✅ გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლების მიერ სამართალდარღვევა გამოვლენილია სამტრედიის მუნიციპალიტეტში. 

სოფელ თხილაგანში მოქალაქეს საცხოვრებელი სახლის ეზოში უკანონოდ ჰქონდა დამონტაჟებული ცირკული ტიპი, არარეგისტრირებული სახერხი დანადგარი. 

მიმდებარე ტერიტორიაზე ასევე განთავსებული იყო თხმელას (მურყანი) სახეობის 2 ერთეული მრგვალი ხე-ტყე (მორი) და 0,5 კუბური მეტრი მოცულობის პირველადი გადამუშავების პროდუქტი (ფიცარი). 

ვინაიდან ფაქტი შეიცავს სისხლის სამართლის დანაშაულის ნიშნებს, მასალები შემდგომი რეაგირების მიზნით შესაბამის უწყებაში გადაიგზავნა.

მიმდინარე წლის პირველ სამ თვეში, მხოლოდ იმერეთში გამოვლენილია ტყით უკანონო სარგებლობის 50-მდე ფაქტი.  

თოვის გამო, შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე დროებით იკრძალება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

თოვლის და ლიპყინულის გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ138-კმ185 (მესტია-უშგული) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და M3 კატეგორიის (გააჩნია 8-ზე მეტი დასაჯდომი ადგილი (მძღოლის ადგილის გარდა) და აქვს 5 ტონაზე მეტი სრული მასა) მგზავრთა გადასაყვანად განკუთვნილი ავტოსატრანსპორტო საშუალებების მოძრაობა.

ამავე საავტომობილო გზის კმ150-კმ185 (ულახი-უშგული) მონაკვეთზე მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით, მაღალი გამავლობის ავტოტრანსპორტის (ორი და მეტი წამყვანი ხიდის მქონე) მოძრაობა თავისუფალია.

საავტომობილო გზის კმ1-კმ138 (ზუგდიდი-მესტია) მონაკვეთზე ავტოტრანსპორტის მოძრაობა თავისუფალია.

თოვის და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)–კობი) მონაკვეთზე დროებით აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.

მწვანე ყვავილას ქუჩის მოსახლეობის ნაწილმა დღეს საპროტესტო აქცია გამართა. ჭალის დასახლების მაცხოვრებლები გზის სავალალო მდგომარეობას აპროტესტებენ .ჭალისკენ მიმავალ გზაზე ქვები რამდენიმე თვის წინ ჩამოიშალა, რის შედეგადაც აღნიშნულ მონაკვეთზე მანქანით მოძრაობა აიკრძალა.

მოსახლეობის თქმით, ყოველი წვიმის შემდეგ მდგომარეობა კიდევ უფრო უარესდება.

,,ჩვენ არ ვითხოვთ ზედმეტს — გვინდა უსაფრთხო გზა, რომლითაც შევძლებთ თავისუფლად გადაადგილებას, ბავშვების სკოლაში გაშვებას და საჭიროების შემთხვევაში სასწრაფო დახმარების დროულად მიღებას.

მოვუწოდებთ შესაბამის უწყებებს, დროულად მოახდინონ რეაგირება და დაიწყონ პრობლემის მოგვარება, სანამ ეს ყველაფერი უფრო მძიმე შედეგებამდე მიგვიყვანს. ეს არის არა მხოლოდ კომფორტის, არამედ ჩვენი უსაფრთხოების საკითხი.,,-აცხადებს მოსახლეობა.

ჭალის მაცხოვრებლები ითხოვენ ტერიტორია სპეციალისტებმა შეამოწმონ,გატარდეს უსაფრთხოების ღონისძიებები, მოხდეს ფერდობის გამაგრება,  დამცავი ინფრასტრუქტურის მოწყობა და გაიწმინდოს გზა.

საქართველოს 2024 წლის მოსახლეობის აღწერა 2024 წლის 14 ნოემბრიდან 31 დეკემბრის პერიოდში ჩატარდა. აღწერამ მოიცვა ქვეყნის მთელი ტერიტორია, ოკუპირებული ტერიტორიების გარდა.

2024 წლის 14 ნოემბრის მდგომარეობით, საქართველოს მოსახლეობამ 3 929 581 კაცი შეადგინა, რაც 0.4 პროცენტით მეტია 2025 წლის ივნისში გამოქვეყნებულ (3 914 000 კაცი) წინასწარ მონაცემთან შედარებით.

მოსახლეობის 52 პროცენტი (2 048 577 ) ქალია, ხოლო 48 პროცენტი (1 881 004 ) - კაცი. ქალების წილი შედარებით მაღალია ქ. თბილისსა და ქ. ქუთაისში და შეადგენს 54 პროცენტს, ხოლო შედარებით დაბალია ქედის, ხელვაჩაურის, ხარაგაულის, საგარეჯოს, მარნეულის მუნიციპალიტეტებში-49 პროცენტი.

თბილისში ცხოვრობს 1 331 485 კაცი, რაც საქართველოს მოსახლეობის 34 პროცენტია. მოსახლეობის რიცხოვნობის მიხედვით მეორე და მესამე ადგილს იკავებს იმერეთი (510 741 კაცი) და ქვემო ქართლი (441 630 კაცი)-13 და 11 პროცენტი.

 23-24 აპრილს საქართველოში კვლავ მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი, სეტყვა, ქარის გაძლიერება, მაღალმთიან რაიონებში ზვავსაშიშროება.  

მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციას გარემოს ეროვნული სააგენტო ავრცელებს. 

ქუთაისის საკრებულოს წევრი პარტია ,,გახარია საქართველოსთვის,,  ელეონორა არჩაია დიუშენის დაავადების მქონე ბავშვების მშობლების მოთხოვნას ეხმაურება.

,,რამოდენიმე თვეა დიუშენის დაავადების მქონდე ბავშვების მშობლები წამლის მოთხოვნით აქციებს მართავენ. 

ჩვენი ხელისუფლება პასუხად იმისა, რომ ბავშვებს დაეხმაროს და მისი მოვალეობა შეასრულოს, მშობლებს პროტესტის საშუალებას უზღუდავს და პროპაგანდისტული მედიით მათ დისკრედიტაციას ცდილობს. 

 სახელმწიფოს უმთავრესი ფუნქცია მისი მოწყვლადი მოქალქეების უფლებების დაცვა და ღირსეული ცხოვრების უზრუნველყოფაა! თუმცა სახელმწიფოში სადაც მხოლოდ ჩინივნიკების გამდიდრებაა პრიორიტეტი, მოქალაქის ინტერესები უკანა ფლანგზე ინაცვლებს!  

 ჩემი ურყევი მხარდაჭერა მებრძოლ და შეუპოვარ მშობლებს! თქვენი შვილების ჯანმრთელიბისთვის ბრძოლა უშედეგოდ არ ჩაივლის,,-ელეონორა არჩაია.