დღეს დავით კაკაბაძის სახელობის ქუთაისის სახვითი ხელოვნების გალერეში, მაია ბატკუაშვილის პერსონალური გამოფენა - "გვირილობა" გაიმართა, რომლის დათვალიერებაც მსურველებსა და ხელოვნების მოყვარულებს 9 ივნისამდე შეეძლებათ. გამოფენაზე წარმოდგენილი იყო თვითნასწავლი მხატვრის შერეული ტექნიკით შესრულებული ნამუშევრები, რომლებიც ჯერ არსად გამოფენილა. თავად ხელოვანი საკუთარ შემოქმედებას ძველი ნივთების მეორე სიცოცხლეს უწოდებს.

მაია ბატკუაშვილის პირველი პერსონალური გამოფენა 2020 წლის 3 ივლისს თბილისში გაიმართა.

მუზეუმის საერთაშორისო დღესთან დაკავშირებით, ვანის არქეოლოგიურ მუზეუმს საქართველოში ევროკავშირის ელჩი კარლ ჰარცელი ეწვია. ვანის განახლებულ მუზეუმში კარლ ჰარცელს იმერეთში სახელმწიფო რწმუნებულმა, ზვიად შალამბერიძემ და საქართველოს ეროვნული მუზეუმის გენერალურმა დირექტორმა, დავით ლორთქიფანიძემ უმასპინძლეს.

ქუთაისის საერთაშორისო უნივერსიტეტმა საფრანგეთში მოღვაწე ქართველ რეჟისორს უმაპინძლა.გელა ბაბლუანი სტუდენტებს შეხვდა და   მის მიერ დაარსებული ფრანგული კინოსკოლის შესახებ პრეზენტაცია  გამართა. ისაუბრებრა საკუთარ ფილმებზე.

  შეხვედრა ქუთაისის საერთაშორისო კინოფესტივალის ფარგლებში განხორციელდა.

პრეზენტაციას ქუთაისის მერიც ესწრებოდა.

ფესტივალი ქუთაისის მერიისა და საქართველოს ეროვნული კინოცენტრის მხარდაჭერით ტარდება. ფესტივალის გახსნას ქუთაისის მერი იოსებ ხახალეიშვილი, სახელმწიფო რწმუნებული იმერეთში ზვიად შალამბერიძე, მაჟორიტარი დეპუტატი პარლამენტში ზაზა ლომინაძე, ეროვნული კინოცენტრისა და ადგილობრივი ხელისუფლების წარმომადგენლები დაესწრნენ. ფესტივალის მთავარ კონკურსში (10- დან 30 წთ-მდე) მონაწილეობს 15 ფილმი. მეორე კონკურსში (1 -დან 5 წუთამდე ფილმები) მონაწილეობს 26 ფილმი. მთავარი საერთაშორისო კონკურსის ჟიური ფესტივალის პრიზს – „ოქროს დინოზავრს“ -გადასცემს გამარჯვებულებს ორ კატეგორიაში – საუკეთესო ფილმი და საუკეთესო რეჟისორი. 1-5 წუთიანი ფილმების კონკურსში, რომელშიც მონაწილეობენ პროფესიონალი და მოყვარული ავტორები, გაიცემა ერთი პრიზი – „დინოზავრის ნაკვალევი“, საუკეთესო ფილმისთვის . საპატიო პრიზი“ოქროს დინოზავრი“ კინოხელოვნების განვითარებაში შეტანილი განსაკუთრებული წვლილისათვის რეზო გაბრიაძეს გადაეცა. 3 დღის განმავლობაში ფართო აუდიტორიას საშუალება ექნება გაეცნოს ფრანგული, ჩინური, გერმანული მოკლემეტრაჟიანი ფილმების მრავალფეროვან პროგრამას . ნაჩვენები იქნება უკანასკნელი ათწლეულის თანამედროვე ქართული მოკლემეტრაჟიანი ფილმები; კინოჩვენებებთან ერთად, ფესტივალის პროგრამა მოიცავს საგანამანათლებლო ღონისძიებებსაც. მასტერკლასებს ჩაატარებენ ცნობილი კინორეჟისორები, კინოოპერატორები, სცენარისტები, პროდიუსერები. კინოჩვენებები გაიმართება კინოთეატრ „საქართველოში“ და დასწრება უფასოა. ფესტივალი გამარჯვებულებს 12 მაისს დაასახელებს.