იმერეთში საპილოტე რეგიონების ინტეგრირებული განვითარების პროგრამის ფარგლებში ამ ეტაპზე 40-მდე პროექტზე სამუშაოები აქტიურად მიმდინარეობს. 

პრემიერ-მინისტრის განცხადებით, მომდევნო წლის ბიუჯეტის პროექტით პენსიის ზრდა იგეგმება.

როგორც მან მთავრობის დღევანდელ სხდომაზე განაცხადა, 70 წლის და მეტი ასაკის პენსიონერთა პენსია მაღალმთიან დასახლებებში თითქმის 440 ლარი იქნება, სხვაგან კი 365 ლარი.

„რაც შეეხება სოციალურ მიმართულებას, ჯანდაცვისა და სოციალური პროგრამების დაფინანსება 770 მილიონი ლარით იზრდება, 70 წლის და მეტი ასაკის პენსიონერთა პენსია გახდება მაღალმთიან დასახლებებში 440 ლარამდე - თითქმის 440 ლარი იქნება პენსია, სხვაგან 365 ლარი. 70 წლამდე პირთა პენსია გახდება თითქმის 300 ლარი, ხოლო მაღალმთიან დასახლებებში 70 წლამდე პირთა პენსია გახდება 355 ლარი.

გარდა პენსიისა, მინდა ვთქვა, რომ გათვალისწინებული გვაქვს, მკვეთრად გამოხატული შშ პირთა სოციალური დახმარებების ზრდა 65 ლარით, ასევე დანარჩენი კატეგორიის შშმ პირთა გასაცემელიც გაიზრდება.

მინდა შეგახსენოთ, რომ ჩვენ ბავშვთა დახმარება უკვე თითქმის გავასამმაგეთ, იყო 50 ლარი და ახლა არის 150 ლარი. შარშან იყო 100 ლარი, შემდეგ კიდევ გავზარდეთ 150 ლარით და ეს გაგრძელდება. ჩვენი სურვილია, იმისდა მიხედვით, როგორი ბიუჯეტი გვექნება 2023 წელს და როგორი შემოსავლები, გვინდა რომ კიდევ გავზარდოთ. ამის თაობაზე მოგვიანებით მოგახსენებთ“, - განაცხადა პრემიერმა.

მისი თქმით, ასევე იგეგმება დევნილთა სახლების მშენებლობა.

„მოგეხსენებათ, დევნილთა სახლების მშენებლობას ვიწყებთ. 7 ათას ბინაზე გათვლილი საცხოვრებლის მშენებლობა იწყება, ტენდერები ჩატარებულია და ძალიან მალე დასრულდება, ამისთვის 250 მილიონი ლარია გამოყოფილი 2023 წელს“, - განაცხადა პრემიერმა.

ქუთაისის მერიაში ახალი ა(ა)იპის შექმნას ანტიკორუფციული მოძრაობის იმერეთის ორგანიზაციის თავმჯდომარე ეხმაურება.თემურ ცამციშვილი მთავარ პრობლემას ბიუროკრატიის ზრდაში,კორუფციასა და არაპროფესიონალიზმში ხედავს.

"მთავარი საფრთხე ზოგადად ბიუროკრატიის ზრდაა ქვეყანაში,მნიშვნელობა არ აქვს,რა მოტივით ქმნიან ამა თუ იმ სამსახურს,გაზრდილი ბიუროკრატია ნიშნავს მეტ ხარჯებს,საბიუჯეტო სახსრების არამიზნობრივ განოყენებას და საბოლოო ჯამში ეკონომიკიდან და ხალხიდან მეტ ამოღებულ თანხას,რაც თავის მხრივ იწვევს კერძო სექტორში სამუშაო ადგილების შემცირებას,გადასახადების ზრდას და ა.შ.რაც საბოლოო ჯამში თითოეულ ადამიანის ჯიბეზე აისახება. არ ჭირდება მერიის ასეულობით თანამშრომელს დამატებით კიდევ სპეციალური სამსახური ,რომელიც მიმდინარე პოროექტებს შეამოწმებს,მათ შორის მერი და შესაბამისი სამსახურები პირადად უნდა იყვნენ ჩართულნი მიმდინარე პროექტების შემოწმებაში,მაგრამ სამწუხაროდ გვაქვს სხვა მოცემულობა,კორუფცია და არაპროფესიონალიზმი ადგილობრივ თვითმმართველობაში"-განაცხადა თემურ ცამციშვილმა.

შეგახსენებთ,ქუთაისის მერიაში ახალი ა(ა)იპი-მუნიციპალური ინსპექცია  შეიქმნა, რომელიც გახორციელებს ქუთაისის ტერიტორიაზე მშენებლობის, ქალაქის იერსახის, გარე-რეკლამის, გარე ვაჭრობის, ნარჩენებით ქალაქის დანაგვიანების, აკუსტიკური ხმაურისა და პიროტექნიკური ნაკეთობის გამოყენებაზე ინსპექტირებასა და მუნიციპალური საკუთრების დაცვას.

ქუთაისის მუნიციპალიტეტში  ახალი სამსახური  - ა(ა)იპ მუნიციპალური ინსპექცია შეიქმნა, რომელიც   ქალაქის მთელი ტერიტორიის მასშტაბით ახდენს სწრაფ რეაგირებას სხვადასხვა ფაქტებსა და პროცესებზე.

სახალხო დამცველის თანამდებობის დასაკავებლად გამოცხადებულ კონკურსში განაცხადი 19-მა კანდიდატმა წარადგინა.მათ შორის არის ქუთაისელი ნუგზარ კოხრეიძე - არასამთავრობო ორგანიზაცია „სამეცნიერო ინტელექტუალური კლუბი თაობათა დიალოგის“ თავმჯდომარე.

ანტიკორუფციული მოძრაობის იმერეთის ორგანიზაციამ დღეს ჭავჭავაძის გამზირზე გზის სარეაბილიტაციო სამუშაოებთან დაკავშირებით ბრიფინგი გამართა.გამზირის გარკვეული მონაკვეთის რეაბილიტაციას საავტომობილო გზების დეპარტამენტი ახორციელებს.ტენდერის ღირებულება 5 მილიონია. ერთ-ერთი, რაც ადგილზე კეთდება, იცვლება ქვაფენილი, თუმცა ,როგორც თემურ ცამციშვილი ამბობს,   ქვაფენილის საკმაოდ დიდ ნაწილს, დაუზიანებელს, კომპანიის წარმომადგენლები გვერდით აწყობენ და  შემდეგ ყიდიან.

,,ბრიფინგის თემაც ეს არის. რომელი ფილებიც  ვარგა, რატომ ყიდიან ,რომელიც ვარგა, ხომ შეიძლებოდა ისეთ ადგილას გამოყენებულიყო ქუთაისში, სადაც გავლა შეუძლებელია და ასეთი ადგილი ამ ქალაქში სამწუხაროდ,ბევრია,,-თემურ ცამციშვილი,ანტიკორუფციული მოძრაობის იმერეთის ორგანიზაციის ხელმძღვანელი.

მან დღეს ფოტო მასალა და აუდიო ჩანაწერიც გაავრცელა, რომლის მიხედვითაც, ფილები ნამდვილად იყიდება.

ანტიკორუფციული მოძრაობის იმერეთის ორგანიზაციის ინფორმაციით, ერთი კვადრატული  მეორადი ფილა 5 ლარი ღირს.