ანტიკორუფციული მოძრაობის იმერეთის ორგანიზაციამ დღეს ჭავჭავაძის გამზირზე გზის სარეაბილიტაციო სამუშაოებთან დაკავშირებით ბრიფინგი გამართა.გამზირის გარკვეული მონაკვეთის რეაბილიტაციას საავტომობილო გზების დეპარტამენტი ახორციელებს.ტენდერის ღირებულება 5 მილიონია. ერთ-ერთი, რაც ადგილზე კეთდება, იცვლება ქვაფენილი, თუმცა ,როგორც თემურ ცამციშვილი ამბობს,   ქვაფენილის საკმაოდ დიდ ნაწილს, დაუზიანებელს, კომპანიის წარმომადგენლები გვერდით აწყობენ და  შემდეგ ყიდიან.

,,ბრიფინგის თემაც ეს არის. რომელი ფილებიც  ვარგა, რატომ ყიდიან ,რომელიც ვარგა, ხომ შეიძლებოდა ისეთ ადგილას გამოყენებულიყო ქუთაისში, სადაც გავლა შეუძლებელია და ასეთი ადგილი ამ ქალაქში სამწუხაროდ,ბევრია,,-თემურ ცამციშვილი,ანტიკორუფციული მოძრაობის იმერეთის ორგანიზაციის ხელმძღვანელი.

მან დღეს ფოტო მასალა და აუდიო ჩანაწერიც გაავრცელა, რომლის მიხედვითაც, ფილები ნამდვილად იყიდება.

ანტიკორუფციული მოძრაობის იმერეთის ორგანიზაციის ინფორმაციით, ერთი კვადრატული  მეორადი ფილა 5 ლარი ღირს.

საქართველოს პრემიერ-მინისტრის, განცხადებით, „ქართული ოცნების“ ხელისუფლებაში მოსვლის შემდეგ, საქართველოს პროკურატურა ეფექტიან, ანგარიშვალდებულ და გამჭვირვალე ინსტიტუციად ჩამოყალიბდა და ის მუდმივად ვითარდება.

როგორც მან პროკურორთა საერთაშორისო 27-ე წლიურ კონფერენციაზე სიტყვით გამოსვლისას აღნიშნა, პროკურატურის სისტემის განვითარება ხელისუფლების უცვლელი პრიორიტეტია.

„კორონავირუსის პანდემიით გამოწვეული სირთულეების, ახლა უკრაინაში ომის, ევროპის კონტინენტზე მიმდინარე საომარი მოქმედებებიდან გამომდინარე, საფრთხეების, ასევე, ციფრულ ტრანსფორმაციასთან დაკავშირებულ დანაშაულთან, მათ შორის კრიპტოვალუტის მეშვეობით ფულის გათეთრების თუ კიბერდანაშაულის მზარდი მასშტაბების პირისპირ, აშკარაა, რომ დღეს მსოფლიო განახლების რთულ პროცესს გადის. უფრო სამართლიანი, დემოკრატიული, მშვიდობიანი საერთაშორისო საზოგადოების მშენებლობაში, სამართალდამცავ ორგანოთა მუშაობას განსაკუთრებული მნიშვნელობა აქვს, იქნება ეს ეროვნულ დონეზე თუ საერთაშორისო პარტნიორობის ფარგლებში. პროკურატურის სისტემის განვითარება ჩვენი გუნდის ხელისუფლებაში მოსვლის შემდეგ ჩვენი უცვლელი პრიორიტეტია. ჩვენს დროს პროკურატურის დამოუკიდებლობა ქვეყნის უზენაესი კანონით, კონსტიტუციით იქნა აღიარებული და სრულიად დამოუკიდებელ ინსტიტუციად ჩამოყალიბდა. მასშტაბური რეფორმების შედეგად, საქართველოს პროკურატურა ეფექტიან, ანგარიშვალდებულ და გამჭვირვალე ინსტიტუციად ჩამოყალიბდა და მუდმივად ვითარდება“, - განაცხადა პრემიერმა.

მან მადლობა გადაუხადა საქართველოს გენერალურ პროკურორს, ირაკლი შოთაძეს და განაცხადა, რომ საქართველო განსაკუთრებით აფასებს ისეთ ავტორიტეტულ ორგანიზაციასთან თანამშრომლობას, როგორიც არის პროკურორთა საერთაშორისო ასოციაცია.

„180-ზე მეტი ქვეყნის უწყებებთან თუ ინდივიდუალურ წევრებთან თანამშრომლობა, ერთი მხრივ, არსებითია ჩვენი პროკურატურის შემდგომი განვითარებისთვის და ამავდროულად, ჩვენ გვჯერა, რომ თავადაც მნიშვნელოვან როლს ვთამაშობთ სამართლიანი და დემოკრატიული მსოფლიოს მშენებლობაში. მიმდინარე კონფერენცია და ამ დღეებში დაგეგმილი ღონისძიებებით, მათ შორის საქართველოს პროკურატურასა და ევროკავშირის პროკურატურას შორის სამომავლო თანამშრომლობა-შეთანხმების გაფორმებით, კიდევ ერთ ნაბიჯს გადავდგამთ ჩვენი საერთო მიზნებისკენ“, - განაცხადა პრემიერმა.

ანტიკორუფციული მოძრაობის იმერეთის ორგანიზაციის თავმჯდომარემ დღეს ბრიფინგი გამართა და ჟურნალისტებს სამტრედიის მუნიციპალიტეტში ტენდერის გარეშე გაცემული თანხების შესახებ ინფორმაცია მიაწოდა. თემურ ცამციშვილის თქმით,სამტრედიის მერიამ სამ სუბიექტთან, შპს ,,ტარა,, შპს ,,ენერჯი,, და ინდმეწარმე ,,მადონა ხარებავა,, ტენდერის გარეშე,  გამარტივებული შესყიდვით ხელშეკრულებები გააფორმა . საქმე დაახლოებით  400 ათას ლარს ეხება.

,,ჩვენ მოვუწოდებთ შესაბამის სამსახურებს, საკმარისია თუ არა ეს სტატისტიკა, მინიმუმ იმისთვის, რომ დაინტერესდენ ამ საკითხით და გამოძიება დაიწყონ,რატომ ხდება ამ თანხების ტენდერის გარეშე გაცემა ,მაშინ როცა ტენდერით იგივე პროექტები 20-30%-ით ნაკლები დაჯდებოდა და რატომ აფორმებენ ამ ხელშეკრულებებს.ეს არის მხოლოდ სამი თვის სტატისტიკა,,-აცხადებს თემურ ცამციშვილი.

ეროვნული-დემოკრატიული ინსტიტუტის (NDI) მიერ გამოკითხული მოსახლეობის ნახევარი მთავრობის საქმიანობას ცუდად აფასებს.

კერძოდ, კითხვაზე, „როგორ შეაფასებდით არსებული მთავრობის საქმიანობას“, გამოკითხულთა 51% ამბობს, რომ „ცუდად“. 41% მთავრობის საქმიანობას კარგად აფასებს, 7% ამბობს, რომ არ იცის, ხოლო 1% პასუხზე უარს აცხადებს.

კვლევის თანახმად, მთავრობის მიმართ ყველაზე კრიტიკულად თბილისის, სხვა დიდი ურბანული დასახლებების და ახალგაზრდა ასაკობრივი ჯგუფის წარმომადგენლები არიან განწყობილნი.

კერძოდ, მთავრობის საქმიანობას ცუდად აფასებს თბილისში გამოკითხულთა 60%, ხოლო კარგად - 35%.

დიდი ქალაქები: ცუდად 59%, კარგად 34%; პატარა ქალაქები: ცუდად 49%, კარგად 44%; სოფლები: ცუდად 44%, კარგად 45%;

რაც შეეხება მათ განაწილებას პარტიული მხარდაჭერის მიხედვით, მთავრობის საქმიანობას ცუდად აფასებს გამოკითხულთაგან „ქართული ოცნების“ მხარდამჭერების 13%, ხოლო კარგად 84%. გამოკითხულებს შორის ოპოზიციის მხარდამჭერების 75% მთავრობის საქმიანობაზე ამბობს, რომ ცუდია, 20% კი მთავრობის საქმიანობას კარგად აფასებს.

კვლევის თანახმად, პრემიერ-მინისტრის საქმიანობას, გამოკითხული მოსახლეობის 28% - კარგად, 33%-საშუალოდ, 35%-ცუდად აფასებს. კითხვაზე პასუხი არ იცის 4% -მა. ინფორმაციისთვის, 2022 წლის მარტში, პრემიერის საქმიანობას გამოკითხულთა 26% -კარგად, 32% - საშუალოდ, 36% - ცუდად აფასებდა. პასუხი არ იცოდა გამოკითხულთა 6%-მა.

ამასთან, გამოკითხულთა 9% პარლამენტის საქმიანობას კარგად აფასებს, 45%-საშუალოდ, 41% - ცუდად. კითხვაზე პასუხი არ იცის - 4% -მა.

გამოკითხული მოსახლეობიდან პრეზიდენტის საქმიანობას 12% - კარგად, 43%-საშუალოდ, 40%-ცუდად აფასებს. 5%-მა პასუხი არ იცის. ინფორმაციისთვის, 2022 წლის მარტში, პრეზიდენტის საქმიანობას გამოკითხული მოსახლეობის 24% - კარგად, 42%-საშუალოდ, 24%-ცუდად აფასებდა. პასუხი არ იცოდა გამოკითხულთა 9%-მა.

ეროვნულ-დემოკრატიული ინსტიტუტისა და CRRC-საქართველოს მიერ გამოქვეყნებული ანგარიში 14 ივლისიდან - 15 აგვისტომდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). აგვისტოში ჩატარებული გამოკითხვა სულ 2,104 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 2 პროცენტია.

ქუთაისის საქალაქო სასამართლოს გადაწყვეტილებით , მამაკაცი, რომელმაც მოსწავლე-ახალგაზრდობის პარკის ადმინისტრაციულ შენობასთან ოკუპანტი ქვეყნის დროშა გამოფინა, 500 ლარით დაჯარიმდა.

პირი, რომელმაც ოკუპანტი ქვეყნის დროშა აღმართა,გიორგი ძაგნიძეა.

შემთხვევა 30 აგვისტოს მოხდა,რის შემდეგაც ქუთაისის მერიის მუნიციპალური ინსპექციის მიერ მის მიმართ შედგენილ იქნა ადმინისტრაციულ სამართალდარღვევათა ოქმი, საქართველოს ადმინისტრაციული სამართალდარღვევათა კოდექსის 150-ე მუხლის 21-ე ნაწილით გათვალისწინებული სამართალდარღვევის ჩადენისთვის.