შექმნილი ქოლცენტრის ფუნქციონირებასა და კოვიდპაციენტებს მოხმარდება.