3-4 აპრილს, საბაჟო გამშვები პუნქტი - ,,ქუთაისის აეროპორტში“ არადეკლარირებული ოქროს ნაკეთობების შემოტანის მცდელობის 3 ფაქტი აღიკვეთა.

ფაქტები ფინანსთა სამინისტროს შემოსავლების სამსახურმა გაასაჯაროვა.

არადეკლარირებული საქონლის საერთო საბაჟო ღირებულებამ 34 440 ლარი შეადგინა.

ერთი სამართალდამრღვევი პირის მიმართ, საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო ორი კანონდამრღვევი მოქალაქე საბაჟო კოდექსის 168-ე მუხლის I ნაწილის შესაბამისად, საერთო ჯამში 19 424 ლარით დაჯარიმდა.

 ფოტო პირობითია. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 მარტიდან 31 მარტის ჩათვლით პერიოდში, ოთხ ქალაქში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 809 ფაქტი გამოავლინეს.

525 სამართალდარღვევა გამოვლენილია თბილისში, 135 - ბათუმში, 85 - ქუთაისში, 64 კი - რუსთავში. 

ატმოსფერული ჰაერის ხარისხის გაუმჯობესებისა და სატრანსპორტო სექტორიდან დაბინძურების მინიმუმამდე შემცირების მიზნით, დეპარტამენტის ინსპექტორები ქვეყნის ოთხ ქალაქში გზებზე მოძრავი ავტოსატრანსპორტო საშუალებების გამონაბოლქვის კონტროლს ყოველდღიურად ახორციელებენ. 

ქუთაისში , 2008 წლის აგვისტოს ომის მემორიალზე გაკეთებული წარწერა- ,,8 აგვისტოს ომში დაღუპულ გმირთა მემორიალი,, მოხსნილია. ფოტო, სადაც მემორიალის კედელზე აღნიშნული წარწერა იყო დატანილი,სოციალურ ქსელში გუშინ გავრცელდა და საზოგადოების დიდი ნაწილის პროტესტი გამოიწვია.დღეს დაიგეგმა აქცია,სადაც მემორიალზე ომის დაწყების თარიღად 8 აგვისტოს დაწერას აპროტესტებდნენ.

,,წაშალეს ის საშინელი წარწერა.თუმცა, ვფიქრობ არ იყო ეს უბრალოდ შეცდომა, ეს იყო ტესტი ქართველი ხალხისთვის, თუ რა რეაქცია ექნებოდათ ამ ახალ ფრაზაზე, ომს დაარქვეს სახელი და უწოდეს "8 აგვისტოს ომის". (აქამდე ასეთი ფრაზა არსად გაჟღერებულა) .

რატომ არ უწოდეს "9 აგვისტოს ომი" ან "12 აგვისტოს ომი"? მნიშვნელოვანია რომ რუსული პროპაგანდის მთავარი ხაზი გადის "ქართველებმა დაიწყეს ომი 8 აგვისტოს" , ამას საეჭვდოდ ემთხვევა ეს ჩვენი "8 აგვისტოს ომი",,-სამოქალაქო აქტივისტი მიშიკო მუმლაძე.

რუსეთ-საქართველოს 5 დღიანი  ომი, 2008 წლის 7 აგვისტოს დაიწყო. ომს 170 სამხედრო მოსამსახურე, 14 პოლიციელი და 228 მშვიდობიანი მოქალაქე ემსხვერპლა, ხოლო 2 232 ადამიანი დაშავდა.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 მარტიდან 31 მარტის პერიოდში, უკანონო ტყითსარგებლობის 185 ფაქტი გამოავლინეს. 

გამოვლენილი სამართალდარღვევებიდან 151 ფაქტი ეხება ხე-ტყის უკანონო მოპოვება-ტრანსპორტირებას, ხოლო 34 - სახერხი საამქროების მიერ ტექნიკური რეგლამენტის დარღვევასა და არალეგალური საქმიანობის შემთხვევებს.

გამოვლენილი სამართალდარღვევებიდან 32 ფაქტი შეიცავს სისხლის სამართლის დანაშაულის ნიშნებს. მასალები, შემდგომი რეაგირების მიზნით, შესაბამის უწყებებში გადაიგზავნა.

2026 წლის მარტში დალუქულია 8 არარეგისტრირებული სახერხი საამქრო. ჯამში ამოღებულია 183 კუბურ მეტრზე მეტი მოცულობის უკანონოდ მოპოვებული ხე-ტყე.

რეგიონების მიხედვით, ყველაზე მეტი - 49 ფაქტი დაფიქსირდა აჭარაში. შემდეგ მოდის სამეგრელო-ზემო სვანეთი - 32, იმერეთი - 30, კახეთი - 29, სამცხე-ჯავახეთი - 11, რაჭა-ლეჩხუმი-ქვემო სვანეთი - 10, ქვემო ქართლი - 10, შიდა ქართლი - 7, გურია - 4, მცხეთა-მთიანეთი - 3.

მიმდინარე წლის პირველ 3 თვეში ქვეყნის მასშტაბით უკვე გამოვლენილია უკანონო ტყითსარგებლობის 490 ფაქტი.

ქუთაისში, 2008 წლის აგვისტოს რუსეთ-საქართველოს ომში დაღუპულთა მემორიალის რეაბილიტაცია განხორციელდა.სამოქალაქო აქტივისტების პროტესტი მიყვა გაკეთებულ წარწერას-,,8 აგვისტოს ომში დაღუპულ გმირთა მემორიალი,,. აქტივისტები ამ წარწერის გაპროტესტებას დღეს, 19:00 საათზე, აქციით აპირებენ. ისინი აცხადებენ,რომ ომი დაიწყო უფრო ადრე,და მემორიალზე დატანილი თარიღი სიმართლეს არ შეესაბამება.  აქცია აღმაშენებლის გამზირზე, ფოლკლორის ცენტრის მიმდებარე ტერიტორიაზე გაიმართება. 

,,რას ნიშნავს 8 აგვისტოს ომში დაღუპულთა მემორიალი?სად აწერია წელი,სად აწერია,ვისთან გვქონდა ომი,ან რას ნიშნავს თარიღი 8 აგვისტო?მეომრები დაიღუპნენ მანამდეც და დაიღუპნენ 8 აგვისტოს შემდეგაც.თუ ეს მორიგი მორიგი მოღალატეობრივი გადაწყვეტილებაა, სადაც უნდათ ამ ომს დაარქვან  სახელი 8 აგვისტო,რაც პირდაპირ რუსული პროპაგანდის ნაწილია,რომლებიც ამტკიცებენ,რომ ქართველებმა საომარი მოქმედებები დაიწყეს ზუსტად 8 აგვისტოს.,,-აცხადებს სამოქალაქო აქტივისტი მიშიკო მუმლაძე. 

ფოტო გოჩა უგლავა.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა, ბზობის დღესასწაულის წინა პერიოდში გამკაცრებული კონტროლის ფარგლებში სამართალდარღვევა გამოავლინა. 

ქალაქ ტყიბულში მოქალაქემ უკანონოდ მოიპოვა ბზის 1000 ერთეული ტოტი. 

შედგა შესაბამისი დოკუმენტაცია. უკანონოდ მოპოვებული ბზა დაილუქა. 

კოლხური ბზა „წითელი ნუსხით“ დაცული სახეობაა. მისი მოჭრა, ამოძირკვა ან ტოტების დაზიანება კანონით ისჯება. აღნიშნული სამართალდარღვევა ითვალისწინებს ჯარიმას 500-დან 2500 ლარამდე. იმ შემთხვევაში კი, თუ ბზის უკანონო მოპოვებით გარემოსთვის მიყენებული ზიანი 1000 ლარს აჭარბებს, საქმეს სისხლის სამართლის დანაშაულის კვალიფიკაცია ენიჭება.

გარემოსდაცვითი ზედამხედველობის დეპარტამენტი ბზობის დღესასწაულის წინა პერიოდში, ქვეყნის მასშტაბით ყოველწლიურად ამკაცრებს კონტროლს.

ბზის მოპოვება შესაძლებელია მხოლოდ კერძო საკუთრებაში არსებული სანერგეებიდან ან ხელოვნურად გაშენებული პლანტაციებიდან, ადგილობრივი თვითმმართველობის ორგანოს მიერ გაცემული შესაბამისი ადგილწარმოშობის ცნობის საფუძველზე.